¹ Ary tamin'ny align'ny Sabata, ra vô nanomboka mangiran-dratsy ny andro vôlôny amin'ny herinandro, de lasa nande nijery ny fasagna Maria MAgdalena sy le Maria raika hafa. ² Indro, nisy horohoron-tany be, fa ny anjelin'ny Tompo no nidigna avy takaigny an-dagnitra, ary nanakode ny vato, ka nipetraka takeo ambonin'izany. ³ Ny endriny de ôtran'ny tselatra, ary ny akanjony de fotsy ôtran'ny oram-panala. ⁴ Raiki-tatra reo mpiambina ka nanjary ôtran'ny lehilà maty. ⁵ Nikoragna tam-reo vevavy le anjely ary nitare tamin-jareo hoe: "Aza matatra, fantatro fa mikaraka an'i Jesosy nareo, le nofantsina tamin'ny hazofijalina. ⁶ Tsy akato Izy, fa efa nitsangana, araka ny efa nolazainy. Malaky, tazano ny tôrana ze nandrin'ny Tompo. ⁷ Mandehana fainagana ary taravo reo mpianagny hoe:' Nitsangana tamin'ny maty Izy. Indro, efa nande nelôha an'nareo aigny Galilea Izy. Aigny no ahitanareo an'Azy. 'Indro, efa vôlazako taminareo." ⁸ Nandaosa haingana ny fasagna tamin-tatra sy tamin'ny hafalena leibe reo vevavy, ary nihazakazaka mba hitare reo mpianagny. ⁹ Indro, nihaona tamin-jareo Jesosy ary nitare hoe: "Arahaba!" Nagnatona reo vevavy, nitazona ny tongony ary nidera an'Azy. ¹⁰ Avekeo Jesosy nitare tamin-jareo hoe: "Aza matatra. Mandeana mitare am-reo ralàko mba hiala ka hanaraka an'i Galilia. Aigny no hahitan-jareo Ana." ¹¹ Ary raha mbola iny nande iny reo vevavy, indro, ny sasagny tam-reo mpiambina nankaigny amin'ny tanàn-dehibe ary nitare tamin'ny lohan'ny mpisorogna ny ra daôly ze nibôgna. ¹² Rafa niaogna tam-reo lohan'ny mpisorogna ary nikoragna momban''ny ôla tamin-jareo, de nagnome vola be an-reo miaramila zareo reo ¹³ ary nitare an-zareo hoe: "Lazao am-reo sasagny hoe: 'Tonga tamin'ny andro aligna reo mpianatr'i Jesosy ary nangalatra ny vatany ra mbola natory zahay.' ¹⁴ Rafa tonga taigny amin'ny governora zany tatitra zany, de handresy latra an'azy tsika ary hanala ahiahy aminareo." ¹⁵ Ary de nalain'ny miaramila ny vola ary nagnano arak-ze efa nolazaina an'azy zareo. Ary zany tatitra zany de nieli-patrana takeo am-reo Jiosy ary mitohy mandrak-zao aza. ¹⁶ Fa nankaigny Galilia reo mpianatra raika ambefolo, taigny amin'ny tendrombohitra ze efa natoron'i Jesosy an'azy reo. ¹⁷ Rafa natazana an'Azy zareo, de nidera an'azy, fa ny sasagny kosa niahiahy. ¹⁸ Nagnatona an'jareo Jesosy ka nikoragna tamin-jareo ary nitare hoe: "Efa namena Anà ny fahefana retraretra aigny an-dagnitra sy ety an-tany. ¹⁹ Koa mandeana ary atôvy batisa zareo amin'ny agnaran'ny Ray, sy ny Zanaka, ary ny Fanahy Masina. ²⁰ Ampenaro zareo hankatô ny ra daôly ze nandidiko an'nareo. Indro, miaraka aminareo fôgna Za, eny fa na hatramin'ny fefaran-zao tontolo zao aza."