¹ Rafa vitan'i Jesosy zany teny daôly zany, de nitare tamin-reo mpianagny Izy hoe: ² "Fantatrareo fa afaka ro andro de ho tonga ny Paska, ary hatolotra hombogna amin'ny hazofijaligna ny Zanak'Ôla." ³ Avy akeo ny leiben'ny mpisorogna sy ny loholona niara-nivory takao amin'ny lapan'ny mpisorogna-be, ze nantsovina hoe Kaiafa. ⁴ Niara-nagnano tetika izy reo mba hisamboragna mangigna an'i Jesosy ary hamono an'Azy. ⁵ Fa ozy izy reo hoe: "Tsy amin'ny fety, mba tsy hisian'ny korontagna akeo amin'ny ôla." ⁶ Ary Jesosy rafa takao Betania akao an-tranon'i Simona boka, ⁷ raha nipetraka nignana takeo amin'ny latabatra, de nisy vevavy raika nagnana tavoara alabastara feno menaka lafo vidy nagnatogna an'Azy, de nagnidigna izany tamin'ny lôny. ⁸ Fa rafa hitan-reo mpianagny zany, de tezitra izy reo ka nagnano hoe: "Ino no anton-zao fandaniana zao? ⁹ Afaka namidy lafo ary nomegna reo mahantra io." ¹⁰ Fa Jesosy, nafantatra izany, ary nitare an'azy reo hoe: "Naôgna nareo no magnahiran-tsaigna an-dravevavy? Fa ra tsara no natôgny taminà. ¹¹ Akeo aminareo mandrakariva ny mahantra, fa Za de tsy ho akeo aminareo mandrakariva. ¹² Fa rafa nagnidigna izany menaka manitra zany tamin'ny vatako izy, de natôgny ho an'ny fandevegnana Ana zany. ¹³ Lazaiko marina aminareo, na aiza na aiza hitorina ny filazantsara aketo am-zao tontolo zao, ze natôgn'ity vevavy ty de ho lazaina iany kô ho fatserovagna an'azy." ¹⁴ Avy akeo ny raika tam-reo rombefolo, ze nantsovigna hoe Jodasy Iskariota, nankegny amin'ny leiben'ny mpisorogna ¹⁵ ary nagnano hoe: "Omenareo ôtrin za hagnolorako an'Azy aminareo?" Nandanja volafotsy madinika telopolo izy reo ho an'azy. ¹⁶ Tam-zany fotôgna zany de nikaraka fahafana izy mba hagnolorana an'Azy amin'izy reo. ¹⁷ Tamin'ny andro vôlôn'ny mofo tsisy lalivay de nagnatogna an'i Jesosy reo mpianatra ka nitare hoe: "Aiza no tegnao hagnomagnanay ho anao hinanana ny sakafon'ny paska?" ¹⁸ Namaly Izy hoe: "Midira akao an-tanàna misy leila raika ary lazao izy hoe: 'Ozy ny Mpampianatra hoe: "Efa ankeky ny fotôgnako. Akato an-tranonao Za no hagnano ny paska miaraka am-reo mpianatro." ¹⁹ Natôgn-reo mpianatra araka ze nandidin'i Jesosy zany, ary nagnomana ny sakafon'ny paska izy reo. ²⁰ Refa tongo ny hariva, de nipetraka nignana niaraka tamin'ny mpianatra rombefolo Izy. ²¹ Rafa nignana izy reo, de ozy Izy hoe: "Lazaiko marina aminareo fa ny raika am-nareo hamadika an'Ana." ²² Nalaelo zareo ary nanomboka nagnontany an'Azy ny tsirairay hoe: "Tsy mba zà miitsy ry Tompo?" ²³ Namaly Izy hoe: "Ze niara-nagnatsoboka ny tagnany taminà takao agnaty vily no le raika hamadika an'Anà. ²⁴ Hande ny Zanak'Ôla, araka ze efa vôsoratra momba an'Azy. Nefa lozan'ny ôla ze hamadika ny Zanak'Ôla! Tsara am-zany ôla zany no tsy teraka avy." ²⁵ Jodasy, ze hamadika an'Azy nitare hoe: "Za ma zany, Raby ô?" Ozy Izy taminy hoe: "Vôlazanao." ²⁶ Raha mbola nignana zareo, de naka ny mofo Jesosy, ary nisôtra sy nanapaka izany. Nameny an-reo mpianatra izany ary nitare Izy hoe: "Raiso, hoano, ity ny vatako." ²⁷ Nandray ny kapôka Izy ary nisôtra, ary nagnome izany an-jareo ka nitare hoe: "Anareo daôly, sotroy ty. ²⁸ Fa ity ny ràn'ny fanekem-piavanana ahidigna ho anareo daôly ho famelan-keloka. ²⁹ Fa lazaiko aminareo, fa tsy mba hisotro ny vokatry ny vôloboka intsony Za, mandra-piavin'ny fisotrôgna vaovao herako aminareo aigny amin'ny fanjakan'ny Raiko." ³⁰ Rafa niraira fiderana izy reo, de nande taigny amin'ny an-tanetin'i Oliva. ³¹ Avy akeo ozy Jesosy tamin-jareo hoe: Anareo daôly de handao Anà nony aminà gniany alina, fa vôsoratra hoe: "Hamely ny mpiandry ondry Za de hiparitaka ny ondry." ³² Fa afaran'ny fitsanganako amin'ny maty, de hialô lalana anareo aigny Galilia." ³³ Fa Petera nagnano tamin'Azy hoe: "Na de handao nony aminà aza nareo, Za tsy mba handao miintsy." ³⁴ Ozy Jesosy taminy hoe: "Laziko marigna aminao, fa gniany alina raha mbola tsy maneno ny akoho, de handà an'Anà intelo enao." ³⁵ Petera nitare taminy hoe: "Na de tsy maintsy ho fatsy miaraka aminao aza za, de tsy handà anao." Ôtran-zany avokô no lazain-reo mpianatra hafa. ³⁶ Ary Jesosy nande niaraka tam-jareo nankaigny amin'ny tôrana antsovina hoe: Getsemane ary nilaza tamin'ny mpianagny hoe: "Mentôra aketo raha mbola hande ary hivavaka Za." ³⁷ Nitondra an'i Petera mbamin'ny zanak'i Zebedio roey là Izy ary nanomboka nalaelo sy ory. ³⁸ Avy akeo, ozy Izy tam-jareo hoe: "Fadiranovana ny fagnako, ôtran'ny efa ho faty. Mentôra aketo ary miambena miaraka aminà." ³⁹ Niataka kely Izy, nenkoka ary nivavaka. Ozy Izy hoe: "Ry Raiko, raha azo atao, de ôka alana aminà ty kapôka ty. Nefa ôka tsy araky ny sitrapoko, fa ny sitraponao." ⁴⁰ Nagnatogna an'reo mpiantra Izy ary nahita an'azy reo rekidrikena, ka ozy Izy tamin'i Petera hoe: "Nagnino nareo no tsy mavita miambina miaraka aminà na de ora raika aza? ⁴¹ Miambena ary mivava mba tsy ho azon'ny fakam-pagna nareo. Mety iany ny fagna, fa ny nofo no malemy." ⁴² Mbola nande fagnindroa Izy ary nivavaka. Ozy Izy hoe: "Ry Raiko, raha tô tsy azo alana aminà ty raha tsy misotro Za, de ho atao anie ny sitraponao." ⁴³ Niverigna ndre Izy ary mbola nahita an'azy reo natory, fa navesatra ny mason-jareo. ⁴⁴ Ka niala an'azy reo ndre Izy, lasa ary nivavaka fagnontelony, nilaza reo teny reo iany. ⁴⁵ Avy akeo Jesosy nagnantogna reo mpianatra ka nagnano tam-jareo hoe: "Mbola matory sy miala sasatra ma nareo? Jereo, efa akaiky ny ora, ary ny Zanak'Ôla de hatolotra akeo an-tanan-reo mpanota. ⁴⁶ Mitsangana, ande isika, jereo fa efa akaiky le hamadika Anà." ⁴⁷ Raha mbola nitare Izy, de tonga Jodasy raika tam-reo rombefolo là. Nisy vahôka betsaka tonga niaraka taminy avy amin'ny leiben'ny mpisorogna sy reo loholona. Tonga niaraka tamin'ny hantsy be sy sabô zareo. ⁴⁸ Ary nagnome famantarana an'azy reo le leila hamadika an'i Jesosy, magnano hoe: "Ze horoko no Izy. Sambory Izy." ⁴⁹ Teo no eo iany de nagnantona an'i Jesosy izy ary nitare hoe: "Finaritra, Raby ô!" Ary nanoroka an'Azy izy. ⁵⁰ Ozy Jesosy taminy hoe: "Ry sakaiza, atôvo ze nalehanao aketo." Avy akeo tonga izy reo ary naninjitra tagnana tamin'i Jesosy, ary nisambotra an'Azy. ⁵¹ Indro ny raika tam-reo niaraka tamin'i Jesosy naninjitra ny tagnany, nagnatsôka ny antsiny ary nikapa ny mpanompon'ny mpisoronabe, ary nahafaka ny sofiny. ⁵² Avy akeo ozy Jesosy taminy hoe: "Averegno amin'ny tôrany ny antsinao, fa reo ze mandray antsy de vonona amin'ny antsy. ⁵³ Mieritreritra ma nareo fa tsy afaka magnantso ny Raiko Za, ary Izy de afaka mandefa no Anà tafik'anjely miôtra no ny rombefolo? ⁵⁴ Fa atao akôry zany no hahatanteraka ny Soratra Masina, ze milaza fa tsy maintsy hitranga izany?" ⁵⁵ Tam-zany andro zany Jesosy nitare tamin'ny vahôka hoe: "Tonga miaraka amin'ny antsy be sy sabô hisambotra an'Anà salan'ny jiolà ma nareo? Isan'andro de nipetraka nampianatra takeo amin'ny tempoly Za, fa tsy nosamborinareo. ⁵⁶ Fa zany daôly zany de nibôgna mba hahatanteraka ze vôsoratr'ireo mpaminagny." Avy akeo niala an'Azy reo ny mpianatra daôly ka nilefa. ⁵⁷ Ndesin'reo nisambotra an'Azy taigny amin'i Kaiafa mpisoronabe Jesosy, ze nivorian'ireo mpanora-dalàna sy loholona. ⁵⁸ Fa Petera nagnaraka an'Azy avy aigny alavitra nankaigny amin'ny kianjan'ny mpisoronabe. Niditra takao agnatiny izy ary nepetraka niaraka tam-reo mpiandry rara mba hahita ze hefarany. ⁵⁹ Ary reo leiben'ny mpisorogna sy reo Synedriona daôly de nitsikaraka fempangana tsy marina mba handotogna an'i Jesosy, mba mety afahan-jareo momono an'Azy. ⁶⁰ Tsy naita na ino na ino zareo, na de nisy mpijoro vavolombelona betsaka tsy marina tonga aza takeo. Ary kelikely avy akeo de nisy roey tonga nagnantogna takeo ⁶¹ ary nitare hoe: "Io leila io de nitare hoe: "Afaka mandrava ny Tempolin'Andriamanitra Za ary manangana izany ndre ao agnatiny telo andro." ⁶² Nitsangana le mpisoronabe ka nagnano taminy hoe: "Tsy mana-kavaly ma Enao? Ino zany hempangan'izy reo Anao zany?" ⁶³ Fa nangina Jesosy. Ozy ny mpisoronabe taminy hoe: "Mandidy Anao amin'ny alalan'Andriamanitra velona za, lazao aminay raha Enao no Kristy, Zanak'Andriamanitra." ⁶⁴ Jesosy namaly an'azy hoe: "Vôlazanao, fa lazaiko aminao manomboka zao de ho hitanareo ny Zanak'Ôla hipetrka akeo an-tagnana ankavanan'ny Hery, ary ho tonga akeo amin'ny rahon'ny lagnitra." ⁶⁵ Avy akeo ny mpisorognabe nandrovitra ny ankanjony ary nilaza hoe: "Niteny ratsy Izy! Nahôgna isika no mbola mila mpijoro vavolombelona? Indro, reignareo ny fitenenan-dratsy zao. ⁶⁶ Ino no hevitrareo?" Namaly izy reo ary nagnano hoe: "Mendrika ny ho foaty Izy." ⁶⁷ Avy akeo izy reo nandrora ny tareny sy nitaroka an'Azy, ary namely tefaka an'Azy, ⁶⁸ ary nagnano hoe: "Maminagnia aminay, ry Kristy. Iza no namely Anao?" ⁶⁹ Ary Petera nipetraka avelagn'ny kianja, ary nisy mpanompo vavy tonga nagnatogna azy nitare hoe: "Enao iany kô de niaraka tamin'i Jesosin'ny Galilia." ⁷⁰ Fa nandà izany takeo agnolôn-jareo izy, magnano hoe: "Tsy fantatro ze koragninareo." ⁷¹ Rafa nivôka ny vavahady izy, de nisy mpanompo vavy hafa naita an'azy ary nitare tam-reo ze takeo hoe: "Ity leila iany kô de niaraka tamin'i jesosy avy aigny Nazareta." ⁷² Mbola nandà ndre izy niaraka tamin'ny fianianana hoe: "Tsy fantatro zany leila zany!" ⁷³ Nony afaka kelikely de nagnatogna reo ze nitsangana takeo ary nitare tamin'i Petera hoe: Enao iany kô de tegna raika amin'izy iregny, fa ny fomba firesakao de mempanga anao." ⁷⁴ Avy akeo izy nanomboka nanozogna sy niniana ka nagnano hoe: "Tsy fantatro zany leila zany." Ary takeo de nagneno ny akoho. ⁷⁵ Tadidin'i Petera ny teny nambaran'i Jesosy hoe: "Mbola tsy magneno ny akoho de handà an'Anà intelo enao." Avy akeo izy nivôka ary nitomagny mafy.