¹ De ozy ko Jesosy tam'reo mpianany hoe: Nisy leila mpanan-karena raika nanagna mpitantana, ary notanterina taigny amin'azy fa io mpitantana io no nandany ny fanagnany daôly. ² Ka nampagnantso an'azy le leila mpanan-karena ary nitare tam'azy hoe: "Ino zany reigniko momba an'nao zany? Magnomeza tatitra momban'ny asa fitantanana, fa enao tsy ho afaka ho mpitandri-panagnana tsony.' ³ Ary le mpitandrim-panagnana nitare taigny an-tsaigny hoe: "Ino ary no tokony ataoko, fa mangala anà amin'ny asa tantanako ny tompoko? Tsy managna tanjaka hiasana tany tsony za, ary menatra ny hangataka za. ⁴ Fantatro ny ataoko, mba rafa alana amin'ny asa fitantanako za, de hampandroso anà akao an-dragnon'jareo ny ôla." ⁵ Avy akeo le mpitan-draraha nagnantso ny tsiraikaraika tam'reo mpitrosan'ny tompony, ary de nagnontany le vôlôny izy hoe: 'Ôtrinina ny anagnan'ny tompoko aigny aminao?" ⁶ Nitare izy hoe: "Menaka oliva zato litatra." Niteny tamin'azy izy hoe: "Raiso ny taratasina, mipetra malaky, ary dimampolo soratana." ⁷ Ary avy akeo le mpitantana niteny tamin'ny raika hoe: "Ôtrinina ny trosanao?" Niteny izy hoe: 'Vary zato famarana.' Niteny tamin'azy izy hoe: "Raiso ny taratasinao, ary sorato hoe valopolo." ⁸ Avy akeo le tompo de nidera le mpitantana tsy marina satria niasa tamin-kafetsena izy. Fa fetsy kokoa ny zanak'izao tontolo zao ny amin'ny fifagnarana amin'izy samy ôla noho ny zanaky ny fazavana. ⁹ Mitare aminareo Za, mikarà namana amin'ny alalan'ny vola tsy marina, am'ze daôly lany zany, de mety ho raisin'jareo akao amin'ny fonegnana mandrakizay anareo. ¹⁰ Ze matoky amin'ny kely indrindra de matoky amin'ny betsaka kô, ary ze tsy marina amin'ny kely indrindra de tsy marina amin'ny betsaka kô. ¹¹ Raha tsy matoky amin'ny fampesana vola tsy marina nareo, iza no hatoky an'nareo amin'ny harena marina? ¹² Raha tsy matoky amin'ny fampesana ny volan'ny ôla hafa nareo, iza no hagnome vola an'nareo manokana? ¹³ Tsy misy mpanompo afaka manompo tompo rôy, fa izy hankahala ny raika de ho te ny raika, na kô izy hagnolo-tegna ho an'ny raika de hagnano tsinotsinona le hafa. Tsy afaka manompo an'Andriamanitra sy ny harena anareo." ¹⁴ Ary ny Fariseo, ze te vola, rafa nareigny an'zany ra daôly zany, de nagnano tsinotsinona an'Azy izy reo. ¹⁵ Nitare tam'jareo Izy hoe: "Enao de magnamarina ny tegnanareo akeo amason'ny ôla, fa Andriamanitra malala ny fonareo. Fa ze hasandratra akeo amin'ny ôla de hankalaina akeo amason'Andriamanitra. ¹⁶ Ny lalàna sy reo mpaminagny de nisy de nisy mandra-piavin'i Jaona. Efa hatramin'zany fotôna zany, no efa nitoriana ny filazantsaran'ny fanjakan'Andriamanitra, ary ny tsiraikaraika de niezaka nagnitsy ny lalany ho am'zany. ¹⁷ Fa moramora koko ny hafôgna ny lagnitra sy ny tany nony soratra kely indrindra akao amin'ny lalàna ho tonga tsy manan-kery. ¹⁸ Ze misaraka amin'ny vadiny ka mapakatra vevavy hafa de mijangajanga, ary ze mampakatra vevavy ze efa nisara-bady de mijangajanga. ¹⁹ Ary nisy mpanan-karena raika ze nenkanjo voloparasy sy rongony magnify ary nankamamy isan'andro ny harem-beny. ²⁰ Nisy mpangataka raika antsovina hoe: Lazarosy nipetra teo amin'ny vavahadiny, tototra fery, ²¹ ary nagniry mba hinana ze latsaka avy akeo ambony latabatr'le leila mpanan-karena. Fa na ny alika aza tonga sy nilelaka ny feriny. ²² Ary io fa maty le mpangataka ka nentin'reo anjely ho akeo agnilan'i Abrahama. Maty ihany kô le mpanan-karena ka nalevina, ²³ ary tao amin'ny faverezana, raha nampijaliana, de nanandratra ny masony izy ary nahita an'i Abrahama taigny alavitra sy Lazarosy teo agnilany. ²⁴ Ka nikikikika mafy izy sy nitare hoe: "Abrahama Ray, mamindrà fo aminà ary alefaso Lazarosy, mba handrobohany ny tendron'ny rantsan-tagnany akao agnaty rano ary hampangatseka ny lelako, fa ato agnatin'ny fangirifiriana mafy agnatin'ty afo tsy za." ²⁵ Fa Abrahama nitare hoe: "Anaka, tadidio fa tamin'ny androm-piaignanao de nahazo ra tsara enao, ary ny an'i Lazarosy kosa ra ratsy. Fa am'zao izy aty de vôtambitamby, ary enao akao amin'ny fangirifiriana. ²⁶ Ankôtran'zany rafa zany, de nisy tevana geda be napetraka, mba tsy ho afaka hempita ze te-hempita avy aketo mankeigny aminareo, ary tsisy afaka hempita avy aigny hankaty aminay." ²⁷ Le leia mpanan-karena nitare hoe: "Mengavy an'nao za, ry Abrahama Ray, mba hagnirahanao an'azy ho aigny an-tragnon-draiko, ²⁸ fa managna rahalà dimy za mba afahany mampitandrina an'jareo, nony taotra ny hatongavan'jareo aty am'ty tôran'ny fijalena ty ihany kô." ²⁹ Fa Abrahama nitare hoe: "Managna an'i Mosesy sy ny mpaminagny zareo; aoka zareo hitaino an'azy reo." ³⁰ Ary namaly le leila mpanan-karena hoe: "Tsia, ry Abrahama Ray, fa raha misy avy amin'ny maty mankaigny am-jareo, de hibebaka zareo." ³¹ Fa Abrahama kosany nitare tamin'azy hoe: 'Raha tsy mitaino an'i Mosesy sy reo mpaminagny izy reo, de tsy ho resy latra miitsy na misy ôla mitsangana amin'ny maty aza."