¹ No zany, ry rahalà masina, nizara ny fagnatsovan' ny lagnitra nareo. Saigno ny momban'i Jesosy, ny apostoly sy ny mpisorombe ze eketsika. ² Izy de natoky an'Andriamanitra, ze nanendry an'azy, ôtran'i Mosesy ze natoky tao andragnon'Andriamanitra fôgna kô. ³ Fa Jesosy de fa natao mendrika ny hanamboninahitra gedabe mihôtra an'i Mosesy, satria ze magnorina ny tragno no manan-kaja bebe koko no le tragno nataony. ⁴ Fa ny tragno daôly de nisy ôla nagnorina, fa ny tokana ze nagnorina ny ra daôly de Andriamanitra. ⁵ Amin'ny lafiny raika, de natokisana salan'ny mpanompo takao andragnon'Andriamanitra irai-manontolo i Mosesy. Izy no vavolombelona momba an'reo ra ze tokony efa nolazaina amin'ny ho avy. ⁶ Fa Kristy no Zanaka miandraikitra ny tragnon'Andriamanitra. Tsika no tragnony raha tô ka mitana mafy ny herim-po sy ny fatokintsika ntsika. ⁷ Zany de salan'ny lazain'ny Fanahy Masina hoe: "Ngiany raha mareigny ny feony anareo ⁸ de aza magnamafy ny fonareo ôtran'ny ditra nataonareo taigny agnefitra tamin'ny fotônan'ny fitsapana. ⁹ Ôtran'zany ny razambenareo rafa nanohitra Anà tamin'ny fitsapana, nandritry ny efapolo taona ary de tazagny zareo ny asako. ¹⁰ Tam'zany de tsy faly tamin'io taranaka io Za. ¹¹ Vôfitaka mandrakariva ho aigny amin'ny lalandiso tao ampony zareo. Tsy nafantatra ny lalako izy. Ary zany no nifantàko tamin'ny fasosorana hoe: "Tsy hiditra akao amin'ny fitsaharako velively miitsy zareo. ¹² Mitandrema, ry rahala, mba tsisy aminareo no de raika aza ka hanagna fo ratsin'ny tsy finona, fo ze miala amin'Andriamanitra velona. ¹³ Fa mifagnanara, sy mifampahereza isan'andro, raha mbola misy ny antsovina hoe: "Ngiany," mba tsy hisy aminareo ho tonga mafy fo noho ny fetaky ny fahotana. ¹⁴ Fa ntsika de efa tonga mpiara-miasa am'i Kristy raha tô ka mitana mafy ny fahatokisantsika an'Azy hatraigny ampendohana ko hatraigny amin'ny fefarana. ¹⁵ Fa ny momba an'zany de efa vôlaza hoe: "Ngiany, raha mareigny ny feony anareo, de aza magnamafy ny fonareo salan'ny amin'ny fanoherana." ¹⁶ Fa iza ma no efa nareigny an'Andriamanitra ka mbola naditra? Fa tsy reo ze nivôka avy taigny Egypta niaraka tamin'i Mosesy ma zany? ¹⁷ Iza no nampahasosy an'azy nandritry ny efapolo taona? Tsy reo ze nagnota ihany ma? ka niampatrampatra taigny agnefitra ny fatin-jareo? ¹⁸ Hoan'iza no nefantàny fa tsy hiditra akao amin'ny fitsaharany zareo, raha tsy ho an'reo ze tsy nagneiky an'Azy? ¹⁹ Tazantsika fa tsy afaka niditra takao amin'ny fitsaharana zareo noho ny tsy finona.