¹ Zay ro nasehon' i Yaveh taminahy. Indro, namorona valala be i sý nanomboka niakatsa ny vokatsy ny lohataogna, ary indro, taraiky ny vokatsa tafaran'ny vokatsy ny mpanjaka. ² Sý tapy nihomana ny vokatsy ny tany reo, de hoy aho: "Ry Tompo Yaveh, mba mamindrà re fo aminahy, akory ro haveloman'i Jakoba? Satria de tena bitika i?" ³ ka nanatsahatra ny momba izay Yaveh. "Tsa hiseho zay", hoy I. ⁴ Zao ro nasehon'i Tompo Yaveh anahy: Indro, mikaika amin'ny fitsaran'ny afony Tompo YAveh. Zay ro nanamaina ny tany malalaka, ny rano laligna ambanin'ny tany ary handevona ny tany koa. ⁵ Nefa hoy aho hoe: "Tompo Yaveh o, ajanony reo: ahoana ro haveloman'i Jakoba? Fa tena bitika i." ⁶ De nanatsahtra ny momba zay i Yaveh hoe: "Tsa hiseho koa zay," hoy ny Tompo Yaveh. ⁷ Zao ro nasehony anahy: Indro, nijoro takaikin'ny rindrigna ny Tompo, niaraka tamin'ny vato pilao teny an-tagnany. ⁸ Yaveh nanao taminahy hoe: "Ry Amosa, Ina ro itanao?" De hoy aho: "Vato pilao milahatsa." Ary hoy ny Tompo hoe: "Indro, hametraka pilao eo amin'ny Israely vahoakako Aho. Tsa hamindra fo amindreo koa Aho. ⁹ Horavana reo fitoerana avon'i Isaka hopotehina reo fitoerana masin'ny Israely, ary hijoro hanohotsa amin'ny sabatsa ny taranak'i Jerosalema Aho." ¹⁰ Ary Amazia, ilay mpisoron'i Betela, nandefa hafatsa tagny amin'ny Jeroboama, mpanjakan'Israely hoe: "Efa nitetika hanohitsa agnao eo anivon'ny taranak'Israely i Amosa. Tsa zakan'ny tany reo tarogna aby. ¹¹ Fa zao ro tarogn'i Amosa: 'Ho faty amin'ny sabatsa i Jeroboama, ary ho sesi-tany hiala amin'ny taniny tokoa ny Israely." ¹² Amazia nitarogna tamin'i Amosa hoe: "Ry Mpahita, mipodiana agny amin'ny tanin'i Joda, ary mihinana mofo sy maminania agny. ¹³ Fa aza manao faminaniana eto Betela koa, satria fitoerana masin'ny mpanjaka sy tranon'ny mpanjaka ity." ¹⁴ De hoy i Amosa tamin'i Amazia hoe: "Tsa mpaminany aho na zanaky ny mpaminany. Mpiandry ondry sy mpikarakara hazo amontana ary aviavy aho. ¹⁵ Fa naka anahy hatagny ampiandrasan'ondry i Yaveh ary nitarogna taminahy hoe: "Mandihiana, ka maminania amin'ny Israely vahoakako." ¹⁶ Zao mitainò ny tarogn'i Yaveh. Hoy agnao hoe: "Aza maminany hanohitsa an'i Israely, ary aza mitarogna manohitsa ny taranak'Isaka." ¹⁷ Noho zay de zao ro lazain'i Yaveh: "Ho lasa mpivaro-tena ao an-tanàna ny vadinao; reo zanakalahinareo sy reo zanakavavinareo de ho lavo amin'ny alalan'ny sabatsa; horefesina ny taninao ary hozaraina; ho faty ao amin'ny tany maloto agnao, ary halefa sesi-tany hiala ao amin'ny taniny tokoa ny Israely."'