¹ LOza ho an'ireo zay mahazo aigna ao Ziona, ary ho an'ireo zay milamina ao amin'ny tany havoan'i Samaria, reo olo-malaza hatagny amin'ireo firenena soa indrindra, zay hiavian'ny taranak'Israely mba ho vonjena! ² Hoy reo mpitarika agnareo: "Mandihiana agny Kalne ka mijere; avy ao de mandihiana any Hamata, ilay tanàna lihibe; sy ateo de midìna any Gatan'ireo Filistina. Moa ve soa noho reo fanjakanao roa reo? Moa ve lihibe noho ny farotaninao ny faritanindreo?" ³ Loza ho andreo ze mampihemotsa ny andron'ny loza sy mampanakaiky ny seza fiandrianan'ny herisetra. ⁴ Mandry eo am-pandriagna ivory reo ary mitsotsotra eo am-parafarandreo. Mihinana zanak'ondryhatagny amin'ireo ondry aman'osy reo ary zanak'ondry hatagny amin'ny fihinanam-bilona. ⁵ Nihra reo hira adaladala tamin'ny feon'ny harpa re; namoromporona raha maneno sahala ny nataon'i Davida. ⁶ Nisotro divay tamin'ny lovia jobo reo ary nihositsa diloilo soa indrindra, nefa tsa nalahelo ny amin'ny faharavan'i Josefa. ⁷ Koa handeha an-tsesitany miaraka amin'ireo sesitany voalohany reo zao, ary ny firavoravoandreo ze mitsotsotra de ho foagna. ⁸ "Iaho, Tompo Yaveh, de efa nianiana tamin'ny tenako_zay ro fanambaran'ny Tompo Yaveh, Andriamagnitsa Tompon'ny maro, halako ny fieboeboan'i Jakoba; halako ny fiarovana mafiny. Koa hanolotsa ny tanàna sy zay aby ao aminazy. ⁹ y lehe misy folo tavela ao an-drano raika, de ho faty aby manontolo reo. ¹⁰ Lehe misy ny fatindreo_ny raika zay handoro ny fatindreo sy tapy nitondra reo faty mivoaka ny trano_lehe mitarogna amin'ny ona ao an-dragno i hoe: "Misy ona miaraka aminao ve ao ao?" Lehe mamaly zay ona zay hoe: "Tsia. De hitarogna i hoe: "Mangìna, fa aoka tsika tsa hanonona ny agnaran'i Yaveh." ¹¹ Fa indro, hanome baiko Yaveh, ka ho torotoro ny trano lihibe ary ho potipotika ny trano kely. ¹² Moa ve ny soavaly miridiridy amin'ny harambato? Moa ve misy ona mampihosy ny omby ao ao? Nefa namadika ny fahamarinana ho poizina agnareo ary ny vokatsy ny fahamarinana ho fangidiana. ¹³ Agnareo zay mifaly amin'i Lodebara, zay manao hoe: "Moa ve tsa efa naka an'i Karnaima tamin'ny herinay ihany agnay?" ¹⁴ "Nefa indro, hanangana firenena hanohitsa agnareo Aho, ry taranak'Israely_zay ro fanambaran'ny Tompo Yaveh, Andriamagnitsa Tompon'ny maro. Hampahory agnareo manomboka ao Lebo-hamata hatragny amin'ny lihasahan-driakan'i Araba reo."