¹ Pe nuhavizya uwa 5 ahalizya isaji. Kenya ulunzota ukufuma kumwanya, lwe luhagwila pansi. Uluzota lwapeliwe imfungulo ilya kwigula ishigalilo sha kushiliva she shite nimpelela. ² Ahigula ishigalilo sha kushiliva she shite nimpelela, pe ilyosi lihakwela kufukwa pashigalilo ngati lyosi ipiti ilyilungu. Izuva nimpepo lihagalungana ukuva shisi nilyosi ilya kufuma pashigalilo. ³ Ukufuma mwilyosi umakanta ahinza munsi, na apeliwe amaha ngati gavakalizya gavakalizya vevali munsi. ⁴ Vavuziwe vatanangaje isole ilya munsi pamo ishi vyalwa shonti she shikulemba pamo ikwi, nkandi avantu veka ve vatali nishilemezyanio pa vyeni vyavo. ⁵ Vatavitishizizye ukugoga avantu vala, nkandi kwe kuvayimva venevo kumezi 5. uvuvavu vulivanga ngati mbolela zyavakalizya lwe vamuluma umuntu. ⁶ Mumasiku ago avantu vala, valilondolaga imfwa nkandi vataliyaga yeneyo. Valiyanza nkani pakufwa, nkandi imfwa yilishimbila ukufuma kuvavo. ⁷ Umakanta alivonehaga ngati mpunda zye vaziyaninie pakuvala kuvulugu. Pavyeni vyavo vyali nashimo ngati mpumpu iya golide na paminso pavo pali ngati pa vantu. ⁸ Vamile ninsinsi ngati nsisi zyavantanda, namino gaholine namino ga nsama. ⁹ Vamile niviziga vifuva nimbolela ngati shongo she shikupangwa namagaleta nimfwalasi zikushimbila ukuvala kuvulugu. ¹⁰ Vamileninsinda zye zili nimbolela ngati vakalizya; munsinda zyavo vamile nsmaha agakuvanangania avantu pamezi 5. ¹¹ Vamile inza vakalonga pa vavo avahavizya ava kushiliva she shite nimpelela. Izina lyakwe mushi Hebeli ali Wu Abadoni, namu shi Giliki shamile nizina ilya Apolyoni. ¹² Izyakuti we mayi wee intanzi zihapitilila. Yenya! ukufuma pizi pali izyamwavo zivili izyakunangania zye zishili zikwinza. ¹³ Uhavizya uwa 6 ahalizya isaji, pe nkivwa izwi likwinza ukufuma muphembe izya golide pa shifunjilo she shilipo pantanzi pa Mulungu, ¹⁴ ahayanga kwahavizya uwa 6 we amali nisaji, ''Valeshele avahavizya 4 ve vapinyiwe kwijenje ipiti ilya Yufati.'' ¹⁵ avahavizya 4 ve vahayisenganiaga kuhavalilo iho, pisiku lila, pamwezi wula, nu mwaha wula we vavalesheye pakugoga ava vutatu avantu. ¹⁶ Imbazyo ya vasikali vevali pansizi pamfwlasi vali 200,000,000. Nkivwa imbazyo zyavo. ¹⁷ Umu mwemwe nkenyezya imfalasi munjozi yane navala ve vahajenzyaga zyenezyo: Iviziga vifuva vyavo vyamile vishemamu, ubulu uwakufovela nu yelo uwavivititi. Namatwe aga mfalasi gahasholana namatwe ga nsama, namukasi mumalomo gavo muhafumaga umoto, nilyosi, ni vibiliti. ¹⁸ ava vutatu avantu ve vahagogwa namasunde aga gatatu: umoto, ilyosi, nivibiliti vye vihafumaga mumalomo gavo. ¹⁹ She amaha ga mfalasi gamile mumalomo gavo na kunsinda zyavo- she insinda zyavo zyali ngati njoha, zyamile namatwe ge gahandisyaga ivilonda pa vantu. ²⁰ Avanji avantu, vala ve vatagozilwe namasunde iga, vatahapinduhagas kumbombo zyavo izya nyove, pope vatalesile ukuziputa impepo inkandamanu nivifwane ivya golide, usiliva, nivipondo, namavwe, namakwi- ivintu vye vitakwenya, vitakwivwa, pamo ukujendas. ²¹ Nakwe kupinduha kuvugozi vwavo, nakumayele vwavo, nakuluvembu vwavo pamo na kumbombo izya vwiva vwavo.