¹ Pe ine nkenya uhavizya uwamwavo uwamaha akwiha ukufuma kumwanya. Azwaye ivingo, pamwanya pitwe lyakwe pamile ishidinda mvula (ishipingopingo). Isheni shakwe shali ngati lizuva. Nivinama vwakwe vwali ngati mpanda izya moto. ² Alemile ikalata lyakuzinga ilinsi lye lyali lyigule munyove yakwe. ishinama shakwe isha ndilo ahanyile pa sumbi nishinama shakwe isha mongo ahanyile pansi. ³ Pe ahapunda nizwi ipiti ngati nsama yikuvuluma. Lwe apunda, injilimo 7 zihagafumya amazwi gavo. ⁴ Lwe injilimo 7 zyagafumya, nkanzaga ukuti insimbe, loli nkivwa izwi ukufuma kumwanya likuti, ''Uzilemensanie zye injilimo 7 zyayanga. Utahasimbe zyenezyo.'' ⁵ Pe uhavizya we namuvwenyi ayimiliye pasumbi napansi we ahavusya inyove yakwe indilo kumwanya. ⁶ Ahalapila muli wuyo we mulanzi shima nashima, we apezile iya kumwanya na vyonti vye viliu mumwo, iyapansi navyonti vye vili papo, nusumbi navyonti vye vili mumwo, pe uhavizya ahati, ''Kutaliva ukuhava havili. ⁷ Nkandi pisiku lye uhavizya uwa 7 lwe apalamiye ukuhoma isaji, pe zilifishilwa izya kukwilu ya Mulungu, inza she ahalumbilila inongwa inyinza ukuvazya vakwe avakuvwi.'' ⁸ Nkivwa izwi kufuma kumwanya lihayanga kuline havili: ''Jendaga, usende ukalata uwakuzinga umwigule we ali munyove zyaho izya vahavizya we ayimiliye pa sumbi na pansi.'' ⁹ pe nkavala kwa havizya nukumuvuzya uwene ukuti ampanje ikalata ilyakuzinga ilinsi. Ahati kuline, ''Senda ikalata izinje pe ulye lyenelyo. Inti likupelele mukasi yaho ukuvava. Nkandi mwilomo lyaho halinona ngati vushi.'' ¹⁰ Nkasenda ikalata izinje ilinsi ukufuma munyove zya havizya pe naliye lyenelyo. Ilyene lyananie ngati vushi mwilomo lyane, nkandi lwe nalya lyenelyo, mukasi yane muhinza mwavava. ¹¹ Pe wumo ahati kuline, uhondeye ukukuvwa havili kuyana navantu avinji, kunsi kunjango na kuvamwene.''