¹ Itete lihapelwa kukwane ngati lulisa ulwakupimila Pe nkavuziwa, ''Nyamuha ulipime itempeli lya Mulungu na pashifinjilo, nave vakuputa mumo. ² Nkandi utahalipime umusolo we ali kunzi kwi tempeli, she ilyene lipelilwe nava kunzi. Pe valihanyanjila inkaya imfinjile kumezi 42. ³ Ine ndivapa avahome vane vavili uvulamulili uvwa vukuvwi ku masiku 1,260, valizwala amagunila.'' ⁴ Avahome ava ve makwi gavili agamavula nivya kuviha papoinyale vila vyimiliye pantanzi pa mwene uwa munsi. ⁵ Inga wumo angaseva ukuvavulazya avene, pe umoto kwe afumaje mu malomo gavo nu kuvamilula avalwani vavo. Uno we akwanza ukuvavulazya avene we kwe agogwaje mwidala linili. ⁶ Avahome vanava vali nu vulamulili uvwakwigalila kumwanya kwe kuti imvula yitahagwanje mumasiku ge avene vakukuvwa. Vali namaha aga kugalula aminzi ukuva mavanda nu kuyihoma insi nu muhola wonti uwa mayimba namwe avene vakwanzila. ⁷ Ishi lwe avene vamalizizye ulusimishizyo lwavo, ishinyamana she shikwinza ukufuma kushiliva she shitapeleleye shililwa uvulugu navope. Shilivapota nu kugoga venevo. ⁸ Amavili gavo galigona mu musevo uwa nkaya impiti (ye kushilolesyo yikwitwa uSodomu nu Ijiputi) kwe u mwene wavo vamuhomeleye. ⁹ She pisiku ilya vutatu ni nusu vamo ukufuma mu vantu vonti, munkolo, mu njango, na munsi valiyenya pa mavili gavo. Vatalivitishizya avene ukuvaviha mumbipa. ¹⁰ Ava ve vakwihala munsi valiseshela nu kudovela. Pe avene valitumilana ivya vwila woka nu wamwavo mwe pe avakuvwi vavili ava vavayimvizye vala ve vakwihala munsi. ¹¹ Nkandi lwe gajenda amasiku gatatu ni nusu umoji wa vulanzi ukufuma kwa Mulungu alivinjila avene, pe valiyimilila nivinama vyavo. Ilyoga ipiti lilivagwila vala ve vakuvenya avene. ¹² Pe valiyivwa izwi ipiti ukufuma kumwanya likuti ku kwavo, ''Zuvi uku!'' Pe avene valizuva kumwanya mwivingo, she avalwani vavo vakwenyelezya. ¹³ Mu havalilo hehala kuliuva ishizumanzi ishipiti nkani, ishigavo shoka pan10 shilimongoha. avantu 7,000valigogwa ni shizumanzi, nave valipona valiva nishitetemwi nu kumushindiha uMulungu uwa kumwanya. ¹⁴ Izya kuti we mayi we izya vuvili zihajenda. Yenya! izya kuti we mayi we izya vutatu zikwinza luvilo. ¹⁵ Pe uhavizya uwa vu 7 ahalizya isaji lyakwe, nizwi ipiti lihayanga kumwanya lihati, ;;Ishinamwene isha Mwene witu nisha Chilisiti wakwe, pe alilongozya shima na shima.'' ^{16 17} Ilelo pe avasongo 24, ve vakwihala muvitengo vyavo paminso aga Mulungu, vahakupama ivyeni vyavo nukumuputa uMulungu. Vahati, ''Tukusalifya iwe, Mwene Mulungu wa maha gonti, uno we aliko, nuno we alipo havili, mwe pe unyatuye amaha gaho amapiti pe mutalisile ukulongozya. ¹⁸ Insi zyahalaye, nkandi uvuhalazu vwinyu vwafiha. Ahavalilo hinza ahakuvalonjela avafwe na kulimwe ahakuvalipila avavomvi vinyu avakuvwi na vantu avafinjile ava Mulungu, navala ve vahalinyilaga izina lyaho, vonti ve vatahondeye na vamaha. Ahavalilo hinza kukwaho ukuvananga vala ve vakunangania insi.'' ¹⁹ Pe itempeli ilya Mulungu kumwanya lihiguha pe nimbogoso iya lufingwi lwakwe yihavoneha mwemula mwi tempeli lyakwe. Kwali ukulama ukwatumesya, nishongo, nukukuntana ukwa kujilima, nishizumanzi, havili ni mvula impiti iya mavwe.