¹ Ine nkenyelezya lwe umwana wa Ng'onzi ayigula shoka pa vimatilo 7, havili nkivwa shoka pavipelwa 4 ivya vulanzi vikuyanga mu mazwi ge gahivwiha ngati kujilima, ''Nzaji!'' ² Nkenyelezya pe yali imfwalasi inzelu. Uhajenzya alemile indugu, havili ahapelwa impumpu Pe ahafuma ngati mupoti ukuti apote. ³ Lwe umwana wa Ng'onzi ayigula ishimatilo ishavuvili, pe nkivwa ishipelwa ishavuvuli isha vulanzi shikuti, ''Nzaga!'' ⁴ pe iyamwavo imfwalansi yihinza yafuma- uvushemamu uvwakogofya. Kwa hajenzya we apeliwe uvulamulili ukwefya umutende munsi ya pansi, ukuti avantu vakwe vagiganaje. Uhajenzya uno we ahapeliwa upanga umupiti. ⁵ Lwe umwana wa Ng'onzi ayigula ishimatilo sha vutatu, nkivwa ishipelwa sha vutatu isha vulanzi shikuti, ''Nzaga!'' Pe nkenya imfwalansi inyilu, nuhakwela wakwe alemile ivya kupimila munyove zyakwe. ⁶ Ine nkivwa she shihaloleha ngati lizwi lya shimo pa vipeliwa 4 ivya vulanzi likuti, ''Pima ingano yoka idinali, havili vitatu ivipimo vya bale ivya dinali. Nkandi utahananganie amafuta nipele lya mampensya.'' ⁷ Lwe umwaba wa Ng'onzi ayigula ishimatilo sha 4, ine nkivwa izwi lya shipelwa sha 4 isha vulanzi likuti, ''Nzaga!'' ⁸ Ishi nkayenya imfwalasi imvutu. Uhajenzya wakwe we ahitwaga vufwe, numuzimu vihamulandtaga wuyo. Apeliwe uvulamulili ukushila ishigavo shoka pa vila 4 munsi, ukugoga nu panga, poka ninzala havili imbina, poka nivinyamana vya munsi. ⁹ Lwe umwana wa Ng'onzi ishimatilo sha 5, ine nkenya kuntende kushifinjilo amoyo aga vala ve vagozile pa mulandu wizwi lya Mulungu havili ninsimishizyo zye vivuye. ¹⁰ Vahaholomoha nkani, ''Havalilo vuli, mulamulili pa vyonti, mufinjile havili wa nalyoli, mpaka liyi ukuti avalonje ve vakutendama munsi ya pansi, havili mpaka pe walanduzya amavanda gitu?'' ¹¹ Ishi pe woka vahamupa inkanzu inzelu, havili pe lwakwila uluvazyo lwa vavomvi navamwavo avanji inza she vope vavagozile zihafishila. ¹² Lwe umwana wa Ng'onzi ayigula ishimatila sha 6, nkenya kwamile ishizumanzi ishipiti nkan. izuva lihapiluha lyilu ngati shigtunila, havili umwezi wonti wu hapiluha livanda. ¹³ Inzota kumwanya zihagwa pansi inza she ikunyu lingagwisyaga ivihomwa vyakwe ivivisi lwe lyayingana ni nkungu. ¹⁴ Imwanya yihazima ngati lipepala lye valipilinga. Igamaba lyonti ni nsungo vihepa muvuzilo vwakwe. ¹⁵ Lelo ava mwene va munsi ya pansi na vantu va pamwanya, havili na vasikalui avapiti, nava dumbwe, navamaha, havilu wonti umuntu, avazya navasatulwa, vahavwama mu ninga izya mavwe na mumagamba. ¹⁶ Vahagavuzya amagamba na mavwe, ''Tugwile iswe! tuzyishe isewe ku sheni sha uno we atendime pashitengo sha vumwene havili nuvuhalazu vwa mwana wa Ng'onzi. ¹⁷ She isiku ipiti lya vahalazu vwavo lyafiha wunanu we angimilila?''