¹ Pe nkenya ku nyove iya ndilo iya we atendime pa shinetgo ishavumwene u kalata we asimvilwe nivilemzeanio 7. ² Pe nkamwenya uhavizya uwa maha akukumusya kwizwi ipiti, ''Wunanu we ahondeye ukwigula ukalata nukubazula ivilemezanio vwakwe?'' ³ Atalolesile nawumo kumwasnya pamo munsi iyapansi pamo kuntende kunsi iya pansi we ahondeye ukwigula ukalata pamo nakwe kuvazya. ⁴ Pe nkalila nkani we pe atalolesile nzawumo we ahondeye ukwigula ukalata pamo ukumuvazya. ⁵ Nkandi woka uwa va songo ahati kukwane, ''Utahalilaje. Yenya! insama ya nkolo iya vaYuda, igululuzi ilya Davedi, yiposite. Iyene ye yihondeye ukwigula ukalata ni vilemazanio vwakwe 7.'' ⁶ Pe nkahenya Ahang'onzi himiliye pakasi pavuzilo uvwa shitengo isha vumwene na pavipelwa ivya vulanzi 4 na pakasi pa vasongo. Ahene havonesile ngati vahagozile. Hali ni mpembe 7naminso 7, ge mpepo 7 iya Mulungu zye zitumilwe munsi yonti iya pansi. ⁷ Pe ahavala nu kunyatula ukalata uufuma munyove iya ndilo iya wula we atendime pashitengo ishavumwene. ⁸ Lwe uwene anyatuye ukalata, ivielwa ivya vulanzi 4 na vasongo 24 vahakuoama pansi pilongolela ilya Hang'onzi. Wonti muli vavo ali ni pango ni mbiga iya golide ye yizuye nivya kusushizya, zye mputo izya vantu avafinjile ava Mulungu. ⁹ Pe vahimba ulwimbo ulupya: ''Iwe uhondeye ukunyatula ukalata nu kwigula ivilemezyanio vwakwe. She iwe wavolilwe, nalye livanda lyaho ukufuma munkolo zyonti, munjango, na muvantu, na munsi. ¹⁰ Pe iwe uhavapela avene shinamwene na vaputi pakumuvombela uMulungu witu, pe avene valilongozya munsi iya pansi.'' ¹¹ Pe nkenyelezya nu nukwivwisya ukupoma ukwa vahavizya avinji ve vashiliviliye ishitengo isha vumwene nivipelwa ivya vulanzi na vasongo. Pe ukusanzya imbazyo yavo yamile ama 10,000 aga ma 10,000 nama sawuzandi nama sawuzandi. ¹² Pe vahayanga mwizwi ipiti, ''Hahonddeye Ahang'onzi, he havolilwe, ukuposhela amaha, nu vudumbwe, ninjele, nu wamaha, numushinzi, nuvushindamu ni ntimo.'' ¹³ Pe nkatejelezya ku shipelwa shonti she shali kumwanya na munsi iya pansi na kuntende kunsi iya pansi nakuntende kunsi iya pansi na mwa sumbi- shinti ishintu mu vivyo- shihati, ''Kuwula we atendime pa shitengo ishavumwene na ku Hang'onzi kuve intimo, numushinzi, nuvushindamu, nuvulamulili shima na shima.'' ¹⁴ Ivipelwa ivya vulanzi 4 vihati, ''Ameni!'' pe avasongo nukukupama pansi nukuputa.