¹ ''Kwahavizya uwa shivanza isha mu salidisi simba: 'Amazwi aga woka we akulema impepo 7 izya Mulungu ninzota 7. ''Manyile imbombo zyaho muli nizina ilyakuti mwe valanzi, nkandi mwe vafwe. ² Nyamuha nukuyigomya she shisyaye shakuti muli papipi ukufwa, pakuti ntazyazile imbombo zyaho zye zisizile paminso pa Mulungu wane. ³ Kumbuha, pisho, she uposheleye nukwivwa. shivwile shenesho, nu kupinduha. Nkandi inga utakunyamuha, ndiyinza ngati mwiva. Pe utalimanya havalilo vuli he ndikwinzila iwe. ⁴ Nkandi muli namazina mansi mu sadisi ve vatanyazizye amenda gavo, na vevalijenda nine, vazyaye ivizelu, pakuti vahondeye. ⁵ Wula we akupota valimuzwiha amenda amazelu, we ntalizimyapo izina lyakwe mwa kalata wa vulanzi, pe ndiyanga izina lyakwe pantanzi pa Tata, na pantanzi pavahavizya vakwe. ⁶ Leha we ali nikutwi, ayivwe she umupepo akuyanga kuvivanza.''' ⁷ ''Kwahavizya uwashivanza isha Filadefya simba: 'Amazwi aga we mufinjile nuwanalyoli- we akulema imfungulo izya Daveti, akwigula nawumo we akwigalila, akwigalila nawumo wangigula. ⁸ '''Manyile imbombo zyaho. Yenya, mbisile pantanzi papaho umulyango ukwazi we nanti wumo we angigalila, manyile pakuti uli namaha mansi, nape wivwiliye izwi lyane utahanile izina lyane. ⁹ Yenya! ndivapela vala ve vali kusinagogi ya setano, valas ve vakuyita veka vaYuda pe haa, loli vilenga- ndivapela venevo ukwinza nukusugamila pansi pantanzi pa vinama vyinyu, pe valimanya ukuti mbaganile imwe. ¹⁰ Pakuti musunzile inkomelezyo zyane pa kujimbilila muvupole, pe nine vulo ndivasunga imwe ukufuma kuhavalilo ahandingo zye zikwinza munsi yonti, ukuvalinga vala ve vakwihala munsi. ¹¹ Nkwinza shinishi. Lema she ulinasho pakuva uvo nawumo we angasenda impumpu yaho. ¹² Wonti we akupota tumupela ukuva lupanga lwa mwatempeli wa Mulungu wane. Nalumo havili atalitela afumile mumo, pe ndisimba pawuyo izina lya Mulungu wane, izina lya nkaya iya Mulungu wane ( u Yelusalemu umupya, we akwinza pansi ukufuma kumwanya kwa Mulungu wane), nizina lyane ipya. ¹³ Leha wula we ali nikutwi, ayivwe she umupepo akuyanga kuvivanza.''' ¹⁴ ''Kwahavizya uwa shivanza isha Lawodikeya simba: 'Amazwi aga Ameni, uvutungamu nuhome uwa nalyoli, umulamulili pa vipelelwa vya Mulungu. ¹⁵ ''Manyile imbombo zyaho pakuti te we muhata pamo te we mupye. Shamile shinza pakuti nge wavanga we muhata pamo we mupye! ¹⁶ Ishi, pakuti we mutushizyu- te we mupye pamo te we muhatazu- ndi papipi nukukutapiha iwe ukufuma mwilomo lyane. ¹⁷ Pakuti akuyanga ukuti, 'Ne dumbwe, ndinavio ivintu ivyinji ivyuma, na ntakwanza nantinshimo. Nkandi utakumanya pakuti weka mupela ahavwila, we mupela shitima, we mupina, we wantonko, na uli ishitali. ¹⁸ Yivwa kulugomyo lwane: Mukale ukufuma ku kwane u golide we ayaniwe nu moto pe pakuti uve we dumbwe, nivizyalo ivya kulama ivizelu ukuti uyizyisye wewe weka ukuti utalanjizyaje insoni iyashitali shaho. Namafuta aga kuyipaha muminso gaho ukuti uyenyaje. ¹⁹ Kumupilila nu kumusunda wonti wula we muganile. pisho, muyikungule nukupinduha. ²⁰ Yenya, nimiliye pamulyango nu kuhonyonsya. Inga wonti akwivwa amazwi gane nu kwigula umulyango, ndiyinza pahaya hakwe nukulya nawope, wope nine. ²¹ Wula we akupota we ndimupa uvusatushe ukwihala pansi nine nkapota nukwihala poka nu Tata pashitengo shakwe isha vu mwene. ²² Leha we ali nikutwi, ayivwe zye umupepo akuyanga kuvivanza.'''''