¹ Lwe zijenzite zinizi ine nkivwa she shalizile ngati lizwi ipiti ilya mbazyo impiti iya vantu kumwnya likuholela, ''Aleluya. Uvuposhi, uvushindamu, namaha ge ga Mulungu witu. ² Uvulonzi vwakwe vwanalyoli havili vugolosu, she umwene amulonzileumuvembu umupiti nkani we ayihopesileinsi nuluvembu lwakwe. Uwene ahatanizya ivanda ilya vavomvi vakwe ukufuma munyove iya muvembu.'' ⁴ Pe nkenya ivitengo ivya vumwene. ve vihaye papo vali ve vapelilwe amaha ga kulonjela. Havili nkenya amazimu ga vala ve vavadumuye amatwe pakusimishizya izya Yesu nizwi lya Mulungu. Vatashipusite ishintu pamo ishifwani shakwe, havili vahanile ukuposhela ishimanyilo pa vyeni vyavo pamo panyove. Vahinza ku vulanzi, vahalongozya nu Chilisiti kumaha 1,000. ⁵ Avanji avafwe vatahinza kuvulanzi mpaka pe amaha 1,000 gasizile. Uku kwe kuzyuha ukwa vwandilo. ⁶ Mulotwa havili mufinjile uno we akusenda uluvazu ukuzyuha ukwa vwandilo! pamwnya palizi ukufwa kwa vuvili kutali namaha. Valiva vaputi va Mulungu havili valilongozya nawo kumaha 1,000. ⁷ Lwe amaha 1,000 ginzile kuvumalilo, usetano alisatulwa muvukungwa vwakwe. ⁸ Alivala kunzi ukuhopela insi pa nguto 4 izya nsi- u Gogi nu Magogi- ukuvaleta avene poka ku vulwe. Valiva vinji inza lwe lusenga ulwa mwa sumbi. ⁹ Pe vahazuva ukushila uvubaba uvwa nsi nukuzyungula uvuyo vwa vantu va Mulungu avafinjile- inkaya inkundwa. Nkandi umoto wuhiha pansi kufuma kumwanya wuhavalya venevo. ¹⁰ Umuukwalanzi, we avahopesile avene, vahamusumbila mwa sumbi wa moto washibililti, kwe ishinyamana nu mukuvwi uwilenga vahamusumbila. Valiyimvilwa umusanya nuvusiku shima nashima. ¹¹ Pe nkenya ishitengo sha vumwene ishipiti ishizelu na woka we ayihaye papo. Insi nimwanya vihashimbila kufuma paminso gakwe, loli kutali uvuzilo navumo uvwakuvala avene. ¹² Nkenya avafwe- avamaha na vasulwa- vimiliye pantanzi pa shitengo shavumwene, pe namakalata gahigulwa. Pe ikalata ilya mwavo lihigulwa- ikalata ilya vulanzi. avafwe vahalongwa kuzye zyasimvilwe muma kalata ukulingana nimbombo zyavo. ¹³ Usumbi ahafumya avafwe ve vali mumo. Uvufwe nu muzimu vuhafumya avafwe ve val mumwavo, havili avafwe vahalongwa ukulingana nimbombo zyavo. ¹⁴ Uvufwe nu vuzimu vihasumbwa mwa sumbi wa moto uvu vwe vufwe uvwa vuvili- usumbi wa moto. ¹⁵ Inga wumo izina lyakwe lyajikwa ukuti litasimvilwe mwa kalata uwa vulanzi, ahatagwaga mwa sumbi uwa moto.