¹ Ukufuma pa vintu ivi nkamwenya uhavizya uwamwavo akwiha ukufuma kumwanya. Amile nuvulamulili uvupiti, havili insi ya pansi yakwiliye uvuzelu vwa vushindamu vwakwe. ² Ahapundilizya na mazwi agamaha ahati, ''Aguye, aguye u Babeloni umupiti! Ayanduha kuva vutendamo vwa mupepo. Kwa kushimbilila impepo yonti inyazu, havili kwa kushimbilila yonti inyazu havili ni nyunyi iyakuvengwa. ³ She insi zyonti zihozilwe ipele lya luvembu vwakwe. avamwene vamunsi ya pansi vavembusile nawope. avahakazya ava munsi ya pansi vala ve vadumbwe kufumila mumaha ga madala amavivi aga vulanzi.'' ⁴ Pe nkivwa izwi ilyamwavo kufumila kumwanya likuyanga, ''Fuma kunzi kuli wuyo, vantu vane, ukuti mutahagavanaje poka uvutalamalandu vwakwe, havili ukuti mutahinze muposhele limo muma sunde gakwe. ⁵ Imbivi zyakwe zya lundama zyakwela ngati kumwanya havili uMulungu akumbusile uvuvomba mbivi vwakwe. ⁶ Mugalusye amalipo ngati she agalusizye ku vanji, havili mumulipe wuyo hakwane havili ku mbombo zyakwe; mushikombe she ahasanganiaga musangani hakwile havili vive vyakwe. ⁷ Ngati she ahayikwezyagab wuyo weka nu vwihazi vwa kuyitopwa, mupe wuyo ge mayimba aminji nu kuyilizania. She ahatinji mu moyo wakwe, ntendime ngati ne namwene; ine te ne mufwilwa, havili ntalitela nenye ukulosya.' ⁸ Pelelo mwisiku lyoka intamyo zyakwe ziliyinza: Imfwa, ukulosya, havili inzala. Alilyekwa numoto, she umwene uMulungu we maha, havili we mulonzi wakwe.'' ⁹ Ava mwene va munsi ya pansi ve vahavembuha nawo nu kulagula poka nawo valilosya nu kumukutila lwe vakwenya ilyosi lya kupya kwakwe. ¹⁰ Valiyimilila ukutali, ukunyila kwa mayimba gakwe, valiyanga, ye mayiwe, ye mayiwe, kunkaya impiti, u Babeloni inkaya iya maha! She mu havalilizyo hoka isunde lyaho lyinza.'' ¹¹ Avahakazya va munsi ya pansi vakulosya nu kumulila wuyo she atalipo uwa kukala ivya kukazya vyavo havili- ¹² Ivya kukazya vya golidi, siliva, amavwe gapamwanya, uvwambo, amenda amapepusu aga pamwanya, upepulo, usilika, amavwe aga pamwanya,uvwambo,amenda agapamwanya amapepusu, usilika, nivishemamu, numuhola umwinza uwa makwi, vyonti vye vagombeye impembe izya nzovu, vyonti vye vagombeye amakwi aminza, amavwe, ivijela, nu malabu, ¹³ usinamoni, intwilo, ivyakusushizya, umila,ufulinkasi,ipele, amafuta, uvusu uvutinyu, ingano, ing'ombe ni ng'onzi, imfalasi ni geleta na moyo aga vantu. ¹⁴ Iishihomwa she vahashisamba ku maha ginyu gonti shafile kulimwe.Ukuyilaga kwinyu nukuyiyemvya kwasovela kutangaloleha havili. ¹⁵ 15Avahakazya va vintu ve vahava vevadumbwe ukufumila muliwuyo valyimilila ukutali nawo pamulandu uwilyoga ilya mayimba gakwe,ukulosya nukukuta nkani. ¹⁶ Valiyanga,ye mayi we,ye mayi we,ku nkaya impiti ye yazwaye amenda aminza,hatatu mwa pepulo,havili nivishemamu havili pe yayemvile nu golide hatatu ivibangili ivya pamwanya nu vwambo. ¹⁷ Muhavalilizyo hoka ishuma shonti shitahava nimbombo.Vonti avahajenzya ava mu meli,wonti umuntu we akweleye mu meli,avahasava na vonti ve vasuvaliye uvwihazi vwavo mwa sumbi vimiliye ukutali. ¹⁸ Vahakuta lwe vakwenya ilyosi ilya ukupya kwakwe.vahanga, ''Nkaya vuli ye yili ngati nkaya impti'' ¹⁹ Vahasumbila ulusuto pa matwe gavo nukukuta,nukulosya,nu kuyilizania ''ye mayi we,ye mayi we ku nkaya impiti kwe vonti ve vali ni meli kwa sumbi vahava veva dumbwe kufumila mushuma shakwe she muhavalilizyo hoka shihapalangana. ²⁰ ''Seshelaji paliwuyo ,mwanya,imwe va ntu avafinjile navapositili havili na vakuvwi,she uMulungu alesite uvulonzi papakwe!'' ²¹ Uhavizya uwa maha ahanyamula ivwe ipiti ngati lwala nukulisumbila mwa sumbi,ahayanga, '''mwidala linili,uBabeloni, inkaya impiti yilisumbilwa pansi nu muvwalanga pe yitaliloleha havili. ²² Izwi lye lihapangwa na vahoma mapango,avakwimba,avakulizya amalonji na vamasaji vataliyivwiha nalumo kulimwe.Nawumo uwa vyakugombagomba ivya muhola wonti we aliloleha kulimwe,nashimo ishongo isha lwala she muliyivwa kulimwe. ²³ Uluhozyo ulwa nyale lutalilama nalumo kulimwe,amazwi aga sivwinga nu navwinga gataliyivwiha nalumo kulimwe,she avahakazya vinyu vahatipela ukuva vevamwene ava munsi iya pansi havili ninsi zihopesilwe nu vulozi vwavo. ²⁴ Muliwuyo amavanda aga vakuvwi havili aga vafinjile ava Mulungu gahajikwa na mavanda aga vonti ve vahagogwa munsi iya pansi.''