¹ Vear watisekaba wuwun ne kati evur e Nzeam egnu eli na vear alekyen na luzingu e kindumba, oshin o kindumba oyi ata ampakana wapitsu nkie ve. Wur emog atikum ndeang wear e teande. ² Otiywogni n'omwong ! Alomiwo oyiagni na ngey djwi na disumu enagn, mpamba ve djwi inagn ekota nsoki n'evur e Nzeam opfugn. Ofwetagni mpur wur enagn n'evur e Nzeam egnu. ³ Epa nde magnu ondii omog ne djung, kansi nde na mpay djwi na gnu gnankum, ye nde ondii omog ma gnu ne mpeve. Ye ntisamisa wur eyikii djwi inagn kesi penza ayime ondii omog magnu. ⁴ Oshin olisu ondii omog ne bisamu mpe na biuu e Nkum esu Kristu, ndasambila, ondii omog magnu -- ye ntibag ntshie ewu e wur enagn. ⁵ Ofwetagni mpea wur enagn ne mbwo i Satana djwi djung inde iwe. Sitsug kivuvu nde Nzeam ayobikisande ntangu eyakea Nkum. ⁶ Epa eli wuo ve nde gnu gnemie okumagni nkumikumisa. Djwidjwi ojiagni gnugnun ipwo inagn eli kesi ete e mampa. Ivivim ete e mampa asikiewo nde ilongo opfugn o potopoto i mampa iyam. ⁷ Disumu eli kesi ete e mampa enagn. Ofwetagni ndima ete e mampa e ntama ye mfanga wo etey djwi ekwon mpiy potopoto enkum e mampa. Olagni kesi potopoto i mampa eli kaku ete. Kesi ne feti e Pake, wafwete ndima ete e mampa. Djwi Kristu ali imeme isu i Pake : akum nde dikabu djwi na su. ⁸ Yo yina, sikiagni feti to okina osu o Pake ye silanagni enkwon enkum e nsuy djung. Sifwete mfanga ete e mampa e ntama emisatsiga kesi kidimbu ote biu ti etura ebiu ye sifwete nkie feti ne mpila nde silemfuki na Nzeam ye situbiki masonga sug na sug. Yug simikie ngwign, asiyiasu kesi mampa emikwon ete. ⁹ Ofugnagnime onkean memen opikugagni ve ngya ondii omog gna vear alekii kindumba e nsogn. ¹⁰ Djwidjwi, ngindu i me ikayia ve na ntuba memen wapakug ontsugagni ondii omog ti ampakana alekii kindumba, to aleling vim a vear amu, to alekumi vim a vear amu, to afukimina biteke. Yug eyi ngagn, analomawo olimagni ne buu ene djwi na ndur vear oshin onagn. ¹¹ Kansi me, djwi eyofugnagnime ayiwo na nkwon ngya ewur ya okristu ezinga ne kati e kindumba. Sifwete ngika masumu imu kesi mpuy eker, to mfukumina biteke, to ntwe vear, to ngyuy vean to mpi nkie wumu. Opifwetagni ata nda ondii omog na vear anagn akab lukwikilu ewo na Kristu kansi akie vim a mbiin anagn. ¹² Djwi me, kakume na lutumu e nsamisa vear ali ne lien evur e Nzeam e Kristu. Lutumu egnu eli na nsamisa vear ali ne kati evur e Nzeam. ¹³ Nzeam nde wur eyasamisa vear ankum ali ne lien evur e Nzeam. Masonama masantu esepea nsiku ene : "Ofwete ndimagni wur epwo eli ne kati egnu !"