¹ Vear wasevey kesi vear otshia e Kristu ye mpi kesi vear ayipi Nzeam odzur ompagn biswekamo i Nzeam. ² Sifwete nsakangama ko n'otshia oyisepi Nzeam na nkie djwi nde amitsug etura nda su. ³ Yug vear okiri, to timinar wasamisa luzingu eme, asiyen me wo ko vim e mpama. Mpikug ku memie nsamisa luzingu eme ve. ⁴ Mpijia ata wur emog emimpfugni djwi na ipwo imikieme. Kansi epa eling ntuba ve nde ntokii djwi ve. Eli Nkum Nzeam wur esinsamisa. ⁶ Opean, atwung ampeam n'ankear, nsiku to onkwon ofwetesu njie oli "nkwon nkien dzug i vii ayi ngifugn." Apolosi ti me silezingi ngwign. Yug alongsu oshin onagn, ayiwo ko djwi na gnu. Mbiy s'avignu mpila e ngwong ngindu ignu ne vii alir otuba o Nzeam oyilongukignu. Akum gnu ku n'omwong djwi na vear ayolongagni vii awo, eyi me to eyi Apolosi. ⁷ Kaku luswaswanu ve kati egnu ti akristu amu. Wur enkum kati egnu avinde dikabu. Kaku wur kati egnu emilenga amu na vii awuo. Kaku wur kati egnu esikug nkie lulendo ndenden atiswaswana nde nd'avear amu ankum. Sile su s'ankum oshin omog. ⁸ Kansi gnu olekiagni kesi olagni na vim eleling gnu! Olezingagni kesi ayignu ankea eker. Ye olezingagni kesi vear ayi n'ekub ne dzug ankum ti ne dzug ankum ankear - ata kaku lisalisi esu. Eli wuo, me nzodila okumagni djwidjwi ankum ti ankum ankear, djwi ngwign, asikugsu ngiala s'agnu! ⁹ Kansi ne viavi, emonana nde Nzeam asetsugnde wantumwa ne nteang e vear ne nsuka olwong ampfum amiyegnewo ne nsuka e mbeagn. Su sile kesi vear amibagawo ndola ewa ; aseyegniwo nteang djwi na buu opfugn eseyen, s'ankum, wanzio ti vear a buu. ¹⁰ Su wantumwa, sili ne nteang e vear amu kesi vear ifara djwi na Kristu, kansi gnu gnemie oyenagni nde olagni vear a wagni. Su, simonana ngilem, kansi gnu, omonanagni na biu ensign ! Gnu opeagni luzitu mpi okumisagni gnu gnemie, kansi su wantumwa sili vear atsamvey vear amu kesi wambeni. ¹¹ Tii ntangu opean, su wantumwa silekien na nzia ti mpuy e vay. Sili omva, kaku su na mpila eshum su ileam ve. Vear a leta walesedjag ntangu enkum. Kakusu n'evur e mvur. ¹² Silezingi n'etshia elekisu na mbwo isu. Yug vear amu wasetwe, su sibenisa vear awo. Amu wasenyokola, kansi su, sitshung k'etura. ¹³ Yug vear wasebeam vii, mvutu isu eli ko nkeara wo n' otuba owuo. Tii opean, walesevey kesi mbin okiri, kesi opfun o wur enkum etsande nding mfanga na djia. ¹⁴ Epa nding ompeagni nsogn ve, kansi nding onkearagni ne mbug oshin o moboti owuo etsande nkeara mon nde ne mbug. ¹⁵ Ata ayignu na walong awug djum ayolongagni vii alir Kristu, olagni ko na tea emog. Me mikum teagnu ne Kristu yum ntangu eyikwikilignu n'oshong owuo oyolongagnime. Yo yina, ndeang odjiagni mbanu eme. ¹⁷ Djwi na wo, ntotumagni Timoti. Ndoleang, ye ali mon me ne lukwikilu. Asokanagninde oshin oyizingime kesi wur eyi ngikangama nda Kristu. Ndelong vim oshin omog etay enkum eletsusu ye ne mvuru i Nzeam inkum ilelegsu. ¹⁸ Amu kati egnu wamikum na lulendo. Walebansi wuwun mpakea mpiug etay egnu opean ve. ¹⁹ Kansi yug Nkum amileang ndenden nkey, asiyiame etay egnu etean kaku. Mbiy mpayia djwi na ngyuk vii a lulendo atuba vear anagn ve, kansi ayayiame ndir yug biuu o Nzeam okie kati ewo. ²⁰ Ekub e Nzeam epa eli le vii atubagnu ve ; eli le biuu o Nzeam. ²¹ Vim nge eling gnu me nkii ? Ngye djwi n'ompeagni ndola na ikoy n'ewuo, to ngye djwi okug ngyenagni oshin otsame ondeangagni mpe oshin olime na ngagn egnu ?