¹ Kanuzeyi ko zimpangi, (kadi mono ngieti vova kua antu azeyi nsiku) vo nsiku uyalanga muntu ntangu zazonsono zika kidi moyo e ? ² Idina nkento wakuelua wena wakangama kua bakala muna nsiku va ka kinu moyo, kansi va yakala diani difuidi,yani weka kimpwanza mu nsiku a makuela. ³ I dina mu ntangu yoyo yakala diani kakidi moyo, vo wele zinga ye yakala dia nkaka, yani sika bokudulua nsuza. Kansi vo yakala difuidi yani kululu muna, nsiku, ye kasidi diaka nkento wansuza kokani nkutu vo wele zinga vamosi ye yakala dia nkaka. ⁴ I dina, nu zimpangi zame, yeno mpe, mu nzila a nitu a Klisto, nua vondwa mu matadidi nsiku mpasi vo nua vuwa kua wanka, kua ndiena wa fuluka mu afua kidivo tua wuta mimbutu diambu dia Nzambi. ⁵ Kadi va kiakala vo tuakinu ntete mu kinsunu, zinzinunu zabundana mu masumu zasikumunua mu yelo yeto muna nsiku mu wuta lufwa ⁶ Kansi tu wawu yeto tuakulwa mu nsiku, wakina vo tufwa mu nsiku wowo mono tuakala tua simbununua kidi vo tuasadila mu luyalu lua Mpeve ya mpa, ye kamu sono kia nuna ko. ⁷ Wawu nki tuna kamba e? vo nsiku i masumu mu yani beni e? Kawuna ko. Kansi tu vele kondua kwa nsiku, momo nga kiazaya masumu ko. Kadi mono nga kiazaya nzinunu ko vo nsiku kawuvovi ko vo kuzininani moyo ko. ⁸ Kansi masumu mabaka nzila mu nsikudukusu, mavayikisa mu mono konso ka mpila za nzinunu. kadi kondwa kua nsiku, masumu mena ma fwa. ⁹ Mono yakala moyo kondua kua nsiku, kansi tuka vana vayizila nsikudukusu, masumu mabaka diaka zingu ye mono yafua. ¹⁰ Nsikudukusu yabanzulua vo yilenda kundatina moyo yandatina lufwa. ¹¹ Kadi masumu mabaka nzila, ma mvukumuna mu nsikudukusu ye manyongo mu yau. ¹² Idiawu nsiku wena wanlongo, nsikudukusu yena ya nlongo, ya lunungu ye ya mbote. ¹³ Wawu, kiokio kiena kia mbote kilenda kuani kituka tuku dia lufua mu mono e? Nseke yina! Kansitu masumu, kidi vo mamonika monso vo i masumu va ntadisi a mena mambote, manata lufua kua mono makadila wowo kidi vo vantadisi a nsikudukusu masumu makituka makedika mu lutila tezo. ¹⁴ Tutonene zaya nadede vo nsiku wena wa kimpeve kansi mono ngiena wakinsuni. Ndiatekila ku nsi a kinkole kia masumu. ¹⁵ Kadi kietiami toma zaya ko mangieti vanga. Kadi mangieti zola vanga ma vanga ko ye kansi tu mangieti bela ngieti vanga. ¹⁶ Kansi tu vangi vanganga momo ma ngieti lembua ye nsiku vo nsiku wena wambote. ¹⁷ Nkiongolo ko ka i momo diaka ko ngi vanganga mambu momo, kansi i masumu mazinganga mu mono. ¹⁸ Kadi nzeyi vo mu mono, mena mu nsiku ami, ka mu zinganga kani nkutu mamboe ko. Kadi nsatu avanga mambote yena yami, kansi lembakana mo vanga. ¹⁹ Kadi mambote ma ngieti zola kieti mo vanga ko, kansi ngieti vanga ma ngieti lembua zola. ²⁰ Kansi tala, vo ivanganga dina dindembolo zola, vana ko i mono ko iavanganga dio, kansi i masumu mazinganga mu mono. ²¹ Nsololo mu mono nsiku wowo, mu ntangu nzolele vanga mambote, kansi mbi yoyo yena mu kedika mu mono. ²² Kadi ngi yangalalanga mu nsiku mia Nzambi konso wena kimuntu kia ngudi. ²³ Kansi nsiku wankaka weti yala mu yelo ya nitu weti nuanisanga nsiku wowo wampa wa diela diame, ye wunkitulanga nkole muna nsiku a nasumu wena mu yela yiela yami. ²⁴ Engua mono i muntu wa kiadi! nani wuna kuntanina mu nitu yayi a lufwa? ²⁵ Kansi matondo mavewa kua Nzambi mu Yisu Klisto Mfumu et. I dina, mono itumamanga muna minsiku mia Nzambi muna diela diawu. Kansitu muna nsuni ami, ngiena nkole a nsiku a masumu.