¹ Wawu kakunani widi mbedoso ko kua wowo ena mu Yisu Klisto. ² Kadi nsiku amoyo wa Mpeve yena mu Yisu Klisto wampana kimpuanza mu masumu ye mia lufwa. ³ Mu diodio, momo mo nsiku kalembakana mu sala mu diambu dia lebakana kuawu muna nsuni, Nzambi wawanga mo. Yani wafidisa muana ani kibeni mu kinsuni kia fuanana mu kiokio kia masumu mu nsuni. ⁴ Yani wawanga wo kidi vo ntumunu za nsiku zafuanana mu yeto, yeto tudiatilanga ka konso mu kinsuni ko, kansi konso uzolele Mpeve. ⁵ Wowo azingilanga mu kinsuni ayangalala nga mu lekua ya kinsuni, kansi wowo azingilanga mu kimpeve ayangalalanga mu mambu ma kimpeve. ⁶ Kadi mu kivana mu ma kinsuni i lufua, kansi mu kivana mu ma kimpeve i moyo ye luvuvamu. ⁷ Mu diambu dia ku kivana mu makinsuni makutu kitanga kitantu kwa Nzambi, kadi katumamananga mu nsiku mia Nzambi ko ye kalendi wo lenda nkutu ko. ⁸ Wonso ena mu ma kinsuni ka alendi nkutu yangidika Nzambi ko. ⁹ Kansi tu, yeno kanuna mu makinsuni ko, kansi mena mu ma kimpeve, vo mu kedika mpe vo Mpeve ya Nzambi yizinganga mu yeno. Kansi vo umosi mu yeno kondolo Mpeve ya Klisto, buna kavuilu nkutu kua yani ko. ¹⁰ Vo Klisto wena mu yeno, nitu yeno yena yafus vs ntsdisi a masumu, kansi Mpeve yena ya moyo va ntadisi a lunungu. ¹¹ Vo Mpeve a ndiena wa fulukisa Yisu mu afua yeti zinga mu yeno, ndiena wafulukisa Yisu mu afwa wuna bafwa vana mpe moyo kua nitu eno ya lufua, mu nzila ya Mpeve ani, yizinganga mu yeno. ¹² Mu diawu, zimpangi nufuka yena yeto kansi ka kua kinsuni ko u zinga mu makinsuni. ¹³ Kadi vo nueti zingila mu kinsuni, fwa luna fua, kansi vo mu kimpeve nueti vonda mavanga ma nitu, luna zinga. ¹⁴ Kadi konso ayingi atuadusua nga kua mpeve ya Nzambi, ahana ena ana a Nzambi. ¹⁵ Kua yeno, ko nua beki diaka Mpeve ya kinanga ye ya wonga ko. Kansi tu nuabaka mpeve yakulu sansanga mu yawu tubokanga "Tata, ami" ¹⁶ Mpeve yawu beni yeti ta kimbangi ntuadi ye mpeve eto vo eto tuena ana a nzambi. ¹⁷ Vo tuena ana a Nzambi, tuena mpe mimvingidi mia difwa, mimvingidi mia difwa dia Nzambi. Mimvingidi mia difwa ntuadi ye Klisto, vo mu kedika tumonanga mpasi yani, kidi vo tuakembusua ye yani. ¹⁸ Kadi mono i tambudilanga vo zimpasi za mu ntangu yayi yituena kazifuanakene ye nkembo wu tuena zayikusua. ¹⁹ Kadi nsemono yeti vingila mu ngunda beni nzayikusu ya ana a Nzambi. ²⁰ Kadi nsemono ya lemvulua ku nsi a ngianunu, ka mu tuzolo luani ko kansi mu luzolo lua ndiena wa lemvula bio. Kiokio i vuvu kia sikila beni. ²¹ Bika vo nsemono yawu kibeni yena kulua mu kinanga kia luvunu, ye kiena vawa kimpwanza muna nkembo wa ana a Nzambi. ²² Kadi tuzeyi vo nsemono yawu kibeni yayonsono yi nyokunuanga ye yena mu salu kiantuadi momo masi nate ye wunu kiaki. ²³ Ka yi mu diodio kaka ko, kansi moe yeto mosi tuena ye mimbutu miantete mia yeto mosi, mu mpingulu a niokunua mu kati kua yeto mosi, mu mpingudulu a nsansulu eto, nkudulu a zi nitu zeto. ²⁴ Kadi yeto tua vulusua mu muni kiokio, kadi nani usanga vuvu mu maketi mona kala? ²⁵ Kansi vo tueti sa vuvu mu ma tueti lembua mona kala tuvingilanga mo mu mvibudulu. ²⁶ Va mosi, Mpeve ikutu sadisanga mu lebakana kueto Kadi tulembolo toma zaya nawe mu sambidila, kansi yani mosi Mpeve nkutu dilanga mvutu mu zi mpumukunu zilembolo vovakana. ²⁷ Ndiena mfiongoninanga mintima zeyi banza dia Mpeve, kadi yani udilanga Minkuikizi mvutu konso wena luzolo lua Nzambi. ²⁸ Mu diawu tutomene zaya, vo Nzambi wanganga mamonsono abokuluanga kosno wena lukanu luani (mbungulu zankaka zivovanga vo: "Lekua yayonsono isalanga va kimosi mu wote.") ²⁹ Kadi wowo akakizayila kala, wakukikanina vo akala adedakana ye kifuani kia mia ani, kidi vakakala muana wantete va kati kua kiuma kia zimpangi. ³⁰ Wowo aka kikanina i yau mpe kaka akabokidisa wowo akabokidisa, yani waku anungisa, yani waku akembisa mpe. ³¹ Nki tuna tu wawu mu matadidi mambu mom e? vo Nzambi una Yeto, nani una kutu kadila kintatu e? ³² Yani walembua kutu vanina mu kimpuanza lekwa yayonso ye yani e? ³³ Nani nua funda akiasolua a Nzambi e? I Nambi waku anumgisanga. ³⁴ Nani ndiena lenda bedisa? Klisto i yani wakutufwila, ye yani, walutidi diaka mfunu, wafulukusua yani weti yala ye Nzambi va fulu kia nzitusu, ye mpe i yani ukutudisanga mvutu. ³⁵ Nani una kutu vambisa ye zola kua Klisto e ? Nsito evo nzangu evo nzomono evo nsatu evo kondwa kua minlele evo nsisi evo sabala e? ³⁶ Kedika konso wu masamukunua vo : "diambu diaku tueti va vondwa mu na lumbu kia mvimba. tuekala tanguluanga konso mameme masilua mu vondua." ³⁷ Mu mambu momo mamonsono, tuna nunganga kaka muna yani watuzola. ³⁸ Kadi ngiena ye minu vo i lufwa ko , evo ka i moyoko, vo ka i zimbasiko, ka tuyalu ko, ka lekua ya lumbu yayi ko, ka i lekua ya lumbi ina kuiza ko, a i tulendo ko, ³⁹ Ka i mu mazulu ko, vo ka i mu mpinda ko, ka i kionso kionso lekua kia semua, kilenda kala ye lendo mu kutu vambisa ye zola kua Nzambi, kua monika mu Yisu Klisto mfumu eto.