¹ Nki wawu tuna vova si tua tatamana mu zinga mu masumu mpasi nlemvo wa Nzambi wa sampe? Ka awa ko! ² Yeto tua fuila masumu bilanki tuna tatamana mu zinga mu masumu e? ³ Kanu zeyu woko vo yau awonsono abotukua mu Yisu Klisto, abotukua mpe mu lufua luani e? ⁴ Yeto tuazikua ye yani mu mbotokolo a lufua. Diadi dialuka, kidivo konso a se, yeto mpe, tuna diatila mu nkadulu yamona yamoyo. ⁵ Kadi vo tuakala tuabundusua ye yani mu lufua lua yani muna mfulukulu. ⁶ Yeto tuzeyi vo kimuntu kieto kiankulu kiakoma ye yani va kulunti, kidi vo nitu ya masumu ya fukusua. Diadi dialuaka kidi vo katukadi diaka nanga mia masumu ko. ⁷ Ndiena wafuidi wayikua nkua lunungu va ntadisi a masumu. ⁸ Vo tuena twa fwa ntuadi ye Klisto, tuena ye lukuikulu vo tuna kala moyo mpe ye yani. ⁹ Tuzeyi vo Klisto wa fuluka mu afua ye kena fua duiaka ko. Lufwa kaluena diaka ye lendo mu yani ko. ¹⁰ Kadi yani wafwa, ye i mu diambu dia masumu kafuila kiama kilu, kasi wena moyo ye i mu Nzambi kanina moyo. ¹¹ Mpila mosi, yeno mpe nufueti kukibanzila konso luafua mu masumu, mansi nuena moyo mu Nzambi mu nzila Klisto Yesu. ¹² Ikuma kanu yambulani masumu mayala nitu yeno yamvuiliu ko mu tezo kiasa vo nuatumamana mu zinzinunu zani. ¹³ Kanu yekula yelo yano ya nitu eno mu masumu ko konso yiluazu ya kondwa kua lunungu. Kansi numiyekula yeno mosi kua Nzambi konso afwa ena wawu amoyo. Ye nuyekula yela ya nitu eno konso yluazu ya ndungunu mu Nzambi. ¹⁴ Kanu yambudilani masumu makunu yala kadi kununa ku nsi a nsiku ko, kansi ku nsi a nlemvo. ¹⁵ Wawu nki? nga tufueti sumuka mu diambu diambu dia katuena ku nsi a nsiku ko, kansi ku nsi a nlemvo e? kawowo ko. ¹⁶ Kanuzeyi ko vo ndiena wuna kivananga konso minanga i kua ndiena mu tumamananga, i kua yani nufueti tumamana e? Diadi diena dia kedika, kani vo luna kala mu kiwayi kia masumu manatanga kulufwa, evo mukala mu kinanga kia ntumumunu yinatanga ku lunungu. ¹⁷ Kansi bika matondo ma vewa kua Nzambi! kadi nuakala minanga masumu, kansi nuatambudila muna kati kia ntima mpila a ndongolo zi nua vewa. ¹⁸ Yeno nua kulua mu masumu ye yeno nuakitulua minanga mia lunungu. ¹⁹ Ngiena vivila mu kanuntu mu diambi dia lebakana kua nsuni eno konso, konso wuna yekudila yelo ya nutu eno konso minanga mia masumu ye mia mambi, idina wawu, muyekula ya nitu eno konso minanga mia lunungu ye mia kinlongo. ²⁰ kadi va nuakala minanga mia masumu, nuakala kimpuanza va ntadisi a lunungu. ²¹ Muna ntangu yina, nkia mpila mbutu nua songa mu mambu momo ma nuenina nsoni mu wawu? kadi ndambu a mambu momo, i lufwa. ²² Kansi wawu kina vo nuakulua mu masumu ye ma kitulwa minanga mia Nzambi nuenina konso mbutu mia nkadulu anlongo, nsukulu i moyo wa mvu ya mvu. ²³ Kadi mfumu a masumu i lufwa, kansi nkayilu a nlemvo a Nzambi, i moyo wa mvu ya mvu mu Yisu Klisto Mfumu eto.