¹ Nutambula ndiona wena walebakana mu minu, kondua kua ku nkangudila mu mabanza mami. ² Muntu umosi wena ye minu mu dia lekua yayonsono, wankaka wena walebakana wudianga kaka ndunda. ³ Bika ndiona wudianga lekua yayonsono ka lembua yina ndiona wulembua dianga lekua yayonsono. Ye ndiona wulembua dianga lekua yayonsono ka lembua fundisa ndiona wudianga lekua yayonsono kadi Nzambi wantambudila. ⁴ Wu nani ngeye wufundisangasielo kivuilu kua muntu wankaka e? Vo watelama evo buidi, diodio ditadidi mfumu ani beni. Kansi se katelama, kadi Mfumu wena ye lendo mu muntedimisa ye kunnkumika. ⁵ Muntu umosi vo weti vana mfumu kua lumbu kimosi lutela kiankaka. Muntu wankaka weti vana mfumu wowo kaka kua konso ka lumbu. Muntu muntu bika kakuikila dio mu bonga dia yani beni. ⁶ Ndiona weti tadidila lumbu katadila kio mu diambu dia Mfumu, ye ndiona weti dia, kadila mu diambu dia Mfumu, kadi weti vutula matondo kua Nzambi. Ndiona weti lembua dia, kazodi mu dia ko mu diambu dia Mfumu, kadi weti vutula mpe matondo kua Nzambi. ⁷ Kadi ka wumosiko mu yeto wuzinganga mu diambu dia yani beni, ye kamuntu ko ufuanga mu diambu dia ani beni. ⁸ Kadi vo tueti zinga, tuzinganga mu diambu dia Mfumu. Idina kani vo tueti zinga evo tueti fua, tuvuilu kua Mfumu. ⁹ Kadi i mu bila kiokio Klisto wafua ye wavutuka kala moyo kidi vo kakala Mfumu va kua eno moyo ye kua afua. ¹⁰ Kansi ngeye, bika weti findisila mpangi aku e? Ye ngeye bila nki weti vuezila mpangi aku e? kadi tuna tedumusua awonsono va ntadisi a kiandu kia Mfundusu kua Nzambi. ¹¹ Kadi diasonama: "wau ngiena moyo, wavovele Mfumu," Makungunu mamonsono mana fukama va ntadisi ame ye tudimi tuatonsono tuna vana nkembo kua Nzambi." ¹² Idina, wonso wonso muntu mu yeto wuna zayisa mambu ma yani beni va ntadisi a Nzambi. ¹³ Idiawu, katu fundisani diaka ko yeto ye yeto, kinsi tu tuzengeno edi, ka muntu ko katule tadi dia sakuba evo ntambu kua mpangi ani. ¹⁴ Nzeye ye nkuikidi dio mu Mfumu Yisu, vo kalekua ko kiena kia sumuka mu kiau beni, katula kaka, kua ndiona weti banza vo kia sumuka sumuka, kua yani beni kienina kia sumuka. ¹⁵ Vo mu diambu dia madia mpangi ami weti muesua kiadi, i savo kueti diatila diaka mu zola ko. ku bungani mu kuma kia madia muntu ndiona Klisto ka fuila. ¹⁶ Ka nu yambulani ko vo mavanga meno mambote masakananua kua antu. ¹⁷ Kadi kimfumu kia Nzambi, ka kiena mu dia ye nua ko, kansi lununga yenge ye kiese muna Mpeve Yanlongo. ¹⁸ Kadi ndiona weti sadila Klisto mu dia mpila yoyo weti yangidika Nzambi ye zolakana kua antu. ¹⁹ Mu diawu tuvemina lekua yituakanga yenge, ye yayo i natanga ku ntungusulu a kimpangi. ²⁰ Kubangani salu kia Nzambi ko mudiambu dia madia. Mu diodio, lekua yayonsono yena yavedila, kansi diena diambi kua muntu wowo weti dia, mu kitula tadi dia nteselo a masakuba. ²¹ Diena dia mbote mu lembua dia mbizi, ye lembua kua nua vinu, evo lekua kiankaka kiokio kilenda tesisa mpangi aku sakuba. ²² Tukuikila toto tua va lueka tuena yaku, keba bo vakati kua Nzambi ye ngeye. Kasakumunua ndiona wulembolo kukifundisa yani beni mu meka mueni vo masanga. ²³ Wonso wena ye keti keti yani badoso vo didi, mu diambu dia diodio kadi tukudi mu menu ko ye diadionsono dilembololo tuka mu miu i masemu.