¹ wawu, yeto tuna a siama, tufueti vibidila lebakana kua ena alebakana, ye lembua kikivuna mu yeto mosi. ² Bika wonso sonso mu beto kazala mfinangani ani mu momo mena mambote, mu kutunga. ³ Kadi kani nkutu Klisto kaki zola mu yani beni ko, kansi wonso wu masonama: "yifingu ya wowo akumfinga zabwa va ntandu ani. ⁴ Kadi mamonsono momo masonama vakiakala masonukua mu diambu dia lusiamusu lua masonukua manlongo, yeto tua sa vuvu. ⁵ Wawu, bika Nzambi ya mvibudulu ye ya lusiamusu kakunu vana kidi vo nuakala ye banza dimosi yeno ye yeno wonso Klisto Yisu. ⁶ KIdi vo mu banza dimosi ye mu nua umosi, nua lenda mu sanisina Nzambi ye se dia Mfumu eto Yisu Klisto. ⁷ Mu diawu, nukitambula yeno ye yeno wonso Klisto kaku nutambula mpe mu nmkembo a Nzambi ⁸ Kadi mpovele vo Klisto wayikua sielo kia ena mu bzengolo mu diambu dia kedika kia Nzambi, mu siamisa nsilulu zasilua kua mase, ⁹ Kidi vo alembolo kala ayudayo asanisina Nzambi mu nkenda zani. Idina diasonama vo: "Ikuma ngina ku sanisina va kati kua akondolo ayudayo ye ngina yambidila minzitusu mu nkumbu aku." ¹⁰ Dia vovuka diaka vo: "Nuyiangalala yeno nu akondolo ayudayo, ye nangu ani." ¹¹ Ye diaku: "nuzitisa Mfumu, yeno awonsono, akondolo ayudayo, buka nkangu miamionsono miaku mia nsanisina." ¹² Yesaya wavova diaka vo: "mu Isai muna vayikila nkuna una telama mu yala va ntangu a akondolo ayudayo. Akondolo ayudayo ena sa vuvu mu yani." ¹³ Bika Nzambi ya vuvu kakunu fuluza ye kiese kia kionsono ye yenge mu lukuikilu, kidi vo nua vambidila mu vuvu mu lulendo lua Mpeve yanlongo. ¹⁴ Mono mosi mpenkuikidi mu momo me kunu tadidi, nu zinganga zami. Nkuikidi dio vo mena mpe vo nuena nuazala ye wote nuazala ye nzayilu zazonsono, nulenda kueno mu luengasana yeno ye yeno. ¹⁵ Mu diawu, ngieti ku nu sonikina mu kibakala kia lutila mu matadidi maka mambu mu kunu bambula moyo diaka, mu diamba nkayilu wa ngia vewa kua Nzambi. ¹⁶ Nkayilu wowo wakala vo ngia lkala sielo kia Klisto Yisu kiafilua kua ankondolo ayudayo mu kivana wonso sadi kia nsamu wambote wa Nzambi Mfueti kio sala kidi vo nkayilu wa akondolo ayudayo watambudulwa, wabikwa kwa Mpeve yanlingo. ¹⁷ Iwuna, nzitusu ami wena mu Klisto Yisu ye mu yilekua ya Nzambi. ¹⁸ Kadi kina lenda vovila konso ka diambi ko vo kayi momo Klisto kalungisa mu mono mu nata akondolo ayudayo mu ntumumunu. Mawu i mambu malungusua mu mpova ye mavanga. ¹⁹ Mu lulendo lua yi diambu ye lua yimangu, mu lulendo lua Mpeve yanlongo. Diodio diakadila wowo tuka mu yelusalemi, ye zimbanza za kinzungidila nate ye mu Ililiko, ngia lenda mu toma muangisa nsangu wambote wa Klisto. ²⁰ Mu mpila yaoyo, lukanu luani luakala mu samuna nsamu wambote, kansi ko konso koko klisto kukazayakena mu numbu ko, kidi vo ngia lembi tungisa va lufulu luangani. ²¹ Wonso wu diasonama: "Kwa wonso vo ka nsamu ani nkutu ko weka samunwa ena kummona, ye wowo alembwa wa ena bakusa." ²² I mu diambu diodio ngi kwama kakuduswanga nkumbu zayingi mu kwenda kuena yena. ²³ Kansi wawu, kena kani fulu nkutu diaka ko mu yizunga yoyo ye ngia baka lukanu tuka mimvu miayingi, mu kuenda kuena yeno ²⁴ I diau, va ngiena kwenda ku nsi ya Esipania, nsidi vuvu ngina kuna mono va ngina vioka, ye ngina filwa kwa yeno, ku nima fintangu va ngina toma yangalala mu nkalasani eno ye mona. ²⁵ Kansi wawu ngiele ku Yelusalemi mu sadila minkuikizi. ²⁶ Kadi diodio diakala dia mayangi beni kwa esi makedini ye esi akayi mu vanga fi ngionzoko kwa amputu va kati kwa minkuikizi miena kuna Yelusalemi. ²⁷ Ingeta, yawu akadila dio beni mayindu, ye mu kedika, yau enina dio beni mfuka. Kadi vo akondolo ayudayo atambula ntuadi mu lekwa ya kimpeve, yau mpe afweti ku asadila mu lekwa ya kinsuni. ²⁸ Idiau, va ngina lungisa mama ma ye va ngiena siamisa nkutu wowo mu yau, ngina viokila kwena yeno, mu kunda ku nsi a Esipania. ²⁹ Nzeyi vo, va ngina kwiza kwa yeno, ngina kuiza muna nzadulu a lusakumunu lwa Klisto. ³⁰ Wawu, mono ngieti kunu luengisa, nu zimpangi, mu Mfumu eto Yisu Klisto ye mu zola kwa Mpeve mu nuani yami ntuadi mu tusambulu tuena kwa Nzambi. ³¹ Nusambila vo ngietaninua mu wowo ena minkolami mia ku mbanza Yuda, ye mpe vo sala kiame ku Yelusalemi kiatambudulua kwa minkuikizi. ³² Nusambila vo ngia lenda lwaka kuena yeno mu kiese mu luzolo lwa Nzambi, ye kidi vo ngia baka lufongoso ye yeno. ³³ Bika Nzambi ya yenge yakala ye yeno awonsono.