¹ Bika muela wawonsono watu mama kua Miyadi mia nsi. Kadi kawena ye kimfumu kilembolo tuka kwa Nzambi ko. Ye miomio miena miantumbua kwa Nzambi. ² Idina, ndiona weti telemana nyandi wowo, weti bela mu ntumunu a Nzambi, ye wowo eti wo telamana ena tambula mfundusu a Nzambi mu yawu beni. ³ Kadi nyandi kamiena mu mawanga mambote, kansi mu mavanga mambi. Nzolele nua lembua kala ye wonga kwa nyandi e? Nwanga ma mbote ye sima sanisina mu diawu. ⁴ Kadi yani wena sielo kia Nzambi mu mbote eno. Kansi vo weti vanga mambi, kala mu wonga, kadi ka mu mpamba ko enina ye lendo kia tumba. Kadi yani i sielo kia Nzambi, i mintudi a nlandu a nganzi za Nzambi kua ndiona wadilanga wambi. ⁵ Idina nufueti tumama, ka mu diambu dia tumbu kaka ko, kansi mu diambu dia kansansa diaka. ⁶ I mu diodio nufutilanga mpe mpaka. Kadi nyandi ena i sielo ya Nzambi atalanga mambu momo konso kua ntangu. ⁷ Nuvutula kua wonso wonso kiano kimfueni mvukusi mpaku kua ndiona fuiti yo baka, mwakusula nzitusi kua ndiona nzitusu wufueni. ⁸ Kanu kalani mfuka mu muntu, vo kayi mfuka mu zolasana yeno ye yeno. Kadi ndiona uzolanga mfinangani ani walongisi nsiku. ⁹ Kadi: "Kuyungani ko, kuvondani ko, kuyibani ko, kuzininani lekua yangani ko, ye vo wena mpe nsiku wankaka, weti songa mu nkufi ewu: "ngeye wena zola nfinangani aku wonso ngeye beni." ¹⁰ Zola kaku luekanga ntima wa mfinangani ani ko. Isavo, Zola i ndungusulu a minsiku. ¹¹ Mu diambu, nuzeyi ntangua, vo tueka kala mu ntangua kua yeno nua vumbuka kutulu. Kadi wawu mpulusu eto yeka lukufi beni ye vavana vu tuakuikila ku ntonono. ¹² Mpinga yeka ya lambuka, ye lumbu kieka lukufi. Tubembika va lueka mavanga ma tombe, ye tuvuata yanduanina ya kia. ¹³ Tudiateno wonso wufueni, wonso mu kia kua muini, ka mu makinu ma kimpumbulu evo ma kindumba. Katidatilani mu kinsuza evo mu zinzinunu a saka tezo ko, ye ka mu minzonza evo kimpala ko. ¹⁴ Kansi nuvuata Mfumu Yisu, ye kanu vani fulu kua ma ki nsuni ko, mu zinzinunu zani.