¹ Ngieti kunu bombidila, nu zimpangi, mu nkenda za Nzambi, mu vana niti zeno konso nkayilu wamoyo, wanlongo, ye wazolakana kwa Nzambi, kiokio i sambu kia ntona kitu fueti kunsila. ² Ka nu kifanikis'qni ye ma kinza yayi ko, kansi bika nuakitulua mu nsobolo a mabanza mena, kidi vo nuazaya monso mena mambote, mazolakanaye luzolo lua lunga lua Nzambi. ³ Ye ngieti kamba, mu diambu dia nlemvo wowo wu yavewa, ka wumosi ko va kati keuno kakala ye banza diviokele lutila yani beni disuasuane ye diodio difueni kala. Kansi yindula mu nduenga konso Nzambi wukavanina kwa konso mpila teza kia minu. ⁴ Kadi, yeto tuena yielo yayingi mu nitu yimosi, kansi yielo yayonsono kayisalanga salu kimosi ko. ⁵ I mpila mosi, yeto tuena ndonga, tueti vanga nitu yimosi nu Klisto, ye tuena umosi yiela yansalasani. ⁶ Yeto tuena nkayilu mia suasuana konso wenina nlemvo wu tuavewa. Vo umosi wena ye nkayilu wa bikula, bika kasadila wo konso wenina teza kia minu kiani. ⁷ Vo muntu wena ye nkayilu wakala sadi, bika ka sala. Vo muntu wena ye nkayilu wa longila bika ka longila. Vo muntu wena ye nkayilu wasiamisa, bika ka siamisa. Vo muntu wena ye nkayilu wa kaya, bika kavangila wo mu ntima wa mbote. ⁸ Vo muntu wuna ye nkayilu wa mu ntima wa mbote. Vo muntu wuna ye nkayilu wa tuadisa, bika kavangila wo mu kimfuzi. Vo muntu wena ye nkayilu wafuila bayandi nkenda, kavangila wo mu kiese. ⁹ Bika zola kwa kondwa disu ku nsi a lukaya. Nubela mambi; nukivana mu mena mambote. ¹⁰ Mu matadidi zola kua ayeno, luoma songasana zola yeno ye yeno, mu matadidi nzitusu, nuzitasana yeno ye yeno ¹¹ Mu matadidi kimfuzi mu vanga diambu, kanu kalani ye fuki ko, mu matadidi mpeve, nuelema mu ntima mu sadila yo; mu matadidi Mfumu, musadila. ¹² Nu yangalala mu vuvu kieno yeno mu matadidi lumbu yeti kuiza, nuzaya vibidila zintotolo, nukivana mu lusambulu. ¹³ Bika nsatu za minkwikizi zakal mpe zelo. Nasadila mpila zazingi zambote mu tambula zinzenza ¹⁴ Nusakumuna a kunuzonanga, nuku a sakumuna ye kanu ku asingi ko. Nu yangalala ye wowo ena mu kiese. ¹⁵ Nudia ye wowo eti dilanga. ¹⁶ Nukalanga mabanza mamosi yeno ye yeno. Kanu kitumpidikani ko mu mabanza meno, kansi nutambudila wowo akikilulanga. Kanukalani nduenga va meso ma yeno kibeni ko. ¹⁷ Kanuvangani mambi kwa eti kunu vangila mambi ko. ¹⁸ Nuwanga mambote va meso ma antu awonsono. Vo dilendakana, konso wuna dio lendila, nukala mu yenge ye awonsono. ¹⁹ Kanu vutulani mbi yeno kueno mosi ko, kansi nuyambula nganzi za Nzambi za sala. Kadi diasonama: "i kwa mono mu vutula, kua mono mu vana ndandu" wu vovela Mfumu. ²⁰ Kansi vo ntantu aku wena mu nsatu, wuvana kiandia. Vo wena mpuila wuvana kiandua. Kadi vio weti bo vanga, i makala ma tiya weti kunkutikila va ntu ani. ²¹ Kanu yambulani mambi makunusunda ko, kansi nkutu mubedisa mambi mu mambote