¹ I diawu mpovele, nga Nzambi walosa nkangu ani e? Ka diena wowo ko. Kadi mono mpe i mwisi Isaeli, watuka muwunu ki Abalahami, m kanda dia Benyamini. ² Nzambi ka losa nkangu ani ko wow wukateka zaya. Kanuzeyi ko mavovele masonukwa mu matadidi Elia, naweyi yani kayawudila Isaeli va ntadisi a Nzambi e? ³ "Oh Mfumu, yawu ameni va vonda mimbikudi miaku ye fwasakesa mazikwa maku. Mono kaka nsidi ye yawu antombonga mu fwasa muela ami." ⁴ Kansi nki a mvutu kaambula kua Nzambi e? "mono ngi lundanga a lueka mafunda nsambodia ma ayakala wowo alembwa fukamana va ntadisi a Baali." ⁵ Mpila mosi mu ntangu yayi, vena ye ndambu mu diambu dia nsodolo anlemvo. ⁶ Idina vo i mu nlemvo, buna ka i mu mawanga diaka ko. Wana vele, nlemvo kawuna kala diaka nlemvo ko. ⁷ Nki diaka? Kiokio Isaeli kateza tambula, kika lembolo tambula, kansi asolwa atambula kio, ye wowo asala amana bala ntima. ⁸ Mu kedika konso wu masonama: "Nzambi waku avana mpova ya tula, meso mpasi vo alembi mona, matu mpasi vo alembi wa nate ye lumbu kiaki beni." ⁹ Ye Davidi wwavova: "Bika meza mawu makituka siongi, ntambu, tadi ditesanga sakuba, ye mvutudulu anlandu kua yawu. ¹⁰ Bika meso mawu mafukama ye tamba alembi mona Lunda nima zawu zena Kananana ntangu zazonsono." ¹¹ I dina mpovele: Yawu asoelumuka lukufi ye bue e? nkatu kuna kula. kansi ttu vele, mu ntulumunu awu, Mpelusu yaluaka kua akandolo ayudayo, kidi vo afutumuna kimala mu yawu. ¹² I diawu, vo ntulumunu zawu i kimvuama kia nza ye mpidilu awu i kimvuama kia akondolo luawu. ¹³ Ngieti vovisa wawu akoondolo ayudayo. Wau kina vo ngia kinu mu kala ye yeno konso ntumua kua akondolo ayudayo, mono ngia yangalalanga sala kiami. ¹⁴ Nanga mono ndenda lutisa kimpala kua zi mpamgi za mno kibeni. Nanga tulenda vukisa ankaka mu yawu. ¹⁵ Kadi vo yawu atulua va lueka diawu dia nata mu teza kia luwawusu luanga, we nlenda kadila ntambudila awu, vo ka i moyo va kati kwa antu afwa ko e? ¹⁶ Kadi vo yibuku yantete yena yambongo, i wowow wena kadila yiveso pote-pote (Solwa). Vo muanzi wena wa nlongo, zintala zina wo kadila mpe. ¹⁷ kansi vo zintala zku zatoluka, ye ngeye, ntala ya nti wa mfinda wa olive, ngeye wayikikiswa va fulu kiawu, ye vukila mpe mu kimvwama kieti tuka muna muanzi wa nti wa olive, ¹⁸ Kukiyanani ko mu matadidi zintala. Kansi vo weti kukuyana, zaya vo ka ngeye ko unatanga muanzi, kansi tu, i mwanzi ukunatanga. ¹⁹ Ena tu una kambaa; a'zintala za tolulwa kidi vo mono yayi kakiswa." ²⁰ I kedika! I mu diambu kondwa kwawu kua kuikila atelulwa, kansi ngeye, kala nakekete mu diambu dia minu, kansi nkutu kala wonga. ²¹ Kadi vo Nzambi katabila zintala zivuilu kua nti ko kena ku tanina ko mpe ngeye. ²² Tala tu mavanga mambote ma Nzambi ye nsembolo ani. Va luaka nsembolo yaluakila lu ayudayo yawu abwa. Vo lueka lunkaka, wote wa Nzambi ukuluakidi, vo ngeye weti sikila mu woe wani. Vo nkantu, ngeye mpe una katulwa. ²³ Ye yawu mpe vo ka ena sikila ko muna kondwa kuawu kwa kuikila, yawu se ayikikiswa diaka. Kadi Nzambi wena wafwana mu ku ayikisa diaka. ²⁴ Kadi vo ngeye wezengwa mu nti wa olive wamfinda ye lembua tala mpila ya kimfinda, ngeye wayikikisua mu nti wa olive wambote, naweyi dilenda lembwa kadila vo ayudayo wowo wna ntala zivuilu muna nti wa olive wu avuilu e? ²⁵ Kadi kina dio yangalala ko, nu zimpangi, vo nua lembua zaya mambu mame mansueki, kidi vo nua lembua kondua ye nduenga muna mpisulu eno. Mansueki momo masongele vo vena ye mbodosu a ntma kua ndambu ya esi Isaeli nate ye akondolo ayudayo awonso amana kota. ²⁶ Idina Isaeli diadionsono dina vuluzua, konso wu masonamana: "Mu Sioni muna tuka ntanini. Yani wuna wikisa Yakobi mu kondwa kwa vumi. ²⁷ Ye diodio diena kala luwawanu luame ye yawu va ngina katula masumu mawu." ²⁸ Vo lueka luakala, konso wenina nsamu wambote, yawu eka mintantu mu diambu dia yeno, kansi va lueka lunkaka diaka konso wenina nsodolo a Nzambi, yau ena akia zolwa mu diambu dia mase mawu. ²⁹ Kadi nkayilu ye mbokolo a Nzambi kabisolanga ko ³⁰ Kadi yeno nuakala mu ntama minkoloni kua Nzambi, kansi wawu nu beki nlemvo mu diambu dia nkolamanu awe. ³¹ Va mosi, ayudayo wowo eka wawu minkolami. Nsikumusu yakala vo, muna nlemvo u nuasadilwa, yawu atambula mpe, nlemvo. ³² Kadi Nzambi wakangidila antu awonsono muna nkolomono, kidi vo kafwila awonsono nkenda. ³³ O mpila mpinda zakimvuama vo mpe zanduenga mbosi mpe za nzayilu za Nzambi e? Mbosi nzangolo zani zena katulendi zo visa ko. ³⁴ Kadi nani wazaya ngindulu za Nzambi e ? Ye nani wa kitula nlemvo ani e? ³⁵ Evo mpe, nani wekavana konso kina kwa Nzambi kidi vo kamvutudila kio. ³⁶ Kadi lekua yayonsono yatuka mu yani, mu yani ye kwa yani kwa yani nkembo una vewa mu mvu ya mvu, Ameni!