¹ Nu zimpangi, makani ma ntini ami ye sambu kiami kwa Nzambi mu yawu, i avuluzua. ² Kadi ngieti ta kimbangi mu diambu dia yawu vo ena ye vena mu Nzambi, kansi kanu nzayilu ko. ³ Yawu alembolo zaya lunungu lua Nzambi ye eti teza mu tula lunungu lua yawu mosi. ka alemvukilanga lunungu lua Nzambi ko. ⁴ Kadi Klisto i mfuanusununu a minsiku mu ndungusunu ya awonsono akuikila. ⁵ Kansi vele, Mose wasonika mu matadidi lunungu luatuka mu nsiku: "Ndiona wusadilanga lunungu lua minsiku wuna zinga mu lunungu lolo. ⁶ Kansi lunungu lutukanga mu minu ena lueti kamba: "Kukambi muna waku ntima ko vo: nani wuna tomboka ku zule e ? (koko i kulumuna Klisto.) ⁷ Ye kuvovani ko "nani wuna kulumuka muna yenga?" (koko i tambula Klisto mu kati kwa afwa)" ⁸ keti kamba? "Mpova yena yaku lukufi, momo nu'aku ye muna ntim'aku." I wowo wena nsamu wa minu wu tueti samuna. ⁹ Kadi vo ngeye tambudila mu nu'aku vo Yise i Mfumu, ye vo ngeye kuikidi muna ntim'aku vo Nzambi wa fumfulukisa mu afwa, ngeye wuna vuluzua. ¹⁰ Kadi i mu ntima muntu ka kuikilanga mu diambu dia lunungu, ye i mu nua yani ntambudi langa mu diambu dia mpulusu. ¹¹ Kadi ena diasonama: "konso konso ukuikila mu yani kana fwisua nsoni ko." ¹² Kaven'ani diswaswani ko va kati kwa kuisi yudayo ye muisi elene. Mfumu yawu yimosi Mfumu mu diambu dia awonsono ye wena mvua ma kua awonsono akumbikidilanga. ¹³ Kadi konso ubombidilanga nkumbu a Mfumu una vuluzua. ¹⁴ Naweyi kuandi afweti kumbombidila, Yani mu ndiona wu alembolo kuikila e? Ye naweyi yawu afueti knkuikidila, yani ndiona wu lembua teka wa kavova e? Ye naweyi ena wila vo kavenani muntu ko weti longila. ¹⁵ Ye aweyi alenda longila vo ka ena afidusua ko e? Konso wu masonamana: "Engua mena ma ntoko malu ma wowo asomunanga minsamu mia mbote." ¹⁶ Kansi ka awonsono ko awa nsamu wambote, kadi Yesaya wavova: "Mfumu, nani wa kuikila nsangu zeto e?" ¹⁷ Wawu, minu kitukanga mu matuwanga, ye matuwanga mu nsangu za Klisto . ¹⁹ Inga diaka, mono mpovele: "Isaeli, nga kazaya wo ko e?" va ntete nntete, Mose wavova: "mono ngiena yangumuna kimpala kieno kua kiokio kikondolo kanda. Mu lusadisu lua kanda ditondolo zayu, momo ngina futumuna nganzi zeno." ²⁰ Ye Yesaya wakala ye kibakala mu vova: "ngia yiza wanukunua kua wowo alembua kunsosa. Mono ngia kimonikisa kua wowo alembua kumbokedisa." ²¹ Kansi mu matadidi Isaeli yani wavova: "mono ngia yalumuna moko mami lumbu kia mvimba va ntadisi a nkangi wa kolamanga ye ulembua wilanga antu."