1
Wa akamba diaka: Yi kunu kembi mu kedika, afuima wo ena vana ka ena fua ko, vo ka amueni kimfumu kia Nzambi kiza mu lulendo ko.
2
Lumbu sanbanu yavioka, Yisu wa sambila ye Petelo, Yakobi ye Yoai, ye wa atula yau kuawu kaka va lueka kuna mbata mongo. Yani wa tienza va ntadisi awu.
3
Mvuatu miani mia toma lezima, ye vempuka kua mpila yoyo kakua monika va ntoto ko.
4
Elia ye Mose amonika kua yau, a yambila ye Yisu. Petelo, wabaka mpova, wavova kua Yisu:
5
Nlongi, diena dia mbote mukala vava, tua tedimisa minsampa mi ntatu, umosi waku, umosi wa Mose ye umosi wa Elia;
6
Kadi kazaya mo kafueti vova ko, wonga mwa buila
7
Tuti dia afuka, ye ndinga yavayika mu tti; nduayu imuana ame wa nzolua: lum nluwila!
8
Kiamakilu minlogoki miatala ndambu ye ndambu, ye amona Yisu yani kuani kaka ye yau.
9
Kadi vo akala kulumukanga ku mongo, Yisu wa asikidikisa mu lembua kamba kua montu ma amona, nate ye muana muntu ka fuluka mu afua.
10
Alunda diambu diodio, ayuvasana yau ye yau fuluka mu afua i nki.
11
Minlongoki mia nyuvula kuivu kiokio: Kila nki minsoniki mikembi vo Elia kafueti vita kuiza?
12
Wa akamba: Elia una vita kuiza, ye vutula lekua yayonsono. Ye bila nki kasonika vo muna muntu kafuiti mona mpasi beni ye yinua?
13
Kansi wavova Elia wayiza, ye a nwanga wonso wu azodila, wonso wa sonama mu yani.
15
Vo afinama lukufi ye monlongoki, a mona ndonga yayingi ya azangidika, ye minsoniki mia bindana mpaka ye yao.
14
Ndonga va yamona Yisu, ayutukua, ye azawula mu nku vana mbote.
16
Waku ayuvula: Munkie mambu nueti bindana mpaka ye yau?
17
Ye muntu mosi mu ndonga wavutula kua yani: Nlongi, mono ndeti muana ame wayakala kua ngeye wena ye mpeve ya baba.
18
Vo yelakoko kuizidi wu kivetanga va ntoto; muana utubisanga mafulufulu, ukuetisanga meno, ye wu kangamanga. Yalomba kua minlongoki miaku a vayikisa mpeve, kansi ka a lende ko.
19
Mbandu ya lembua leka minu Yisu wavova, ntangua kua ngina kala yeno? ntangua kua ngina kunu vibidila? nu ntuala kua mono.
20
Atuala kua yani. Ye kiamakilu muana wamona Yisu, mpeve ya ntuntumuna mungolo; wabua va ntoto, ye wa vindumuka watubisa ma fulufulu.
21
Yisu wayuvula sani: Nkia ntangua katona mona wowo? Tuka kimuana kiani, kanvanina mvutu.
22
Ye ntangu za nkaka mpeve yi nkuvetanga ku mbombe ye mu nlangu mu ku mfuasa. Kansi, vo lenda vanga diambu, utusadisa,ye utufuila nkenda.
23
Yisu wavova kua yani: Vo lenda!... mamonso malendo malendakananga kua wonso lekele minu.
24
Kiamakilu se dia muana waboka: Ndekele minu! Wiza wasadisa kondua kua minu kuame!
25
Yisu, bukamona ndonga ya lundumuka, wa semba mpeve ya sumuka, ye wa vova kua yani: Mpeve ya baba ye ya fuamatu, ikukembi, vayika mu muana, ye kumvutukilani ko.
26
Ye yavayika, waboka, ye tuntuka mungolo. Muana weka nkiewo ufuidi, wonso wowo ayingi avova vo fuidi.
27
Kansi Yisu, wansimba mu koko, wantelamisa. Ye ntumbu telama.
28
Muntangu Yisu, kakota monzo, monlongoki miani mia nyuvula mu kingengo: Bila nki tulembane zoma mpeve zozo?
29
Wavova kua yau: Mpila ya teso kia mpeve zozo kazilendi vayikusua voka mu lusambulu ko.
30
Yau akatuka kuna, ye asawuka Ngalili. Yisu kazola ko vo anzaya.
31
kadi walonganga monlongoki miani, ye wa akamba: Muana muntu una yekulua mu moko ma antu; ena kumvonda, ye lumbu tatu kaka kena kala wafua, sika fuluka.
32
Kansi minlongoki kamia bakulanga mpova yoyo ko, ye amonanga wonga mu nkuyuvula.
33
Aluaka ku Kapenaumi. Vo akala munzo, Yisu wa oyuvula nki kuani nukezi tudila mpaka munzila?
34
Kansi akala napi kadi munzila abindana mpaka yau ye yau mu zaya vo nani waluta munene.
35
Idiawu yani wavuanda, wabokila yau kumi ye zole, ye wa akamba: Vo muntu zolele kala wantete, yani sikakala wa zimunina mu yau awonso ye kisadi kia a wonsono.
36
Ye wabaka fimuana , wantula va kati kau, ye wambaka mu moko mani, ye wa akamba:
37
Wanso ndioyo tambudi mu nkumbu ami mosi mu yinganangana tambudi mono kuame kibeni; ye kua ndiona untambudi, katambudi mono ko kansi ndioyo wamfidisa.
38
Yoani wankamba: Nlongi tuamueni muntu weti zoma mpeve zambi mu nkumbu aku, tuankusima kadi kakutulandanga ko.
39
Ka nunsimanimko, Yisu kavutula, kadi kavena muntu ko wu, salanga bimangu mu nkumbu ame, ye vana vau yi vova mambi mu mono.
40
Wonso wulembua kutu belanga wena mu yeto.
41
Kua ndiona una kuvana kope dia nlangu wanua mu nkumbu ame, kadi nuvuilu kua Klisto, yi kunu kembi mu kedika, kalendi vidisa nsendo ani ko.
42
kansi, vo muntu wetivukumuna mosi mu yindende ya kuikama, diena dia mbote kakangua tadi dia ndikina diadinene mu laka ye tubua mu mbu.
43
Vo koko kuna yaku kueti ku tesa sakuba, zenga kuawu, mbote kua ngeye wakota ye koko kumosi ku moyo,
44
Kansi kakala ye moko mole ko ye kuenda ku bilungi, kutiya tulemua zimanga.
45
Vo kulu kuena yaku kueti kutesa sakuba, zenga kuawu, mbote kua ngeye wakota ye kiendolo ku moyo.
46
Kansi kakala ye malu mole ye tubua ku bilungi, ku tiya tulembua zimanga.
47
Ye vo disu diena yaku dieti kutesa sakuba, katula dio; dinalutila mbote wakala mu kimfumu kia Nzambi ye disu dimosi, kansi kakala meso mole ko yetubua kubilungi.
48
Kuna kuena ntungua bilembua fuanga, ye tiya tulembua zimanga.
49
Kadi antu si azenzusua kua mungua wa tiya.
50
Mungua ilekua kimbote; vo mungua ka wusidi ko, mu nki ulenda zezusulua? Nukala ye mungua wa yenokibeni, nukala ye luwawanu yeno ye yeno