¹ Mu lumbu yina ndonga yayingi yekutakana diaka ye kina vo a kondua kia ndia, Yisu wabokila minlongoki ye waba kamba: ² Ngieti mona kiadi mu diambu dia ndonga yayi: Kadi tela fisidi lumbu yitatu eka yami lukufi ye ka ena kani lekua kia ndia ko. ³ Vo i ku avutudi mu atuka nsatu, si akondua ngolo mu nzila kadi ankaka va kati kuawu atuka muna mua nda. ⁴ Minlongoki miani miavutula, nawe tulenda ku ayukutisila mu mampa, vava mu nsi ya mkatu ⁵ Yisu waku ayuvula: Mampa makua mena yeno? ⁶ Nsambodia, amvutudila Vana vawu wavuandisa nkangu va ntoto, wabaka kidivo akayisa mo; ye akayisa mo kua nkangu. ⁷ Awanuka mpe ye ndambu a zimbizi mbizi, ye Yisu wu kavutula matondo, wakayisa bio kua nkangu. ⁸ Adia ye ayuvula, ye atotikisa nsambodia ya zi mpidi zakala za zala ye yitini yasala. ⁹ Akala fisidi mafunda maya. ¹⁰ Ye minlongoki miani, ye wayenda ku nsi ya Dalamanta. ¹¹ Mimfalesi aluaka, ye atona mu bindana mpaka ye Yisu, ye mu kuntota, a nlomba snsu kiatuka kuna zulu. ¹² Yisu, wafulumuna mu ngolo mu mpeve ani, wavova: Bila nki mbandu yayi yeti lomba sinsu. Ngieti kunu zayisa mu kedika, kanu lendi sala vewa sinsu ko, mu mbandu yayi. ¹³ Ye wasala ku asisa, ye wamanta mu nlungu, mu vioka ku simu diankaka ¹⁴ minlongoki mia sala vilakana mu baka mampa, dimosi kaka diakala yao muna nlungu. ¹⁵ Yisu waku avana nsikudukusu yayi: Nukeba, nukala ngangu mu yinlongo yifunisanga mampa kua Minfalesi ye yilongo yifunisanga mampa kua Elode. ¹⁶ Minlongoki bu akala yindulanga yau ye yau, ye avova: Nanga diambu dia tukondolo mampa. ¹⁷ Yisu, wazaya dio, waku akamba: Bila nki nuna dio yindudilanga vo nukondolo mampe? Ka nua beketi ngangu kue? Ye kanueti bakula kue? Nuena ye ntima mia kangame? ¹⁸ Nuna ye meso, kanueti mona kue? Nuna ye matu, kanueti wa kue? Ye kanunano ye zayi koe? ¹⁹ Va ngia bukuna mampa matanu mu diambu dia manda matatu ma akala, mpidi zikua zazala ye bitini nua kutikisa? Kumi ye zole, ba mvutudila. ²¹ Ye mbosi va yabukuna mampa nsambodia mu diambu dia mafunda maya ma ayantu, npidi zikua zazala ye yitini nua kutikise? Nsamboda, amvuntudila. ²⁰ Ye wa avovisa: Ka nueti bakusa kaka koe? ²² Ayenda kuna Betasayida; ye vanatua kua Yisu mpofo mosi, anlomba ka yosimba. ²³ Wabaka mpofo mu koko, ye mwa nata ku fula dia vata, bosi wantula mante va meso, wantentika moko, ye wanyuvula vo weti mona kionso kima. ²⁴ Watala ye wavova: Ngieti mona antu, kansi ngieti ku amona nkiongo minti, ye mieti diata. ²⁵ Yisu mwa telula diaka moko va meso; ye mpofo va katoma tungunina, waniaka, ye wamona biobio mu dinsuasuani. ²⁶ Idina Yisu mwa vutula ku nzo ani, mwa kamba: Ku kotani va vata ko ²⁷ Yisu wayenda, ye minlongoki miani, mu vata dia Kayisala, dia Filipo ye aku ayuvula kuivu kiaki: Nki aovele mono ngiena? ²⁸ Avutala: Yoani mbotaki, Eliya, Ankaka, umosi mu mimbikudi ²⁹ Ye beno, waku ayuvula, nani nuvovele ngine? Petelo wavutula: Ngeye i Klisto. ³⁰ Yisu waku akanikina mu lembua dio vova kua muntu ³¹ Idina wayantika mu kualonga vo difueni kua muana muntu mu mona mpas zayingi, ka losua kua akuluntu, kua mfumu za kinlongo, kua minsoniki, vo ka vondua ye ka fuluka nima lumbu itanu. ³² Waku avovisa mambu momo kondua kua suama. Ye Petelo, mwa nata va lueka, watoma nku nsemba. ³³ Kansi Yisu, wabalukaye watala minlongoki miani, wavovisa Petelo mu lulendo, ye wavova: Unkatukila, Nkadia mpemba! Kadi kueti yindula maki Nzambi ko, wena ye ngindu za kimuntu. ³⁴ Mbosi wabokila nkangu ye monlongoki, waku avovisa: Vo muntu zolele uiza kua mono bika kasisa biabio, ye kanata kulunsi wambote una wo vulusa. ³⁵ Kadi wonso wuna zola vukisa moyo ani wuna wo vidisa, kansi wuna vidisa moyo ani mukuma kiame ye kia nsamu wambote una wo vuluza. ³⁶ Ye mu nkia ndandu kua montu mu nunga nza yayo, vo vidisi muela anie? ³⁷ Nki muntu kalenda vana mu sobikisa ye muela anie?