¹ Yisu va kakatuka kuna, wa yenda ku kikayi kia Yuda kuna Yolodani. Nkangu wa yonzama diaka lukufi ye yani, ye wonso wena fu kiani, watona diaka mulongila. ² Minfalisii ba nyambidisa, ye muku meka ¹ , a nyuvula o dina kuani luve kua muntu mu katula mkento ani. ³ Yani wa a vutudila: Nki nua sonukunua kua Mose? ⁴ Mose a vutula, wa vana luve mu sonika nkanda wa luvambanu ye katula. ⁵ Ye Yisu waba kamba: I mudiambu dia mbalu a ntima aku yidina Mose kanu vanina muina wowo. ⁶ Kansi mu ntonono ya nsemono, Nzambi wa sema muntu ye nketu; ⁷ Yi mu diodio muntu wuna sisa se diani ye ngudi ani, ye bundana ye nkento ani, ⁸ Ye yau ole si akituka nsuni wu mosi. Mu diodio kaba sidi diaka nzole ko, kansi eka nsuni mosi. ⁹ Muntu mu diodio ka vambasi kia yika Nzambi ko ¹⁰ Vo akala muna kati kua nzo, minlongoki mia nyuvula diakak mu diodio. ¹¹ Wa bazayisa: Konso yambudi nketo ani ye kuelele wa nkaka, tele kinsuza kua yani; ¹² Ye vo se nkento sisidi yakala diani ye kuelele wa nkaka, yani sedi ki nsuza. ¹³ A natina ana a fioti, mpasi ka asakana. Kansi monlongoki mia semba wowo a nata. ¹⁴ Yisu, voka mona dio, wa futa ntima, ye wa a kamba: Nu yambula ana afioti iza kua mono, ye kanu akakidila ko; kadi kimfumu kia Nzambi kiena kua wowo a fuanane, ¹⁵ Ngieti dio vova mu kedika, wonso wonso lembolo tambudila kimfumu kia Nzambi bonso muana wa fioti kena kio kota ko. ¹⁶ Mbosi wa ba wumbikila mu moko mani, ye wa a sakumuna, mu ku atentikila moko. ¹⁷ Yisu vo katona diaka mzilani, muntu wa zaula, wa kibuisa wa fukama ku ntuala ani: Nlongi wambote, ka nyuvula, nki ndenda vanga mpasi ya baka moyo wa mvu ye mvu? ¹⁸ Yisu wa nzayisa: Bila nki weti kumbokidila wa mbota? Ka kuena wa mbote ko Nzambi yani kaka. ¹⁹ Nga zeyi mina: Kuna yanza ko; kuna vonda ko; kuna yiya ko; kuna ta kimbangi kia luvunu ko; kuna vanga mbi kua muntu ko; zitisa saku ye ngudi aku. ²⁰ A mvutudila: Nlongi, ngia kebele mamo momo tuka kileke kiame. ²¹ Yisu, vo kantala, wa nzola, ye wa nkamba: Lekua kimosi kiku kondolo; wenda, teka yoyo yina aku, vana yo kua ifuafua, ye si wabaka ki mvuama mu mazulu. Ibosi, wiza wandanda. ²² Kansi, voka kendudukua mu mpova yoyo, muntu wowo wa yenda mu kiadi; kadi wa vua lekua yayingi. ²³ Yisu, watala kinzungidila kiani, wa vova kua nlongoki miani: Dina kala dia mpasi kua wowo en ye kimvuama mu kota mu kimfumu kia mazulu! ²⁴ Alongoki ayitukua mu mpovolo za Yisu bonso wowo. Ye wavutukila, wa avovisa: Lu ana ame, diena dia mpasi kua wowo a kiyekulanga mu kimvuama mu kota mu imfumu kia Nzambi! ²⁵ Diena yaki yaki kua kamela mu vioka mu diwulu dia ntumbu ye mvuama mu kota mu kimfumu kia Nzambi ²⁶ Alongoki asaka diaka yitukua ye avova sana yau ye yau; ye nani kuani lenda vulusue? ²⁷ Yisu wa atela, ye vova: Diodio diena dia mpasi kua antu, kansi ka kua Nzambi: Kadi wowo wena wa lendakana kua Nzambi. ²⁸ Petelo watona ku nkamba; tala, yeto tua sisidi yayo, ye tua ku lendi. ²⁹ Yiau wa vutula: Ngieti dio kulukamba mu kedika, kua kuankatu muntu endu wa sisa , mu diambu dia mono ye diambu dia nsamu wambote nzo ani, ye vo mpangi zani za bayala, evo se diani, evo ana ani, evo ntoto mianii, ³⁰ Wuna luembua baka zinkama, mu ntangu yayi tueti zinga, zimpangi za akala, yi busi, zingudi, ana, ye mintoto, ye zinzomono, ye, mu ntangu yi lueki, luzingu lua mvu ye mvu. ³¹ Ayingi atekila ena kala a nsuka, ye ayingi ansuka ena kala antete. ³² Bu akala munzila mutombuka ku Yeluselemi, ye Yisuwabatekila ku ntuala awu. Minlongoki mia kala zenzela zenzela, ye anlanda mu keti keti. Ye Yisu wabaka diaka kumi ye zole ye yandi, ye watona ku akamba mena ku nluakila: ³³ Tala, tueti tombuka ku yeluselemi, ye muana muntu si kayekulua kua ngudi za nganga ye kua minlongoki. Si akunzengila nkanu wa lufua, ye enaku nyekulua kua mimpaganu, ³⁴ Ena ku sakanana, ku nlisila mati, si a kumbiba mu nzuakula, ye si aku mvonda; ye, lumbu tatu kunima, si kafuluk. ³⁷ Ana a Zebedayi, Yakobi, ye Yoani, a finama lukufi ye Yisu, ye a nkamba: Nlongi, tu zolele vo watu vangila ma setu lomba. ³⁶ Wa bakamba: Nki luzolele ngia vanga mu yeno? ³⁵ Watu yambudila, a mvovisa, muvuanda umosi kulubakala luaku ye wankaka ku lumonso luaku, vo una kala muna nzitusu aku. ³⁸ Yisu wa avutudila: Kanuzeyi kinueti lomba ko. Nu lenda nua mbungu yingina nua, ye vo botukua mu mbotokolo ye ngina botukulua? ³⁹ Tuna dio lenda, a mvutudila. Ye Yisu wa bavutudila: Diena dia kedika vo nuna nua mbungu yoyo ngina nua, ye nuna botukua mu mbotokolo yi ngina botukulua; ⁴⁰ Kansi mu diodio dia vuanda va lubakala luame evo lumonso luame, diodio ka ditedi mono ko, ye dina vewa kua wowo a lundulua dio. ⁴¹ Kumi, wu awadio, batoma vunguta kua Yakobi ye Yoani. ⁴² Yisu wa abokila, ye wa bavovisa: Nu zeyi vo wowo bamonika bonso zi mfumu za nsi zi kuamusuanga, ye ba zanguka ba ku alutila nga. ⁴³ Ka wenina wonso wowo ko vakati ye yeno. Kansi ndieyu zolele kala wa wunene va kati kueno, bika kakala ngamba eno; ⁴⁴ Ye konso zolele kala wa ntete vakati kua yeno, kakala nanga wansuka wa awonso. ⁴⁵ Kadi muana montu wa yizidi, kamu sdilua ko, kansi mu sadila ye vana moyo ani wonso nkayilu wa ayingi ⁴⁶ Ba luka ku Yaliko. Ye, ntangu Yisu ka vayika mo, ye nlongoki miani ye nkangu wa wingi wa wunene, muana wa Tine, Batimeyi, nlombi wafua meso, wakala wa vuanda muna zengua nzila. ⁴⁷ Yani wawa vo Yisu dia Nazaleti, ye wa tona mu boka; muana Dawidi, Yisu wu mfuila nkenda! ⁴⁸ Ayingi ambaka, mu nkudingidika; kansi wa lutila mu boka mu ngolo; muana Dawidi wu mfua nkenda! ⁴⁹ Yisu wa simbama, ye wavova: Nu mbokila. A bokila mpofo, mu kunkamba: Kolo bakala, telema kuaku, wu kubokele. ⁵⁰ Mpofo ya veta yunga kiani, ye, watelama mu dumuka, wa yenda kua Yisu. ⁵¹ Yisu wa baka mpova, wa nkamba nki zolele ya kuvangila? Labuni, mpofo ka nvutudila, nzolele mona diaka. ⁵² Ye Yisu wankamba: Wenda, minu kiaku kiku vuluzi. Kiamakilu wa mona, ye wa landa Yisu munzila.