¹ Butua finama ye Yelusalemi, lakufi ye mavata ma Betani dia, kundambu za mongo wa olive, Yisu wafila wole mu alongoki miani, ² Mukuwa kamba: Luwnda ku vata diena ku ntuala eno; vo senumokota kaka, si nua solula muana mpunda wa kangua, vozolu a wawu ka muntu ko weka wo vuandila; nu zibula wo ye nata wo. ³ Vo muntu wunu yuvudi: Bila nki nueti vangila diodio? Nu nkamba: mfumu vuidi wo nkinzi: Ye kia makilu sika wo yambula mukuiza kuaku. ⁴ Mi nlongoki, vo miayenda, mia mona muana mpunda wa kangama ku mbazi lukufi ye kielo, kumpiluka nzila, ye akutula wo. ⁵ Wantu ankanga mu wowo akalavana baba kamba: Nki nueti sola vave? Bilanki nueti kutudila muana wowo wa mpunda? ⁶ Baba vutula wonso Yisu kaba kambila ye ba vova. Ye baba yambula ye ayenda kuau. ⁷ Banata kua Yisu muana mpunda, vazulu a wau batuba mvuatu miau, ye Yisu wavuanda va zulu. ⁸ Antu ayingi ayala mvuatu miau mu nzila, ye ankaka yi tala ya minti yibazenga mu ma yinza. ⁹ Wowo avita ye wowo alanda Yisu aboka: Hosana! sakumunua endu weti kuiza mu nkumbu ya mfumu! ¹⁰ Kia sakumunua kimfumu kieti kuiza, kimfumu kia Davidi, se dieto! Hozana mufulu bia toma zangama ¹¹ Yisu wakota Yelusalemi, munzo ya nlongo. Vo kamana tala ya yonsono, wayenda ku Betani ye kumi ye zole kadi ntangu ya kiviokila. ¹² Lumbu kia landa, landila mpayikulu ku Betani, Yisu wa kala nsatu. ¹³ Wamona kuanseke nti wa kuyu wakala ye makaya, wa yenda tala volenda mona mo lekua ye, vo kafinama, wa buanamo kaka makaya, kadi kaya kala nsungi ya kuyu ko. ¹⁴ Wabaka mu diodio mpova, ye wa mvovisa: Kevana muntu diaka wuna dia mbutu miaku ko! Ye alongoki awa mo. ¹⁵ B aluaka ku Yelusalemi, ye Yisu wa kota munzo ya nlongo; wa zoma bobo bakala tekanga ye akala sumbanga mu nzo ya nlongo; wa nenguna meza ma nsobi mia bivanza, ye zimpaka za nleki mia mayembe; ¹⁶ Ye kayambula muntu nkutu ko ka mata lekua muna nzo ya nlongo. ¹⁷ Ye walonga ye vova: Ka diasonama kue? Nzo ami yina bokidulua nzo ya lusambulu kua makanda ma nza yayo? Kansi beno lukitudiyo nluka mivi. ¹⁸ Zi nganga za Nzambi ye minsoniki, bu awa, asosa nzila muku mbunga; kadi akala ku ntinanga, kadi nkandu wowo wa yitukua mu malongi mandi. ¹⁹ Nkokila voyiza, Yisu wa vayika mu mbanza. ²⁰ Munsiuka, muvioka, minlongoki mia mona vo kuyu kia yuma nate ye mumianzi. ²¹ Petelo, wa bambuka moyo muna vioka, wa vova kua Yisu: Nlongi, tala, nti wa kuyu wuwa singidi wayumini. ²² Yisu waboka mpova, ye wa bakamba: Mukala minu mu Nzambi. ²³ Ngieti dio kunu kamba mukedika, vo muntu kembi kua mongo wawu: Katuka vovo ye wukituba mu mbu, ye vo kena keti keti ko mu ntima ani, kansi kuikidi vo dikavovele se di kuiza, si kadiomona dilungane. ²⁴ Mu diodio ngieti kunu kamba: Kionso ki nuna lomba mu lusambulu, mu kuikila vo nubeki dio, ye si nua vo dilungane. ²⁵ Ye, ntangu nuena nuatelama mu sambila vo nuena ye diambu ye munto, nu nlemvikila, mpasi vo vo se dieno diena mu mazilu kanu yambudila mpa nkombo zeno. ²⁶ Kansi vo kanu yambudilanga ko, se dieno wena mu mazulu kena kunu yambudila mo mpe nkombo zeno. ²⁷ Ayenda diaka ku Yelusalemi, ye, ntangu yoyo Yisu ka kala zietanga muna nzoya nlongo, nguli za nganga, minsoniki ye zimbuta, bayiza kuayani, ²⁸ Ye ba mvovisa: Mu nkia lulendo weti sadila lekua biobio bia wonsono, ye nani ndioyo waku veni lulendo lua diosadila ²⁹ Yisu wa bavutudila: Nzolele kunu dika mpe kiuvu kimosi; nu mpana mvutu, ye singia nu kamba mu nkia lulendo ngieti sadila lekua ya wonsono. ³⁰ Mbotokolo ya Yoani kuzulu yatuka, vo kua antu Nu mpana mvutu. ³¹ Kansi a yinsula wonso ena yau ye yau: Tua mana vutula: Kuzulu, se kakamba: Bila nki kuandi nua lembua kuikila mu yani? ³² Ye tua mana vutula: Kua antu... Ba mona wanga kuangu, kadi yau awo ba simbidila vo Yoani ngunza. ³³ Mu diodio avutula kua Yisu: Katu zeyi ko. Ye Yisu wa ba kamba: Mono mpe kizeyi ko, kilendi kunu kamba ko mu nkia lulendo ngi sadilanga lekua yayo ya wonsono.