¹ Va a mana zenga vo tuendila mu nzila maza ku Italia, a vana Pauli, ye nkole za nkaka kua nkama ya binuani ye kimvuka kia Ogusta, wa bokuduluanga Yuliyo. ² Tua baka nzaza ya salimayi, yoyo ya kala kuendanga mu nseko wa Asia. I mbosi, tua yenda mu mbu. Alistake, muisi Makedonia wa Tesalonika wa yenda yeto. ³ MUlungu kia landa, tua telana va simu dia Sidoni, vana Yuliyo katoma bebila Pauli mu kiwunu ye ku vana luve kenda kua mpangi zani mu baka lusalu kua awu. ⁴ Yi vana, tua bakila nzila mu kota mu mbu ye kulumuna bima ye antu kuna ndambu ya songa kia cipelo kiakala kia vawuka mu vanto, kadi vento kia tu buila. ⁵ Vo tua mana sauka nlangu wakala lukufi ye Silisi ye Pamfiliya, tua yenda ku Mila mu zunga kia Panfiliya. ⁶ Kuna, nkuluntu wa nkama ma soda wa solila nzaza ya ki Alekisandele ya kala kuendanga ku Italia. Watu makisamuna. ⁷ Yeto tua sawuka mu malembe mu lumbu ya yingi ye tua luaka kaka ku nima lumbu ya yingi lukufi ye kinido vento ka kiatu yambula tuenda, mu diodio tua sawuka mu nzengo za tanunua kua Keleti, va ntalani ya Salomone. ⁸ Tua sawuka mu nzengo nzengo mu mpasi, nate ndakento va fulu kiena ye nkumbu Fayi aveyi kiena lukufi ye belo kia Lose. ⁹ Tua baka ntangu ya nda, ntangu ye mbinunu a nsoki ya ba yudayo mpe ya vioka , ye nsawukulu mu nlangu ya kala nsisi. Mu diodio Pauli wa baluengisa. ¹⁰ Ye vova: "Akala, ngieti kina vo nzietelo yi ntueti kubika mu kuenda se yi kala ya vonza ye mfuilu mia yinfi, ka kua yisadi kaka ya nzaza ye nzaza ko, nkansi mpe mo zinga yeto." ¹¹ Kansi mfumu ya nkama masoda, wa luta wila ntuadisi wa nzaza ye kua muntu wa vua nzaza ka mu mpova za Paulu ko. ¹² Kadi sawu diodio ka dia kala dia mbote o mu viokisila sivu, fisidi a yingi a sawukanga nlangu ka a zolanga mu ninga mana vana ko, vo mu mpila nkaka tulenda luaka ku mbanza ya Fenikisi, mu viokisa sivu ma keleti, yi dimosi mu ma sawu ma keleti, ye ya tala mu dimininanga ntangu ye ku selukilanga ntangu. ¹³ Ntangu venti kia fioti ku sude kia tona vevila mi nsawuki mia banza vo avua yoyo yi akala nsatu. Mu diodio, a nanguna mbua ya kumbi ye toma sawula mu nseko ya keleti, lukufi ye nseko. ¹⁴ Kansi ku nima fintangu, vento kia ngolo kia lelundo mu nkumbu ya Elokilo, ya tona kutu biba mu tuka ku sanga. ¹⁵ Ntangu nzaza ya tona natua ye ka yilendi nuanisa vento ko, tua kiyambula tua natua. ¹⁶ Tua viokila mu kikatyi kia tanunua kua fi sanga kibokuduluanga kuda, ye mu mpasi, tua lenda tanina mi nlungu mia ntanina. ¹⁷ Mu ntangu tua yambula mio, tua sadila minsinga mu kanga nlungu. Akala wonga vo nanga katuna nunga ko mu nkuta mia menga mia Siliti, ye mu diodio tua kulula nkoki ye tua tuadisua kua vento. ¹⁸ Tua nua nusua nu ngoo kua yembo; ye mu diodio mu lembu kia landa, mintolosa mia tona veta lekua yakala mu nzaza ti tua nata mu nlangu. ¹⁹ Mu lumbu kia ntatu, mintoloso mia losa nsadidila mu mawu moko. ²⁰ Wonso ntangu ye mbuetete ka vayikanga kua yeto mu lumbu ya yingi ko, ye tembo kia ngolo kia tubuila ntangu zazo, tua vidisa lukuikilu lua vulusua. ²¹ Kina vo lokula kia yengi ka a diaka ko, mu diodio Pauli watelama va kati kua mintoloso ye vova: "Luba bakala, "Nu fiti ku nguila ye lembua kakutaka va sawu dia keleti, mu tina ma nsisi ye mfuilu. ²² Ye wawu ngieti kunu siamisa mu vuata kibakala kadi antu ko mu ye yeto, kansi tu mfuilu wa nzaza kaka. ²³ M mpila yina mbasi ya Nzambi yoyo yi muinda ye yingi zambilanga mpe mbasi ani ya mbinikina. ²⁴ Ye vova: "Kaunu moni wonga ko, Pauli. Fiti fundusua ku ntuala Cezali ye tala, Nzambi mu zola kuani wu veni awo eti sawuka yaku. ²⁵ Yi mu diodio akala nu vuata kibakala kadi ngiena ye lukuikilu mu Nzambi vo mono se ma vioka wowo wu ka nkambidi. ²⁶ Kansitu fueti kakama va sanga kimosi." ²⁷ Mbosi mufuku diodio dia kumi ye ya va dialunga, wonso wutuakala tua kangama mu mbu wa Adiyatike, mu ndinga a fuku, mintoloso mia bakula vo eti finama ye ntoto. ²⁸ Abaka kia ntezila, mpinda n'lana a mona vo ya kala makumole ma mpinda ye ku ntuala fioti , a losa kio diaka ye amona kuki ye tanu dia mpinda. ²⁹ Amona wonga mu muangana mu matadi, a losa mbua za kumbi zi ya mu mbu ye a samila kuna kua vita kia munsualu. ³⁰ Mintoloso mia tomba fulu mu sisa naza ye atula nlangu mu mbu ye vunikisa vo a zole tuba mbua za kumbi ku nuala. ³¹ Kansi Pauli wa vova kua mfumu nkama ya masoda ye kua masoda: "Vo antu wowo ka ena vuanda mu nzaza ko, ka nu lendi vuka ko." ³² Mu diodio masoda a zenga nsinga mia nlungu ye a yambula wo wakukula. ³³ Ntangu kua kia nsiuka kua lumbu kua tona seluka, Pauli wa siamisa mu dia wa vova: "Lumbu kiaki yi kia kumi ye ya tuka nuenina mu mvingudulu ye lembua dia; nua dia lekua ko; ³⁴ Mu diodio, ngieti kunu bombidila mu dia kadi diodio ye zingu kieno; ye kalu sukilu mosi lua ntu mieno luna viala ko." ³⁵ Vo ka mana vova diodio, wa bonga dimpa ye wavutula matondo kua Nzambi va ntadisi ya awonsono. Diodioo, wabukuna dimpa ye tona dia. ³⁶ Mu diodio, awonsono a inda ye a dia. ³⁷ Tua kala nkama zole lusambodia ye sambanu dia antu muna nzaza. ³⁸ Va amana toma dia a vevula nzaza mu veta lekua yankaka mu mbu. ³⁹ KUma va kua kia ka avisa diaka ntoto ko, kansi mona nsenge wa kala ye kiangala ye yuvasana vo alenda nata nzaza vana. ⁴⁰ Mu diodio a zingumuna zi mbue za kumbi ye ayenda mu mbu. Mu ntangu yoyo kaka a kutula mpe nsinga mia nkafi, atula nlele mia nkambila mpevelo mu tuadisanga nzaza mu mpevelo ye a yenda vana nsenge. ⁴¹ Kansi a luak va fulu kia wawanana nkuka zole ye nzaza ya kakama. Kindumuka kua nzaza kua kakidila yo mu nikuna, kansi nima nzaza ya tona muangana mu diambu dia ngolo za mayo. ⁴² Makani ma masoda makala mu zola vonda zinkole mpasi vo ka yi mosi mu zawu ko yi lenda tina mu ma suwa. ⁴³ Kansi mfumu ya nkama ya masoda wazola vukisa Pauli, wa sima ngindu zozo ye wa tuma kua wonso zeyi ta mansaya nu kuki tuba mu maza ye sawuka vana va kala ntoto. ⁴⁴ Dia landa, antu wowo a sala a landa mu tentamava zlu a ntini za ma baya evo kionso kionso veso kia nzaza. Yi wonso wowo tua luakila va nsenge kondua kua vanza yeto awonsono.