¹ Vo tuamana luakusua mu luvuvamu lualo lua mbote tua wa vo sanga kiokio kia bokudulua Molita. ² Yisi sanga kiokio a tutambula ka ntambudulu kaka ya mbote ko, kansi a lunga tiya ye atu tambula yeto a wonsono mu diambu dia mvula ye kiozi kia nkoko. ³ Kansi Pauli va ka tiama nkuni ye tul wo ku tia, mpidi ya vayina mu nkuta nkuni mu diambu dia mbangazi a tia ye ya ntatika ye nam nana mu koko. ⁴ Yisi sanga vo amona nioka ya nanamana mu koko kuani, a vova sana yawu ye yawu: "Muntu nduayu i mukedika mvondi sodi tina mu mbu, kansi mfundusulu ya nlongo ka yeti ku nyambul ka zinga ko." ⁵ Kansi wawu wa nikuna koko nioka ya sotuka ku tia ye ka kuamusua kua widi mpasi zi mosi ⁶ ko. Akala vingilanga mu ku mona kayamduka mu yalama evo fua mu naki biu (kamuka). Kansi kunima ntangu mu ya nda vo a toma ku ntala ye ka amona widi diambu dia soba mu yani ko, a soba mabanza ye a vova vo yani wa kala ki nzambi nzambi. ⁷ Tala mu nzengo nzengo mua kala mi ntoto mia vuwa kua mfumu a sanga,wakala nkumbu Pupilu. Yani watoma kutu tambula ye kutu vana nkutu mu kimuntu kia kio mu lumbu yi tatu. ⁸ Va luaka vo se dia Puilu wakala yalama ye mputu vumu ya menga makilu. Ntangu Pauli ka yenda kuna kua yami, wa nsambidila, wa ntetika koko wa niakisa. ⁹ Ku nima diambu diodio, nkangu wowo wakala wa sanga akala mpe yimbevo ayiza ye a niakusua. ¹⁰ Nkangu watu vana mpe nzitusu wawingi. Vo tua mana kubama muzola kuenda, antu vana lekua yoyo ya tia vua mfumu. ¹¹ Kunima ngonda tatu, tua kota mu nzaza ya Alekisandele yoyo ya viokisa sivu vana senga, kuna zinzambi za bokudulua zi Nsimba. ¹² Kunima tua luaka ku mbanza Silokusa, tua vuanda kuna lumbu tatu. ¹³ Tuka kuna, tua kota mu nzaza ye tua luaka ku mbanza ya Lengio. Ku nima lumbu kimosi,vento kia kuyanda ye mu lumbu yole kia vevila, tua luaka ku mbanza ya Potiulo. ¹⁴ Tua wana zi mpangi za kutu bokila mu kala yau mu lumbu nsambuadia. Mu nzila yoyo, tua luaka ku Loma. ¹⁵ Kuna, zimpangi, kunima vo awa nsangu zeto, ayiza kutu wawana ku zandu dia Apiu ye ku nzo tatu za zinzenza. Ntangu Pauli ka mona zi mpangi, wa tonda Nzambi ye baka kibakala. ¹⁶ Vo tua kota ku Loma, Pauli wa vewa luve mu zingila va yani mosi ye soda dimosi mu kunkengila. ¹⁷ Landila lumbu tatu, wa avovisa: "Zi mpangi, mpeleko vo kia vengi diambu diambi kua nkangu evo kinkulu kia mase meto ko, ngia yakula wonso nkole ku Yelusalemi mu moko ma bisi Loma. ¹⁸ Vo a mana ku ngiuvula, a zola ku ngiambula kadi ka amona bila mu momo ko kia fiti ku nzengila nkanu wa lufua. ¹⁹ Kansi ayudayo vo amona vo ka dia dedakana ye ngindu zau ko, ngia bindama mu lomba ngia natua mufundusua kua Cezali, mpeleko, ka wonso ko va ngia kala ye nkombo mu diambu dia nsi ame ko. ²⁰ Mu nzila yoyo mpe, ngia lomba mu kunu mona ye mokana ye beno, kadi yi mu diambu dia vuvu kia yisayeli mono ngienina mu mbienga." ²¹ Mbosi, a nkamba: "Ka tuatambula widi nkanda mosi nkutu watuka ku yuda ko mu nsamu wawu evo ka mpangi mosi nkutu ko watunatini evo kamba mambi mu ngeye. ²² Kansi tuzolele wa kua ngeye wonso wena mabanza maku mu kabu diodio, kadi tuzeyi vo diawu dieti bangusua muamo." ²³ Vo a dedikisa lumbu mu yani, kabu dia yingi dia yiza kua yani kuna nzo ani. Wa asonga wonso wena diambu ye a kimbangi mu kimfumu kia Nzambi. Wa tonta nzila ya nsiku mia Mose ye mimbikudi, tuka nsiuka nate ye mu masika. ²⁴ Ankaka mu yawu a kuikila mu mambu momo ma vovukua kansi ankaka ka akuikila ko. ²⁵ Ka awizana ko yawu ye yawu, a katuka Pauli vo ka mana vova momo: "Mpeve ya Nlongo wa vova mu ndungunu kua mase meto. ²⁶ Wa vova: "Wenda kua kanda diodio ye vova, mu wanga mu matu meno kansi ka mu bakulanga ko; nu talanga mu meso meno kansi kanu monanga ko. ²⁷ Kadi ntinu wa kanda diodio wa yikudi wa mbalu, matu mau ma wila mu mpasi, a kengi meso mau mpasi vo ka amoni mu mau meso ko ye ka awe mu mau matu ko ye mu visa mu ntima miau ye vuluka ye ngia a niakisa. ²⁸ Visa dio vo mpulusu ya Nzambi ya filua kua a lembua kuikilanga ye ana ku wila." ²⁹ Vo amana vova mambu momo. Yudayo mia yenda: A buisa mpaka za zinene vakati kuawu. ³⁰ Pauli wa kala kuna mvu miole mia mvimba muna nzo ani yi kakala fitilanga ye yika kala tambudilanga awonsono a kala kuizanga kua yani. ³¹ Wa longa kimfumu kia Nzambi ye wa longilanga mu mambu matedi Mfumu Yisu Klisto.