¹ Mbosi Angelipa wa vova kua Pauli: "Lenda kuaku kuyivovela ngeye beni." Pauli wa lambula koko kuani ye wa kitonina; ² "Ngiena ye kiese, ntinu Angilipa, mu kukitanina mu diambu diame va ntadisi aku lumbu kiaki mu mfunde miamio mia bayudayo mu mono. ³ Kadi ngeye tinene zaya bifu bia biosono bia ba yudayo ye mambu mawu makisi nsi, mu nzila yoyo ngieti ku lomba nuku mvibidula mu kungua. ⁴ A yudayo a wo a zeyi wonso we ngia zingila tuka ki ntuenia kiame va kanda diawu ye ku Yelusalemi. ⁵ Yawu a toma kunzaya tuka mu ntonono ye a fiti tambudila vo ngia zingila wonso mfalisi kabu ditoma landanga minsiku mu lusambulu lueto. ⁶ Wau ntelamene vava mu fundusua kadi ngieti tomba nsilulu za Nzambi zika sila kua mase meto. ⁷ Kadi yoyo i nsilulu makanda meto kumi ye zole a sila vuvu mu tombula u ba kala toma sambilanga Nzambi fuku ye muini yi mu diambu dia vuvu kiokio, ntinu Angilipa a Yudayo eti ku mfundila. ⁸ Diambu dianki va nkatu mu yeno endu lenda banzila vo diena na yaki yaki kua Nzambi mu fulukisa a fua. ⁹ Ntangu mosi ngia banza mono kibeni vo mfiti sala mayingi makondolo bunsongi mu nkumbu ya Yisu muisi Nazaleti. ¹⁰ Ngia sadila dio ku Yelusalemi, mono ngia kangisa minkuikizi mia yingi mu boloko, mu lelendo lun ngia tambula kua nkuluntu wa zinganga, ye vo akala vinduanga, mono ngia kalanga yawu. ¹¹ Mono ngia a semnanga ntangu za yingi mu yi nlongo ye ngia tontanga mu ku a kuikimisa ye komikina mu tiaka. Mono ngia kalanga watoma fuema kua yawu ye ngia a zoma nate ye mu zimbanza za nzenza. ¹² Vo ngia kala salanga momo mono ngia yenda ku Damasiko mu lulendo ye ntumunu za ngudi za nganga; ¹³ Ye mu nzila, mu wola wa mbote ntu (Midi), ntinu ngia mona kia kuatuka muzulu kua tentinia lutila ntangu ye kua lezima mu kinzungidila kiame ye kia antu wowo tuakala zietanga. ¹⁴ Vo tua bua yeto awo va nsi, ngia wa ndinga ya mvivisa mu ndinga ki Ebeleo; "Sauli, Sauli, mu bila nki weti mu diata ntumbu." ¹⁵ Ye ngia vutula: "Ngeye wu nani Mfumu? Mfumu wavutula: MOno yi Yisu ndua weti zoma. ¹⁶ Wawu vumbuka ye telama kadi yi mu nzila yoyo ngi ku monekene, mu ku tumba mpasi wa kala sielo ye mbangi mu mambu momo ma zeyi wawu mu mono ye mambu ma ngina ku songa ku ntuala lumbu bieti kuiza; ¹⁷ Ye ngina ku vukisa mu kanda ye balembi kuikilanga yi kua yawu ngieti ku fila, ¹⁸ mu zibila meso ye mo bangumuna ku tombe mu kia ye ngolo za Satana kua Nzambi, mpasi a tombula kua Nzambi nlemvo wa masu ye kimvuama kingina ku ba vana kua wowo ngina vangula mu minu mu mono; ¹⁹ Mu diodio ntunu Angilipa, kieti kala mana mona meso kia mazulu ko, ²⁰ Kansi, kua esi Damasiko ntete, ye kua esi Yelusalemi, ye zunga kiakio kia ndambu ya yuda ye mpe kua alembi kuikilanga, ngia alonga vo afiti soba ye bangumuka kua Nzambi, mu vanga mavanga ma songa ma nsombolo. ²¹ Yi mu diambu diodio a yudato a nkangidi mu kilongo ye tomba ku mpanda. ²² Nzambi wa nsadisa nate ye wawu kadi ngieti telema ye ta kimbangi kua makanda kua a fioti ye kua a nene mu matedi kaka momo mimbikudi ye Mose a bikula vo mafiti kuiza; ²³ Vo Yisu fiti mona nkuamusu, ye fiti kala wa ntete mu fuluka mu ba fua ye samuna kia kua kanda dia a Yudayo ye kua a lembi kuikilanga." ²⁴ Pauli vo ka kala kudikilanga lutanunu luani, Fesita wa vova mu ndinga ya zangaka: "Pauli ngeye wu lawu; nzayilu aku yayingi yi ku kitudi ki lawu." ²⁵ Kansi Pauli wa vova: "Kiena wa lawuka ko, mfumu ya saka zangama Fesito; kansi mu kibakala ngieti vova mambu ma kedika ye matombe. ²⁶ Kansi ntinu zeyi mama ma monsono ye mu diodio ngieti mo kumvonisila mu kimpuanza, kadi nzeyi dio vo kadi mosi ko diena dia suama kua yani, kadi kama vangamana mu nsueki ko. ²⁷ Nga wa kuikilanga mu mimbikudi, ntinu Angilipa? Nzeyi dio vo akuikilanga dio." ²⁸ Angilipa wa vova Pauli: "Ngeye zolele mu ku nkuika mu soba mu fi ntangu fia nkufi ye ku nkitula mu nkuikizi?" ²⁹ Pauli wa vova: "Mono ngi sambilanga Nzambi, kikala vo mu ntangu ya nkufi evo yanda, ka ngeye kaka kp, kansi mpe a wo eti ku ngua lumbu kiaki, wonso mono mpe kansi kondua kua mbianga zazi za boloko. ³⁰ MU diodio ntinu wa telema nguvalu ye Belenise mpe ye wo akala a vuanda yawu; ³¹ vo amana vayika mu suku diambazi a nkamba a vova sana a mosi kua ankaka ye a vova: "Muntu nduayu ka vengi diambu diambi nkutu ko dika fiti vondulua evo boloko." ³² Angelipa wavova kua Fesito: "Muntu ndiayu nga fiti kuandi yambulua vo ka lombingi kua Cezali ko."