¹ Akundi, kanu kuikilani mu mpeve zawonsono ko,. Kansi nu fimpa ye zaya suasikisa vo zena za Nzambi; kadi zi ngunza zayingi za muangana mu nza. ² I wonso wowo, nuena zayila mpeve ya Nzambi, yonso mpeve yi zeyi vo Yisu klisto wayiza mu lunitu lua kimuntu i Nzambi. ³ Ye mpeve yoyo ka yizeyi Yisu ko ka yena ya Nzambi ko. I mpeve yi vuezanga Klisto, yoyo yi nua wila vo yeti kuiza yi wawu yena mu nza. ⁴ Nu vuilu kua Nzambi, ana ame anzola, ye nua meni ku anunga kadi ndioyo wena mu yeno viokele ngolo kua ndioyo wena mu nza. ⁵ Ena aki nza i mu diodio momo avovanga i ma kinza ye nza yi ku awilanga. ⁶ Tuena mu Nzambi. Ndioyo zeyi Nzambi wu kutu wilanga. Ye ndioyo kena mu Nzambi ko kakutu wilanga ko, mu diodio tulenda suasisa mpeve ya kedika ye ye nzimbikisi. ⁷ Akundi,tuzolasananga wuna tuena; kadi zola i kua mu Nzambi; ye wonso wuzolanga watuka mu Nzambi ye zeyi Nzambi. ⁸ Muntu ndioyo wu lembua zolanga ka zeyi Nzambi ko, kadi Nzambi i zola. ⁹ I mu diodio zola kua Nzambi kua bangulua kua yeto vo: Nzambi wafidisa mu nza muana ani umosi kaka kidi vo tuazinga mu diambu diani. ¹⁰ Yi wowo wenina zola, ka diambu dia tua teka zola Nzambi ko, kansi yani kuani wateka kutu zola; ye wa fidisa muana ani mukuki yekoula mu lungua kuama mu diambu dia masumu meto. ¹¹ Akundi, vo Nzambi watoma kutu zola beni, yeto mpe tubindamene mu zolasanananga wuna tuena. ¹² Ka muntu ko wateka mona Nzambi. vo tueti zolasana wuna tuena ye Nzambi weti sikila mu yeto, ye zola kuani kuena nadede mu yeto. ¹³ I wowo, tu zayilanga vo Nzambi weti sikila muyeto ye yeto mu yani, kadi wakutu vana mpeve ani. ¹⁴ Ye mpe, tua mueni ye tua tele kimbangi vo Nzambi wafidisa muana ani kidi ka kala mvuluzi a nza. ¹⁵ Wonso zeyi vo yisu i muana Nzambi, Nzambi wu sikilanga mu yani ye yani mpe mu Nzambi. ¹⁶ Ye mpe tua visidi ye tua kuikidi mu zola koko Nzambi ku kenina mu yeto, Nzambi i zola, ye wonzo weti sikila mu zola koko weti sikila mu Nambi, ye Nzambi mpe weti sikila mu yani. ¹⁷ I mu diodio, zola koko kua kitulua nadede va kati kueto kidi tuakala ye vuvu mu lumbu kia mfundusu, kadi wowo kena, i wowo yeto mpe tuenina mu nza. ¹⁸ Mu zola ka muena wonga ko, kansi tu, zola wena kedikaku ku katulanga wonga, kadi wonga wena na dede ye nsembolo, ye wonso wu monanga wonga kena wa fuanusua ko mu zola. ¹⁹ Tuzolananga kadi Nzambi yani kuani wavita kutu zola. ²⁰ Vo muntu weti vova vo: " mono i nzolele Nzambi" knsi weti bela mpangi ani, yani wena muivi. Kadi muntu kalendi lembua zola mpangi ani yi keti mona ka lendi lenda zola Nzambi yi keti lembua mona ko. ²¹ Tala yayi i ntumunu tua vewa kua yani i yayi "wonso wu zolanga Nzambi, bindamene mu zola mpe mpangi ani.