¹ Muntu wa wonsono wu lekelanga minu vo yisu mvulzi, yani wa wutua kua Nzambi. Ye wonso wu zolanga se wu wuzolanga mpe muana wa wutuka mu yani. ² Mu diambu diodio, tezeyi vo tuzolanga bana ba Nzambi bu tuzolanga Nzambi ye sadila nsikudusu zandi. ³ Kadi tala zola kua nzmbi: vo yeto tua lunda nsikudusu zandi, kadi zawu zena na yaki yaki. ⁴ Kadi wonso wa wutua kua Nzambi wu nunganga nza, ye tala ndungunu eto mu nza yi minu kieto. ⁵ Nani ndioyo wa nunga nza? Yi ndioyo wa kuikila vo Yisu i muana nzambi. ⁶ Tala ndioyo wa yiza ye maza ye menga: I Yisu Klisto. Kayiza kaka ye maza ko, kansi maza ye menga. ⁷ Kadi biena bi tatu bi tanga kimbangi: ⁸ Mpeve, maza ye menga. Biawu bia tatu biena kintuadi. ⁹ Vo tu tambulanga bimbangi bia bantu, kimbangi kia Nzambi kilutidi mu nene. Kadi kimbangi kia Nzambi, wa ta kimbangi mu muana ani. ¹⁰ Ye wonso wu lekilanga Yisu minu, wena ye kimbangi kia kedika kia Nzambi, ye wonso wu lembua ku nlekilanga minu wasa vo i muivi. kadi ka kuikila kimbangi kiani ko ¹¹ Ye tala kimbangi kiokio i kiaki, Nzambi watu vana moyo wa mvu ya mvu, ye moyo wowo wena mu muana ani. ¹² Wonso wena Yisu wena moyo, kondolo yisu kondolo moyo. ¹³ Nginu sonekene mama mpasi nua zaya vo nuena moyo, beno lua lekila Yisu minu. ¹⁴ Mu diodio tala vuvu kiena yeto mu yandi, vo tu lombanga lekua muluzolo kuani yani wu kutu wilanga, ¹⁵ Diaka vo tu zeyi wu kutu wilanga kionso kitulombele yani wukutu vananga kio. ¹⁶ Vo muntu muene mpangi andi volele sumu di kondolo dia mfuila, ka nsambidila, ye Nzambi yani kibeni si ka nkuvana moyo, ngieti vovila kua sumu diodio di kondolo dia mfuilu vena ye diodio dia mfuilu, kadiako nu veti sambidila. ¹⁷ Kondua kua bunsongi kuako, i disumu kansi, vena ye ma sumu ema kama natanga kulufua ko. ¹⁸ Tu zeyi vo muntu wa wonsono wa butua kua Nzambi ka volanga masumu ko, ye wu ku kimonanga wa vuluzua, ye Satana kena lendo mu yani ko. ¹⁹ Tu zeyi vo beto tu vuilu kua Nzambe ye nza ya yonsono yi vuilu kua nkua wampi. ²⁰ Tu zeyi vo muana Nzambi wa yiza ye watu vana nzayilu mu zaya nani wena mu kedika, yi wowo tuena mu yani wena kwdika, mu Yisu Klisto muana ani i yani Nzambi ya kedika ye moyo wa mvu ya mvu. ²¹ Lu bana bame, nu keba mu nsambudulu za biteke.