¹ Tala wowo wena zola kua se kukatuvana, kadi tuayikua ana a Nzambi, ye yi tuena! mu diodio nza ka yituzeyi ko, diambu nza kaya zaya se ko. ² Nu a kianzolua tuena tuka wawu ana a Nzambi ye wutuena kala ka wazayakeneti ko. Tuzeyi vo mu ntangua Klisto kana monika, tuna kala wonso wu kena ye tuna kumona wonso wu kena. ³ Ye wonso wena yw vuvu kiokio kia ngizulu ani uyivedese wonso yani kibeni wena wa vedila. ⁴ Ndiona tatamene vola nasumu kolamene mu nsiku kadi masumu yi nkolomono a nsiku. ⁵ Nu zeyi vo Klisto wa monika mu vunzuna masumu meto ye moyani ka muena masumu ko. ⁶ Wonso wu sikilanga mu yani kalendi tatamana mu vola masumu ko. Wonso weti tatamana vola masumu kakumuenieti ko ye ka nzeyi ko. ⁷ Ana ame kanu zimbusuani kua muntu ko. Ndioyo wu sadilanga lunungu wena wa nunga. Wonso Klisto wena lunungu. ⁸ Ndioyo wu sadilanga masumu yi wa nkadi ampemba, kadi nkadi ampemba wa yantika vola masumu muna mbadukulu. Mu diodio muna Nzambi wa zayikusua mu kuizi tulula mavanga ma nkadi ampemba ⁹ Wonso wa semua kua Nzambi ka volanga masumu ko, kadi nkuna a Nzambi yena mu yani . Kalendi tatamana vola masumu ko, kadi wa wutua kua Nzambi. ¹⁰ Mu diodio ana a Nzambi ye a nkadi ampemba a zayakananga. Wonso wu lembua sadilanga lunungu kena wa Nzambi ko, dedakene ye ndioyo wu lembua zolanga mpangi ani ¹¹ Kadi tala nsamu wunua wa tuka muna mbadukulu: vo tfueti zolasana yeto ye yeto. ¹² ka wonso kayini wakala wa Nkadi ampemba ye wa vonda mpangi ani ye bila nki kamvondila? Kadi mavanga mani mambi, ye ma mpangi ani makala ma lunungu . ¹³ Kanu yitukuani ko nu zimpangi vo nza yinu belele. ¹⁴ Tuzeyi vo tua vioka tuka ku lufua nate ye ku moyo, kadi tuzolanga zi mpangi. Ndiona kondolo zola mu yani sikilanga mu lufua. ¹⁵ Wonso wu belanga mpangi ani yi mvondi. ye nuzeyi vo moyo a mvu a mvu ka wu sikilanga mu mvondi ko. ¹⁶ Tuazaya zola kadi Klisto wa vana moyo ani mu yeto; yeto mpe, tu fueti vana moyo eto mu diambu dia zi mpangi. ¹⁷ Kua ndioyo wena ye mvuilu mu nza, ye weti mona mpangi ani wena mu mpuila, wunkangidi ntima, we zola kua Nzambi kulenda sikila mu yani? ¹⁸ Ana ame a nzolua katuzodilani mu mpova za ntandu a ludimi ko. Kansi mu mavanga ye mu kedika. ¹⁹ Mu wowo tuna zayila vo tuena mu kedika, ye tuna siamisa mintima mieto va ntadisi ani. ²⁰ Kadi vo ntima mieto mieti kutu fundisa, Nzambi lutidi ntima mieto mu nene ye zeyi mamosono. ²¹ Mpangi zame za nzolua vo ntima mieto ka mieti kukifundisa ko wana tuena ye vuvu kia sikalala mu Nzambi. ²² Ye kionso kituna lomba tuna kio tambula kua yani, kadi tulundanga nsikudusu zani ye vanga ma kamona nga mambote ²³ Ye yayi nsikudusu ani vo tua kuikila mu nkumbu a muana ani Yisu Klisti, ye vo tueti zolasana wonso wu katu zodila yani kibeni. ²⁴ Wonso wu lundanga zi nsikudusu za Nzambi sikilanga mu yani ye Nzambi mpe wena muyani. Ye mu diadi, tuzeyi vo usikilanga mu yeto mu mpeve yi kakutu vana.