¹ Muntangu Yesu kamona bibuka bi bantu, wu manta kuna zulu mongu. wu vonda, minlonguki miani miyisa ku yani. ² Yani wuzibula nuani ye wu balonga wu goga : ³ " Mayangi mena ku ba putu mu kipefi kadi kimfumu ki mazulu kiena ku bawu. ⁴ Mayangi mena ku ba ta dila, kadi bawu si babombua. ⁵ Mayangi mena ye ba nlembani, kadi bawu si bayingila ntotu. ⁶ Mayangi ena ku ba bena ye nsantu lunungu, kadi bawu si ba yukutusua. ⁷ Matangi mena ku ba bafuilanga nkenda, kadi bawu si bamona Nzambi. ⁸ Mayangi mena ku nkua ntima mimboti, kadi bawu si ba fuilua nkenda. ⁹ Mayangi mena ku ba basonganga luvuvamu, kadi bawu siba bokulua bana ba Nzambi. ¹⁰ Mayangi mena ku bawu beti kuamusua mu diambu di lunungu, kadi kimfumu ki mazulu kiena ki bawu. ¹¹ Lukala ye mayangi, go bantu bata ku lufinga ye ba ta ku lu kuamisa, kani ba ta ta mambu mambi mu benu muluvunu u diambu di monu. ¹² Lukala ye biesi ye lu yangalala, kadi nsendu enu wena wu neni mu mazulu. Kadi y mu diambu dina bantu bakuamisina mimbikudi mi mizinga ku ntuala benu. ¹³ Benu yi mungua ntotu; kqnsi go mungua wu katukidi nzensu qni,bueyi si ka bakudila go? Kawusidi diaka mfunu mu bima ku, go ba mukugeta go ku nzila ku mpasi bntu ba diata go. ¹⁴ Benu luena ntemu nza. Mbanza yintungama gana mongu ka yilendi suama ku. ¹⁵ Yi buna diaka keti bantu ba kuikanga muinda mpasi batula go ku nsi kitunga ? Munkala, bawu batunlanga go ga ntangu mpasi gugana ntemu ku bakulu bena mu kati ki nza. ¹⁶ Yi dina, bika ntemu enu wu lema ga ntuala bantu mpasi bawu ba ona mavanga menu mamboti ye bazitisa se dieni wena mu mazulu. ¹⁷ Ka luyindula ku nde monu si yisi katula kani ba mbikudi; mono kisidi mu ku katula ku, kansi mu kulungisa mio. ¹⁸ Mukiedika, monu yi luteledi, kani ntangu zulu ye ntotu bikala, ka kisonu kimosi ko kani kidimbu ki fioti kilendi katuka u nsiku, ye mana nate ye kuna ndungusulu yi mambu makulu. ¹⁹ Yidina yuna si wu bulula kani fi nsiku ye longedi ku bankaka basala bonsu buna, yani si kakala fi muana mu kimfumu ki mazulu. Kansi yuna si wusadila mio ye longedi mio ku bankaka basala bonsu yani, yani si kakala wu neni mu kimfumu ki mazulu. ²⁰ Monu yi tomeni ku lutela, go lunungu luenu ka lulutidi lu bansoniki ye lu ba falisi ku, benu kalulendi nkutu kota mu kimfumu ki mazulu ku. ²¹ Benu luwa bu bata nde bina bitangu nkulu : " Kulendi gonda ku", ye : " Yonsu yuna gondeli muntu nkaka neti kikuma kimfundusu." ²² Kansi monu ntedi ku benu yonsu muntu sidi ngansi ku mpangi ani neti kikuma ki mfundusu; ye yuna tedi ku mpangi ani : " Nge Zoba." yani ta zola bafundusua ku ba mpala zimpu. Ye yuna tedi : " Nge kizengi", neti tiya bilungi. ²³ Kumosi, go ngeyi geni nkayilu ku ziku ye bambukidi mbundu nde wena ye diambu ye ngeyi, ²⁴ sisa nkayilu aku ga ntuala ziku, nda wenda luwisana nteti ye mpangi aku, kunima, zawisa ye gana nakayilu aku. ²⁵ Wawana nteti musualu ye mfundi aku, muntangu wena mu nzila mu kuenda ku mfundu; go nkatu fundi aku si kakutula ga moku ma mfundisi si ka ku gana ku pudisi ye si bakutuba mu boluku. ²⁶ Mu kiedika, monu yi kuluteledi ngeyi si wu kutuka ku muna kondu ku futa mbongu zina zi nsuka fueti futa. ²⁷ Benu luwa bubata, " Kubaka nkentu ngani ku." ²⁸ Kansi monu yi luteledi yonsu muntu tadidi muana nkentu mu kuzola, yani neti disumu mu ntimani. ²⁹ Ye go disu diaku dieti kutuasa ku mbuilu, katula dio ye geta dio ku ntama ye ngeyi; kadi diena di mboti kungeyi, nde ndambu nitu aku yi bola kansi ka buaku nde nitu aku yakulu batula yo ku bilungi. ³⁰ Ye go koku kuaku kukitata kueti kutuasa ku mbuilu, zenga lo ye geta lo kuntama ye ngeyi; kadi buena bu mboti ku ngeyi nde ndambu nity aku yibola kansi ka buaku nde nitu aku yakulu batuba yo ku bilungi. ³¹ Digoguka diaka nde : " Yonsu muntu katuedi nkentu ani ku longu kafueti ku gana nkanda mfuilu longu." ³² Kansi monu yi luteledi yonsu untu gondedi longu ye nkentu ani go ka mu diambu di kindumba ku, yani wu natisi masumu; ye yonsu muntu kueledi nkentu yoyu kunia mfuilu longu yani diaka neti masumu. ³³ Diaka, benu luwa kua bakulu benu : " Kalu ta kimbangi ki luvunu ku kansi lunata bimbangi bienu ku Mfumu." ³⁴ Bubu, ku dia ndefi kuzulu ku kadi zulu yi kiandu ki Nzambi." ³⁵ Kani ga ntotu kadi ntotu yi ntululu malu ma Nzambi, kani ku Yelusalemi kadi yi mbansa yi Ntinu wu ngolu. ³⁶ Kudia ndefi mu ntu aku ku, kadi bebu kakuena bafuana ku mukukitula lusuki mpembi kani ndombi lusiki lumosi. ³⁷ Mu ntangu benu luta goga, bika gogu mienu mikala mi lunungu " Yinga dikala Yinga ", kani nde " Nkatu, dikala Nkatu " Biakulu bina bita yikama bitukidi ku nkua mambi. ³⁸ Benu luwa bu bata nde : " Disu mu disu ye dinu mu dinu ". ³⁹ Kansi monu yi luteledi, ka lukakidilani muntu wena wu mbi ku; yonsu muntu wu kugeni mbata mu bundi di kitata, lubalula diaka bundi dinkaka kuyani. ⁴⁰ Ye go untu zoledi ku sosila mabu mpasi ka baka nzaka aku, wu yambudila diaka biyunga kiaku mpasi ka baka kio. ⁴¹ Yonsu muntu wu kutuini mu kusala funda di mosi di metelu, sala mafunda modi ye yani. ⁴² Gana ku yuna wu kulombedi, ye kutuna ku udefisa yuna zoledi defa ku ngeye. ⁴³ Benu luwa bu ba goga : " Ngeye si wu zola mfilangani aku ye si wu tuna ntantu aku." ⁴⁴ Kansi monu yi luteledi : " Luzola ba tantu benu ye lusambila mu diambu di bawu ba kulukwamisanga, ma mboti bifuanusu binkulu luyambula : " Lu sakumuna ba kulusinganga. Lusala mamboti ku bana ba kulutunanga." ⁴⁵ Buna benu si lukuma ba se dienu wena mu mazulu. Kadi yani wu selumunanga ntangu ku ba mbi ye ku ba mboti, ye yani wu filanga mvula ku ba lunungu ye ku ba kondolu lunungu. ⁴⁶ Kadi go benu luzolele kaka bana ba kuluzolanga, nki nsendu lulendi baka mu mana? Kadi mimfuti mpaku diaka buna ba sanga. Benu lufueti sala kulutila bawu. ⁴⁷ Ye go benu luta gana, kaka mboti ku bampangi benu, nki kima ki boti lutasala benu bonsu bankaka? Kadi kani bapakanu diaka buna basalanga. ⁴⁸ Yidina lufueti kala balunga benu, bonsu buenina se dienu kia mazulu wena wu lunga.