¹ Buna Yesu wu natua kuna nsi yinkatu ku Mpefi mu ku nsa nde ka tontua ku satana. ² Kunima bukamisa mu kuina nsoki bilumbu makua ya ye mpimpa makuma ya, yani wumona nsatu. ³ Mvukumuni wu finama ye wu samuna : " Ngo ngeyi wena muana Nzambi, tuma matadi momu makituka dimpa." ⁴ Kansi Yesu wungana mvutu ye wu ntela : " Buena busonama, " Muntu kalendi singila kaka mu mampa ku, kansi mu gogo miakulu mi mitukanga mu nua Nzambi." ⁵ Buna satana wu nata kuna mbansa yi nlongu ye wutula gana fulu kizanguka beni. ⁶ Ye wu ntela : " Go ngeyi i muana Nzambi, wu kituba buna ntotu, kadi busonama : " Yani si katuma mbasi zani bakeba ngeyi" ye " Bawu si baku nata mu moku mawu mu sa nde kulu kuaku ka ku tatana mu tadi ku." ⁷ Kansi Yesu wu gana mvutu : " bu sonama diaka : " ngeyi kulendi tonta Mfuu Nzambi a ku ku. " ⁸ satana wu nata diaka kuna fulu kizanguka ye wu nsonga bi mfumu biakulu bi nza ye nkembu miani makulu. ⁹ Gana wuteledi : " Monu si yikugana bima biobi biakulu go ngeyi wumfukameni ye wu nsambididi." ¹⁰ Buna Yesu wu ntela : " Vatuka, satana ! Kadi busonama : " Ngeyi si wu fukamena Mfumu Nzambi aku ye yani kaka yani mosi fueti sadila." ¹¹ Buna satana wusisa ye, tala, ba mbasi bayisa ye ba gana madia. ¹² Mu ntangu Yesu ka wa nde bakengi Yowani, yani wu katuka ku Ngalili. ¹³ Yani wu sisa Nazeleti ye wu yenda zingila kuna kapernawumi gata diena ku ndambu mbu wu Ngalili ku Zebuluni ye Nafatali. ¹⁴ Momu makuma mpasi mambu mata bikudi Yesaya malungana ya ni wu ta : ¹⁵ " Ntotu mi Zebuluni ye i Nafatali, ku ndambu mbu, kuna simu Yolodani, Galili yi nsi yi bapaganu. ¹⁶ Nkangu wu wuvuanda mu pimpa wu mona ntemu mosi wuneni; ye ba bakala ku ndabu ye mu mpimpa yi lufua, ntemu mosi wu telama." ¹⁷ Tuka muna ntangu yina, Yesu wu yantika mu kulonga ye wu ta : " Luvilula madiela benu; kadi kimfumu ki mazulu kikumini lufuki." ¹⁸ Bukesi bue lutanga mu mbela mbu wu Ngalili, yani wu mona ba mpangi bodi, Simoni yu babokilendingi Petelu ye Andedi mpangi ani bawu bakesi tubanga koti mu mbu; kadi bakala mi ntambi mi mbisi. ¹⁹ Yesu wu ba teledi : " Luisa, lundanda ye monu si yi lukitula mintambi i bantu." ²⁰ Muna ntangu yina kaka, bawu basisa makondi mawu ye ba nlanda. ²¹ Mu ntangu Yesu kasi kuendanga kaka, wumonaba mpangi bodi ba nkanka, Yakobi, muana Zebedayi, ye Yowane mpangi ani. Bawu bakala mu buatu ye Zebedayi se diawu; bakesi yidikanga makondi mawu. Yani wu ba bokila. ²² Ye muna ntangu yina, bawu ba sisa masuwa ye se diawu ye ba nlanda. ²³ Yesu wu lenga mu Ngalili yakulu, wu longa munzo zawu zi tukutakanu, wu samuna nsamu mboti wu kimfumu ki azulu ye wu belusa bimbefu biakulu ye maladi ma bukoka ku bantu. ²⁴ Nsangu zani zi muangana mu nsi Siliya diakulu ye bantu ba kesi natanga bakulu bakala ye bimbefu ku yani, bu bakuamusua ku bimbefu bi mpila mu mpila ye bakala ye pefi zi mbi, bakesi buanga ngambu ye makoka; ye Yesu wu ba belusa. ²⁵ Bibuka bimbidi ba nlanda tuka ku Ngalili, ku Dekapoti, ku Yelusalemi, ku yuda ye kuna simu di Yoludani.