¹ Muna bilumbu bina, Yowani Mbotiki wu luaka mu kusamuna mu nsi nkatu yi Yuda mu goga. ² " Luviluka benu, kadi ki mfumu ki mazulu ki kumini lukufi." ³ Kadi, lutala yu bagoyila mbikudi Yesaya, bu ta : "Ndinga yi yani wu kayanga mu nsi nkatu : Luyidika nzila Mfumu, lusungika nzila zani." ⁴ Tala, Yowani wu kesi vuatanga ki yanga kimika mi kamela ye nsinga nkanda mu luketu luani. Madia mani makonku ye buiki ku mfinda. ⁵ Buna Yelusalemi, Yuda dia kulu ye ndambu wakulu wu nsadi Yoludani bayenda kuna kukala yani. ⁶ Bawu ba botukua kuyani mu nzadi Yoludani, bakesi fungunanga masumu mawu. ⁷ Kansi mu ntangu bamona ba falisiba mbidi ye basaduki bayisidingi ku yani mpasi babotama, yani wu batela : "Benu yi nkuna wu ba nioka zi ngansi, nani wu luteledi lu tina ngansi zi zeti kuisa?" ⁸ Lubutu mbutu mi fuanakeni mu mpilukulu yi madiela . ⁹ Ye kaluyindulako mu ku goga benu kibeni : "Betu tuena ye Abalayami bonsu se." Kadi monu yi kulu teledi Nzambi wena ye lulendu mu kufulukisa mu Abalayami bana bena kani mu matadi momu. ¹⁰ Bubu kiubi kitululu ga miansi inti. Buna konsu nti wuna kani wubuta mbutu mi mboti ku si wu zengua ye tubua ku tiya. ¹¹ Monu yi ta kulubotika mu masa mu mpilukulu yi madiela. Kansi yu ta kuisa ku nima monu lutidi monu mu lulendu. Ye monu kiena nkutu wu fuanaku mu vuata nsampatu zani. Yani si kakulubotika mu Mpefi Nlongu ye mu tiya. ¹² Kipepelolu kiani kiena ga koku kuani kikubama mu kutoma sukula kibeni fulu kiani ye mu kukuta bina kakuna mu ku lunda bio mu kilundulu. Kansi yani si kayoka masinda mu tiya tu katulendi zima ku. ¹³ Kuni Yesu wu tuka ku Ngalili ye wu kuma ku nsadi Yolodani mpasi ka botukua ku Yowani. ¹⁴ Kansi Yowani wu tesa muku nkakidila, mu ku goga : "Monu ngiena ye mfunu mu kubotukua ku ngeyi, ye ngeyi ta buisa kue monu ?" ¹⁵ Yesu wu geni mvutu ye tedi : "Yambula makala buna bubu, kadi buena bulunga muku fuanisalunungu luakulu." Buna Yowani wu gana luve. ¹⁶ Kunima bu kabotukua, Yesu wu katuka muna ntangu yina mu masa, ye tala mazulu ma zibuka ku yani. Yani, wu mona mpefi Nzambi yi kulumuka bonso yembi ye divondaga yani. ¹⁷ Tala, ndinga mosi yi tuka mu mazulu yi goga : " Tala muana ami wu zolakana. Yani ta songa kiesi kiamu kiakulu."