¹ Kunima mbutukulu Yesu ku Betelemi di Yuda mu bilumbu bi ntinu Elodi, ba nduenga batuka ku ndambu Esiti ba kuma ku Yelusalemi ye ba goga: ² " Kueyi kuena yu butukidi, mfumu ba yuda? Betu tuemi miesi ani ku ndambu Esiti ye tuesidi mu kunsambidila. ³ " Mu ntangu ntinu Elodi kawa mana, yani wu vinsuka ntima, ye Yelusa ⁴ Elodi wu kutakasa ba ngudi zi nganga bakulu ye basoniki ba nkangu ye wu bayufula : " Kikuma Klistu si ka butukila?" ⁵ Bawu basamuna ku yani : "kuna Betelemi di Yuda, kadi tala ma masonama ku ngunsa : ⁶ " Ngeyi Betelemi, wena mu nsi Yuda, buena wu nduelu ku ga kati ki miyadi mi Yuda, kadi ;mu ngeyi si mutuka yadi si wu vungulanga bantu bamu mu Yelusalemi." ⁷ Kunima Elodi mu kinsueki wu bokila ba nduenga mu bu bayufula keti mu nki ntangu kibeni miesi wu monekeningi. ⁸ Yani wa bafidisa ku Betelemi wu ta : " Luenda ye lutoma sosa fi muana. Mu ntangu si lumona, lunzayisa munu diaka mpasi monu mpi ndenda kuenda ye ku nsambidila." ⁹ Kunima bu ba wa ntinu, bu batatamana nzila awu ye miesi wu bamona ku Esiti wu luta ku ntuala bawu nate wawu ye telema kuzulu kifulu ki ki vana fi muana. ¹⁰ Muntangu bawu bamona kifulu, bawu bafuluka ye kiesi ki mbidi. ¹¹ Bakota mu nzo ye ba mona fi muana ye Madiya ngudi ani. Bawu bafukama e ba nsambidila. Bawu bazibula bimvuama biawu ye bagana minkayilu mikala mi wola, libanu, ye mile. ¹² Nzambi u baluengisa mu ndosi mpasi ka vutuka kuena Elodi ku; yi u diambu dina ba vutukila ku nsi awu mu nzila nkaka. ¹³ Kunima bu bayenda, mbasi Mfuu yi monika ku Yosefi mundisi ye yita: " Telama, baka fi muana ye ngudi ani, ye lulemuka kuna Ngipiti. Lukala kuna nate ye kuna si yiku zayisa kadi Elodi si kusosa fi muana mpasi ka gonda." ¹⁴ Muna mpimpa yina, Yosefi wu telema ye wu baka fi muana ye ngudi ani ye bayenda ku Ngipiti. ¹⁵ Bakala kuna na te ye kuna kufuila Elodi. Momu malungana mu ma ka ta Mfumu mu nua mimbikudi : " Ku Ngipiti monu yi bokila muana amu." ¹⁶ Kunima, Elodi wu fila makesa ye gondisa bana bakala bakulu ba mvula zodi ye bakala ku nsi mvula zodi baka la ku Betelemi ye mu ndambu wakulu, landila bu bukadila ntangu yi batoma yufula ba nduenga. ¹⁷ Buna mambu masamuna ngunza Yelemi malungana. ¹⁸ "Tu wa ndinga ku Lama, bidilu ye bi niongu Lakedi wu dila mu diambu di bana bani, ye kazola nkutu bofuaku kadi kabakala diaka ku." ¹⁹ Mu ntangu Elodi kafua, tala basi Mfuu yi monika mu ndosi ku Yosefi kuna Ngipiti ye yi goga : ²⁰ " Telema ye baka muana ye ngudi ani ye wenda kuna nsi yi Yelusalemi kadi ba bakesi sosanga luzingu lu muana ba fuidi." ²¹ Yosefi wutelama, wubaka muana ye ngudi ani ye bayenda ku nsi Yelusalemi. ²² Kansi mu ntangu ba wa nde Alabelayo wu yala ga fulu ki se diani Elodi, yani wu mona bunkuta mu kuenda. Ku nima mu ntangu Nzambi ka songa mu ndosi, yani wu yenda ku ndambu nsi Ngalili. ²³ Ye wu yenda ye wu vonda kuna mbansa ba bokilanga Nazaleti. Momu malungisa mambu ma goga mbikudi, landila yani si bambokilanga muisi Nazaleti.