¹ Lukikeba mu nkala zenu zi lunungu ga ntuala bantu mpasi balumona , go ka buaku busi kubaka nsendulu kuse diaku wena mu mazulu. ² Yi dina go ta gana minkayilu, kusika mpungi ku ga ntuala ngeyi, bonsi busanga ba nkua mesu kunsi lukaya mu nzo zi tukutakanu ye mu zi nzila mpasi bankembisa ku bantu. Mu kedika, munu yi kuteledi bawu bakibakila nsendu awu. ³ Mu diambu di benu, mu ntangu luzoledi gana minkayilu, bika koko kuaku ku kinkentu ka kuzayaku mambu ka ta sala koku ku kitata, ⁴ mu sa nde nkayilu aku u kala mu kinsueki. Se diaku yu takutala mu kinsueki si kakubansila. ⁵ Ye mu ntangu lu tasambila, kalu ba ku bonsu ba nkua mesu ku nsi lukaya, kadi bawu bazolanga sambila ba telama mu nzo zi tukutakanu ye mu pambu nzila, mpasi ba bamona ku bantu. Mu kiedika, monu yi luteledi, bawu bakibakila kala nsendu awu. ⁶ Kansi benu, mu ntangu luta sambila, lukota kuna suku dienu, lukanga kielu kienu,ye lusambila se dienu wena u bifulu ki suekama, buna se dienu wu monanga mu binsueki si kubansila. ⁷ Yi mu ntangu lutasambila, ka luvutukila gogu mi mbampa ku bonso bu salanga ba pakanu, kadi bawu ba kibansilanga nde si ba bawila mu ku goga bu mbidi. ⁸ Mu diambu dina, ka lufuanakana ye bawu ku, kadi se dienu zeyi nastu zenu tekila benu lu nlomba. ⁹ Yidina lusambila bonu ebu : " Se dietu wena mu mazulu, bika nkumbu aku yi zitusua. ¹⁰ Bika kimfumu kiaku kisa. Bika luzolo luaka lu salama ga ntotu bonso kuzulu. ¹¹ Wu tugana wunu madia metu ma umbu ka lumbu. ¹² Wu tu lefukila masumu metu, bonsu betu tu lemfukilanga diaka bawu bakutusalanga ma mbi. ¹³ Kutu tu nata ku mpukumununu ku, kansi wutu tanina mu ma mbi." Kadi ku ngeyi kuena, luyalu, lulendu ye nkembu wu bilumbu biakulu, Amen. ¹⁴ Kadi go benu ka lulemfokedi bantu mu mambi mawu, se dienu di ki mazulu si ka lu lemfukila diaka. ¹⁵ Kadi go benu ka lulemfukidi mambi mawu ku, se dienu diaka si kalulemfykila mambi menu ku. ¹⁶ Ye diaka mu ntangu luta mina nsoki, ka lu kala ye bidimbu bi kiadi ku bonsu busalanga bankua disu ku nsi lukaya, bawu basobanga bifu biawu mpasi bantu ba bamona nde bawu ba ta mina nski. Mu kiedika, monu ye luteledi, bawu bakibakidi mfutu awu. ¹⁷ Kansi benu, mu ntangu lu ta mina nsoki, lukusa ntu mienu mafuta ye lusukula bifu bienu, ¹⁸ mpasi benu kalusonga ku ku bantu bde nsoki lu ta mina kansi ku se dienu wena gana u kinsueki ye se dienu, ta kulumona mu kinsueki, si ka lubansila. ¹⁹ Ka lu kifulukisani kimvuama ga ga ntotu bu kadi insiolu et nkazu nkasu si bigonda bio, kani miyibi balendi kota ye yiba. ²⁰ Kansi lu kifulukisila kimvuama mu zulu kuna kani munsiolu kani nkasu nkasu kalendi bio fuasa ku ye kuna miyibi ka balendi kota kuye yiba. ²¹ Kadi kuna kuena kimvuama kiaku kuna mpi kufueti kala ntima aku. ²² Disu yi muinda ntima. Yi dina go disu diena di mboti, nitu yakulu yi tebedi ye kia. ²³ Kansi go disu di mbi buna nitu ya kulu yi tebedi mu mpimpa! Mu dina, go ntemu wu wena mu ngeye wena kibeni mpimpa, bueyi buenina kibeni mpipa yina? ²⁴ Ka muntu ku lendi sadila Mfumu zodi, kadi si kavuesa yu mosi ye zola yu wu nkaka, go nkatu, si ka tumamana ku yu mosi ye kalama ku yu wu nkaka. Benu kalulendi sadila Nzambi kiosi ye kimvuama ku. ²⁵ Ye dina monu yi luteledi, ka lukala ye bunkuta mu diambu di luzingu luenu ku, kani mu bi lufueti dia kani mu bi lufueti nua (kani mu diambu zi nitu zenu, mu bi lufueti vuata). Kadi keti luzingu ka lulutidi ma dia kue, ye nitu kayilutidi bi nkutu kue? ²⁶ Lutala nuni zi zulu! Bawu kabakuna ku ye ka ba yonsi ka ku, ye ka balundanga madia mawu mu bitunga ku, kansi se dienu di mazulu wu ku ba dikilanga. Keti benu ka lulutidi mfunu ku mu bawu? ²⁷ Nani mu benu bu kata yindula lendi yika kani ndambu nlembu mu luzingu luani? ²⁸ Buna mu nki diambu luenina ye ngindu mu diambu di mmvuatu? Luyindula buneni bu masodi, bueyi mameninanga; biawu ka bisala ku, ka bitunganga mvuatu ku. ²⁹ Kansi monu ye luteledi nde kani nkutu Salomoni mu nkembu ani wakulu kakesi vuatanga bonsi yumosi mu bawu ku. ³⁰ Go Nzambi wu vikanga masinda mama masodi mena wunu gana ye mbasi si batuba mo ku tiya, buna bueyi si kala ku vikila ku yani? Benu, bantu luena ye fi minu? ³¹ Yi dina ka lukala ye ngindu ku mu ku goga : " Nki tu dia betu? "kani, "nki tu nua betu ?" Kani, "nki tu vuata betu?" ³² Bia bidi ba kapanu ba sosanga biawu; se dienu di ma zulu zeyi nsatu zenu za kulu. ³³ Lusosa nteti kimfumu biani ye lunungu luani; ye bima biakulu bisidi benu si ba lugana bio. ³⁴ Kalukala ye ngindu mu lumbuki mbasi ku, kadi mbasi si yikiyindula yawu mosi. Kansi bilumbu kifuaneni ye mpasi zani.