¹ Aliko Saulo, agendekeza okurher'obuba n'okuyirha abagiriza ba Nahano, aj'emw'omudahwa mukulu, ² ahun'amaruba g'okuja omu chishagala ch'e Damasiki, mpw'akabona abali mw'eyo njira, kaba balume, akaba bakazi, abalerhe bashwekerwe e Yerusalemu. ³ Abere ali omu njira, amayegera hofi n'e Damasiki, honaho akamole kamu molekera kurheng'enyanya. ⁴ Akumbagala ahashi, ayunv'omulenge gwamubwira: Saulo, Saulo, chakarhuma wandibuza? ⁵ Ashuza mpu: wende, Nahano? Nahano aderha: Nyono nye Yesu oli walibuza. Kulikuzibu emwawe okuchishurh'emishaki omu magulu. ⁶ Adirhimana, n'okusomerwa, aderha: Nahano, gurh'olonzeze njirage? Nahano amubwira; yumang'oje omu chizungu, wabwirwa eby'oshinganene okujira. ⁷ Abantu bali njira nguma naye bayimanga bwisirire, bayunv'omulenge na ntakubon'omuntu oliwaderha. ⁸ Saulo azuka akudaho, amesho gage gabere gazibula, arhabonaga chintu; bamufarh'okuboko, bamuhek'e Damasiki. ⁹ Aba mpumi siku esharhu, arhalyaga, na ntakunywa. ¹⁰ E Damasiki yaliri mwigirizwa muguma ezino lyage ye Anania. Nyamuzinda amubonekera omubilorho amubwira: Anania aderha nyono hano, Nahano. ¹¹ Nahano amubwira: yimanga ogend'omu njira ehamagalwa Nyoloka, oshond'omu nyumpa ya Yuda omuntu ohamagalwa Saulo, muntu w'e Tarso; ¹² bulala yahuna, anabonekerwe omu bilorho, eli muntu muguma ohamagalwa Anania, agwerh'amulambulira kw'amaboko, mpu yabona. Anania ashuza mpu: ¹³ Nahano, nayunvirhire oku bantu banene, amabi goshi oyumuntu ajirire abachesibwa omu Yerusalemu. ¹⁴ Nahol'agwerh'obuhashe, kurheng'oku badahwa bakulu mpw'ashweke boshi bahamagal'ezino lyawe. ¹⁵ Aliko Nahano amubwira: gendaga, bunola oy'omuntu chili chikoleso chani nalondwere, ahenk'ezino lyani omu mashanja, omu bami, n'embere z'abana b'e Israeli; ¹⁶ Nanjinamuyereka byoshi n'okunjalibuzwa enyanya w'ezino lyani. ¹⁷ Anania agenda, abere ager'omu nyumpa alambulira Saulo kw'amaboko, aderha: Saulo mwene werhu, Nahano Yesu wakubonekerag'omu njira wayinj'ago, akuntumireko mpu y'obona n'oku yunjula Muka Ochere. ¹⁸ Honaho, ebili nka magamba byarheng'omu mesho gage, abona. Ayumuka, adubikwa; ¹⁹ amalire kulya, emisi yamugalukira. Saulo abera haguma n'abigizwa baliri omu Damasiki. ²⁰ Honano arhondera akuyigiriza omu bishagala oku Yesu y'e Mwana Nyamuzinda. ²¹ Abayunvaga boshi basomerwa, n'okuderha mpu karhali yiwarhindibuzag'abalemaga bahuna mwelizino omu yerusalemu, aj'enolamunda kushwekabo kubaheker'abajinji n'abadahwa? ²² Saulo akomera, alema ayigiriza Abayahudi b'e Damasiki n'oku bayereka oku Yesu ye Kristu. ²³ Hagerere siku zirhali zigeke, abayahudi bamujir'endagane y'okumuyirha, ²⁴ eyondagane bajaga Saulo ayimenya. Bakazilyam'oku nyunvi ezuba n'obudufu mpu bamuyirhe. ²⁵ Lero budufu buguma, abagirizwa bamurhola bamuyandagaza omu chirimbi, omu changwo. ²⁶ Agerere e yerusalema alonz'okuja omu bigirizwa nabo boshi bamuyubaha, bulala barhayemeraga oku naye ali mwigirizwa. ²⁷ Lero Barnaba omurhola, amuheker'entumwa abashambalira gurhe koshi abonaga Nahano omu njira, n'okw'ashambere naye, n'okwahanulag'Omwazi gwa Nyamuzinda buzira buba omu Damasiki omu zino lya Yesu. ²⁸ Bagenda n'okugaluka haguma nabo omu Yerusalema, ayigiriza buzira buba omu zino lya Nahano. ²⁹ Kandi ashambala n'okuja buhaka n'abagiriki; aliko bowe eyibali balonza okumuyirha. ³⁰ Nabene babo, babere bamenya, bamuherekez'e Kayisaria, bamurhuma achigendere e Tarso. ³¹ Eshengero lyaba omu murhula omu Yudea yoshi, e Galilaya n'e Samariya, lyayushuka n'oku genda omu buba bwa Nahano, Lyakula n'okurhabalwa na Muka Ochere. ³² Achibere Petro yalambagir'abachesibwa avayandagalira olunda lw'abalilamire omu Luda. ³³ Abona y'omuntu ohamagalwa Ayineya, aliri omu nchingo myaka munane, eyaholere. ³⁴ Petero amubwira: Ayineya, Yesu Kristu akufumizye; yumuka, orhind'enchingo yawe. Honaho ayumuka. ³⁵ Abantu boshi balilamire e Luda n'e Saroni babere bamubona, bahindamukira Nahano. ³⁶ Omubigirizwa b'e Yopa, mwali muguma ezino lyage Tabita, kukuderha Dorika, alemag'ajir'ebijiro binja n'entulo. ³⁷ Agomango alwala n'okufa. Babere bamali muyoza, bamuhir'omu busika buguma bw'enyanya. ³⁸ Bulala e Luda hali haguma n'e Yopa, n'entumwa zayunv'oku petro aliyo, bamurhuma ku bantu babiri, kumuyinginga mpw'arhalegamaga ayinj'emwerhu. ³⁹ Petero ayumuka, bagenda n'abo bantu. Abere agerayo, bajimuyereka mubula busika bw'enyanya. Abashumbakazi boshi bali mugorhere bamulakira n'okuyerekan'emyenda n'emyambalo Tabita alemag'abaha ayachili haguma nabo. ⁴⁰ Petero ahulus'abantu boshi, afukama ahuna Nina amahanga, okuhandi, ahindamukir'ogo mufu, aderha mpu Tabita, yumuka! Azibul'amesho, abwene Petro, ayikala. ⁴¹ Amuh'okuboko, amuyumusa, ahamagala abachesibwa n'abakana, abayerekaye mugumaguma. ⁴² Ebyo byamenyikan'omu Yopa yoshi, na banene bayemera Nahano. ⁴³ Petero aber'e Yopa siku zigeke, emomuntu muguma okwiz'empu ezino lyage ye Simoni.