¹ Omudahwa mukulu adosa: Eyi myazi eri y'okuli? ² Stefano aderha: Bene berhu na badarha muyunve! Nyamuzinda w'erenge abonekeraga darha Abrahamu, amango aliri omu Mezopotamiya, arhazilama e Harani; ³ Amubwira mpu: Orheng'omu chihugo chawe n'omulala gwawe, oj'omu chihugo nji nakuyereka. ⁴ Arheng'omu chihugo ch'Abakaldeyo alama omu harani, arhengamo amango eshe afaga, Nyamuzinda amubungisiza mu chino chihugo mulim'okulwazene. ⁵ Arhamuhaga kashambal'omucho,chiro na nta ntambu nguma amulagany'oku njamushobozacho achishobola chibe chage yewe n'eburha lyage eri arhanazi gwarha mwana. ⁶ Nyamuzind' amubwira ntya: okw'eburha lyage nji baba bahisi omu chihugo chabandi bantu,nabo nji baba baja babo nka myaka magana mane. ⁷ Aliko o lubaga nji lwabajira baja ,nyono nyi nyeluhane, aderhere Nyamuzinda.Aha buzinda bweyola myazi nji bayinji mparamya hano. ⁸ Amuh'echiragane chokukembulwa; Nantyo Abrahamu abere aburha Isaka, oku lusiku lwa munane amukembula. Isaka aburha Yakobo anamukembula, na Yakobo aburh'ababusi berhu ekumi na babiri. ⁹ Bashokulu bayunvira Yusufu obongwa, bamushomba, bamuguz'omu Misiri. ¹⁰ Aliko Nyamuzinda aliri haguma naye, amuyokol'omumalibuko gabo goshi amuh'obwenge n'olukogo embere za Farao, mwami w'e Misiri: amujira mukulu omu Misiri, n'enju yage yoshi. ¹¹ Hayinj'enzara omu chihugo ch'e Misiri n'e Kanana, n' amalibuko ganene,na badarha barhabonaga ebyokulya. ¹² Alikw'amango Yakobo ayunvaga oku engano ziri e Misiri arhuma bashokulu embere. ¹³ Oku lugenzi lwakabiri Yusufu achimenyesa yenyin'oku bene babo, n'ogo mulala gwabo gwayerekanwa embere za Farao. ¹⁴ Yusufu abarhuma bahamagale Yakobo eshe na bene babo boshi, bantu makumi gali mushanvu na barhano. ¹⁵ Na Yakobo ayandagala kuj'e Misiri, afa, yewe na bashokulu, ¹⁶ bahekw'e Sekemu babahamb'omwishwa ly'abafu Abrahamu agulag'omu furanga za rhengag'emwa bene Hemora omu Sekemu. ¹⁷ Akashanji Nyamuzinda alanganyaga n'oku chigasha emwa Abrahamu kabere kashonda gera, aba bantu bayushuka bwenene omu Misri. ¹⁸ Hayinj'owindi mwami orhamenyere Yusufu, ¹⁹ oyo mwami ajirir'omulala gwerhu amabi, alibuza badarha chiro abaseza mpu bakabule abana babo borhubonjo barhalamaga. ²⁰ Mwebyo bichanji Musa aburhwa, naye ali mwinj'emalangambere ga Nyamuzinda, alembwa myezi esharhu omu nyumpa y'eshe. ²¹ N'amango akabulwagwa, mwali wa Farao amurhola, amulembe nka mwana achiburhira yenyine. ²² Musa ayigirizw'obwenge boshi bw'e Misri; aba mulume odarhabere omu nderho n'omu bijiro. ²³ Agerere mu myaka makumi mane aja m'omurhima gw'okujiyokola bene babo, abana b'e Israeli. ²⁴ Abona muguma bali bamulibuza, amugwasa, achiholera kw'olala balemaga babonerera ayirh'omumisri. ²⁵ Aganiza mpu bene babo bamenya oku Nyamuzinda ayinjire kubayokola n'okuboko kwage; s'aliko bowe barhachag'ehuzihuzi. ²⁶ Buch'esezi abahulukirako bali balwa, ashond'oku bayunvikanisa kandi, omukuderha: baza we! mwabo mwebaguma, chankarhuma mwashombana mwenyine ku mwenyine? ²⁷ Alik'oyola walemag'ajir'owabo amabi, amushunika hale aderha: ndewakujiraga mukulu na muchi w'emanja enyanya zerhu? ²⁸ Okala walonz'okunyirha kulala nji wayirhag'olala mu Misiri mulegolo? ²⁹ Musa alibirh'enyanya z'ogo mwazi, abungir'omu chihugo ch'e Midiani, aburha bana babiri eyo. ³⁰ Hagerere myaka makumi mane Nahano amuhulukira omwirungu ly'entondo y'e Sinayi omu chichira ch'omurhi chili chagulumira m'omuliro. ³¹ Musa abere agubona, asomerwa, ashegereraho alola, omulenge gwa Nahano gwayinj'emwage, ³² gwaderha: Nyono Nye Nyamuzinda wa bashokulu bawe, Nyamuzinda wa Abrahamu, wa Isaka, wa Yakobo. Musa adirhimana, naye arhachibaga nkalolayo; ³³ Nahano amubwira: hogol'ebirato byawe omu magulu, bulala buno budak'oyimangireko buli buchesibwa. ³⁴ Okuli namalirebon'amalibuko g'abantu bani bali omu Misri, nayunvirh'emilenge yabo, nyandagere mbayokole. kurhenga mw'enosa nakurhum'e Misiri. ³⁵ Oyu Musa balahiraga baderha: nde wakujiraga mukulu w'okurhuchir'emanja? yi Nyamuzinda arhumaga kuba mukulu wabo na muchunguzi, haguma n'okuboko kw'ola malayika wamubonekeraga omu chichira ch'omurhi. ³⁶ Oyola yewabakula mw'echo chihugo ch'e Misri omukujira mw'ebisomerene n'ebimenyiso, n'omu nyanja ndukula, n'omu mpinga myaka makumi mane. ³⁷ Ye Musa wa bwira bene Israeli, mpu: Nahano Nyamuzinda njahir'omu kagarhi kenyu omulebi kurheng'omu mulala gwenyu, nka nyono, mumuyunve. ³⁸ Ye waliri omu Ka Nyamuzinda omu mpinga haguma na Malayika walemag'aderha naye oku ntondo y'e Sinayi, kandi haguma na bashokulu berhu ye wayakirag'emyazi y'akalamo arhuheyo rhwabo. ³⁹ Yi bashokulu barhashonder'oku kenga, bamushunika hale, n'omu mirhima yabo bagaluk'e Misiri. ⁴⁰ Babwira Haruni mpu: orhujirire bamungu yibakazi rhujir'embere: bulal'oyu Musa warhuyokolaga omu chihugo ch'e Misiri, rhurhenji kurhe bya muberere. ⁴¹ Bajir'eshushanyo y'echibuzi bagende chirherekera, bakazi yilerher'entulo, bashagalukir'emirimo y'efune zabo. ⁴² Lero Nyamuzinda abaleka mpu bagende baharamy'ebirhwe by'okunkuba nk'oku byandikirwe omu chitabu ch'abalebi mpu: kahali embagwa mwabagire eri nterekero mwa nterekere omu mpinga myaka makumi mane mwabo nju y'e Israeli? ⁴³ Nenyu mwa rhol'echiraro cha Moloki, n'enyenyezi ya nyamuzinda wenyu Rafani, eshushanyo mwajiraga muleme mwaziharamya: nani nababungisa mugende kuger'e'Babeli. ⁴⁴ Echiraro ch'obuhamiriza chaliri haguma na bashokulu omu mpinga, okw'alirhegerker'owaliri haguma na Musa, okw'arheganye bwinja bwinja mpwachijir'okushush'abonaga. ⁴⁵ Nabashokulu bachirhola bajamo haguma na Yoshuwa omu chihugo banyegaga gala mashanja Nyamuzinda alibirhagakw'embere zabo, kuger'omu siku za Daudi, ⁴⁶ owabonag'olukogo lwa Nyamuzinda, ahema ayemererwe ahe Nyamuzinda wa Yakobo enju. ⁴⁷ Aliko Solomono, amuyumbakir'enyumpa. ⁴⁸ Owenyenya arhalam'omu nyumpa yayumbakagwa n'efune, nk'oko mulebi aderhere: ⁴⁹ empingu ntebe yani y'obwami, n'echihugo hali hantu h'okuhir'amagulu gani; nju nchi mwaka nyumbakira? ⁵⁰ K'arhali kuboko kwani kwajirag'ebyo byoshi? ⁵¹ Mwe ba ntabandwako, murhakembulwagwa mirhima n'amarhwiri gayunv'esiku zoshi kurhongana na Muka Ochere: Oku bashokulu benyu bajiraga nk'oku nenyu mukulikire. ⁵² Omubalebi nde orhalibuzwaga nenyu? Bayirh'abayalagazag'okuyinja kw'owokuli, ola muzinda lenganya n'oku muyirha. ⁵³ Mwahabirw'amarhegeko na bamalahika murhanamashimbuliraga. ⁵⁴ Babere bayunv'eyo myazi, bayoswa omu mirhima yabo, bamukanira. ⁵⁵ Yewe bulal'aliyunjwire Muka Ochere, asez'amesho gage, alol'omuchanya, obon'obulangashane bwa Nyamuzinda, na Yesu ayimangir'ekulyo kwage. ⁵⁶ Aderha mpu: tala! Namabon'empingu zamachinguka, n'Omwana w'abantu ayimangire oku kuboko kw'amalyo ga Nyamuzinda. ⁵⁷ Baband'endulu, bafuk'amarhwiri gabo bamubalalirako oku liguma, ⁵⁸ bamushunik'embuga w'echihugo bamubandang'amabale. N'abahamiriza bahir'emishangi yabo oku magulu ga musole muguma, ezino lyage ye Saulo. ⁵⁹ Bashurha Stefano oku mabale, naye ahuna aderha: Nahano Yesu, yankir'omurhima gwani. ⁶⁰ Afukama, alaka oku mulenge gunene, Nahano, arhabaganjirag'echi chaha. Amalire kuderh'ogumwazi, arhenga m'omuka.