¹ Enyuma ya nsiku erhano, hahika Ananiya , mudahwa mukulu, haguma n' abandi bashamuka, na muguma we mbalamwazi oyirikwa Tertulo. ² Bayinja omw'omurhegesi mukulu kusidaka Paulo. Amango Paulo ahamagalagwa embere z'omukulu Tertulo arhonder' okumusidaka, aderha: ³ Bula kugerer' oyo, rhwabwene omurhula gunene, mukengwa bwenene Feliki, olu lubaga lwayankirire okuhindamuka kw'okuli kugerer'ebijiro birhegwirhw'ebirhuyinji byoshi na hoshihoshi oku murhima gw'obushagaluke. ⁴ Omukurhakurhamya nkuhunire okuyunviriza oku bwirhonzi bwawe, emyazi yerhu migeke. ⁵ Bulala rhubwene ok'oyu muntu ali mudarhi, n'okulerha omujinya n'okugaba Abayahudi boshi omw'igulu lyoshi, nakandi ali mwimangizi w'edini lya banazareti. ⁶ Alishinganene kuzingisa eshengero, na ntyo, rhwamamushweka. ⁷ Rhwalonza okumuhana kuger'erhegeko lyerhu, aliko Lusia mukulu w'enfola miherho (barungu) ayinja, amukul'omufune zerhu oku misi. ⁸ Arhegeka bal'asidakire bahike emwa Ananiya, w'oyo wenine wagala kumubaza n'okumenya ebi bamusidakire. ⁹ Na bayuda bahamiriza oku ntyo kubinali. ¹⁰ Ahabuzinda Governeri amuh'echimenyiso ch'okuderha, Paulo ashuza: Mumenye, oku kurhenga myaka minene,oli Mucha manja w'obu buko, buli buyemere kw'ogu mwazi oku derhera echi chibazo. ¹¹ Harhakabula siku ekumi, oba omenyere, oku nali jire e Yerusalema kukuza. ¹² Barhana mbonaga omu Ka Nyamuzinda, changwa omu Sinagogi, changwa omu Chishagala, kurhongan'omuntu, changwa kuhangala echigusho ch'abantu. ¹³ Barhanameyaga bichi banshobekaga. ¹⁴ Aliko, nkubwirire okunali oku ndi nakolera Nyamuzinda wa badarha, okuyemera emyazi yoshi yayandikwagwa na marhegeko n'abalebi. ¹⁵ Mperhe obulangalir'emwa Nyamuzinda kuguma nabo okunji haba obufuke bwa bachesibwa na banyakol'amaligo. ¹⁶ Echo chochirumire, nchihaganire okuba n' omurhima gwinja embere za Nyamuzinda n'embere z'abantu. ¹⁷ Enyuma ya myaka minene, naliyinjire okulerher'abantu bw'obuko bwani entulo n'enterekero. ¹⁸ Omukagarhi ka baguma ba bayuda kurhega Aziya bamushigana omu shengero enyuma ly'okuchesibwa, buzira chigusho n'olwamo. ¹⁹ Bihunir'oku abala bayinjir'embere zawe kusidaka, okwonva baherh' omwazi enyanya zani. ²⁰ Aba bantu baderhere bonyine bubi buchi bambweneko amango nayimangaga emalagambere g'endeko. ²¹ Arhali oku mulenge muguma nayamag'embere zabo enyanya z'okufuka kwa bafu, namachirwa olubanja emalagambere genyu zene. ²² Nantyo, Feliki amala kuyunva ebyali bilolere ezo nyigirizo, abalegamya, omu kuderha, Hano Lusia mukulu w'enfola miherho ayinja, nji namala emyazi yenyu. ²³ Arhegeka omukulu w'enfola miherho oku balange Paulo; aliko buzira kumushweka na buzira kuhanza bera bage oku mukolera n'okumulambagirira. ²⁴ Enyuma ya siku zinene, Feliki ayinja haguma na mukage Drusila, waliri muyahudi, ahamagala Paulo amuyunviriza oku myanzi y'obwemere omu Kristu. ²⁵ Aliko Paulo alemag'ayigiriza enyanya z'okuli n'obushibirizi, n'obuhanya byayinja, Feliki ayoboha bwenene aderha: bwonabuno, orhenge hano ogende, hano mbona akachanji nashuba kukuhamagala. ²⁶ Alinihir'oku Paulo amuha olufuranga mpu lyo amushwekula, enyanya z'oku, agenderera oku muhamagala n'okuderha naye. ²⁷ Myaka ebiri echigera, Porkio Festo agombola Feliki omu kurhegeka. Feliki alilonzeze okusimis'abayuda, nantyo arhuma Paulo omu mpamikwa.