¹ E Ikoniyo, Paulo na Barnaba baja haguma omu chishagala ch'abayahudi, baderha okubuly'olubaga lunene lw'abayahudi n'Abagiriki bayemera. ² Aliko Abayahudi barhayemeraga bashumika abapagani n'oku baheba mw'emirhima mibi ku bene berhu. ³ Babera e Ikoni kashanji kanene bali baderha n'oburhwali omu Nahano wahamirizag'omwazi g'obukuze bwage, abah'ebimenyeso n'ebisomerene bikolwe oku fune zage. ⁴ Olubaga l'omu chizungu lwachigabamo: baguma okulunda lw'abayahudi n'abandi okulunda lw'entumwa. ⁵ Amango abarhayemerere, n'Abayahudi haguma n'abarhegesi babo babere bali bashonda kubakubirh'amabale; ⁶ Paulo na Baranaba omukugwarha obwenge balibirhir'omu chizungu ch'e Likoniya n'Elistra n'Ederbe na hofihofi nabo. ⁷ Bayalagaz'omwazi gw'omurhula eyo munda. ⁸ Elistra yaliri muntu muguma w'entagenda, gurheng'okuburhwa eri arhasagi lambagira ⁹ Ayunvirhe oku Paulo ali ayigiriza, na Paulo amulambulira kw'amesho, okubona oku aliherh'obwemere b'okufuma, ¹⁰ aderha n'omulenge gunene: yumangira oku magulu gawe. Ayumuka bwinja analambagira. ¹¹ Okubon'ebi Paulo awajirire, olubaga lwalik'omulenge n'okuderha omululimi lwe Likaoniya: emizimu omushusho ly'omuntu yarhuyandagalire. ¹² Bayirika Baranaba mpu ye Yovi na Paulo Merikuriyo, bulala yewe yewalemag'aderh'omwazi. ¹³ Omudahwa wa Yovi waligwerh'eshengero lyage embere w'echishagala alerh'enkavu n'emirhabi y'obwaso kuger'omulunvi, ashonda kurhul'entulo haguma n'olo lubaga. ¹⁴ Entumwa Barnaba na Paulo, babere bayunva ntyo, baber'emishangi yabo, balibirhira ahagarhi k'olubaga, ¹⁵ bayama: mwe balume we, charhuma mwajira ntyo? nerhu rhuli bantu kuguma nenyu;n'omukubalerher'omwazi gwinja rhubayingingire muchunguke murhenge mweyi myazi yabushabusha muj'emwa Nyamuzinda walemag'empingu n'egulu n'enyanja na byoshi bilimo. ¹⁶ Oyo Nyamuzinda, omuchihe chageraga, alekag'amahanga goshi gakulikir'enjira zabo, ¹⁷ nachiro ntyo arha chilekaga buzira kuhamiriza okwali,omukujir'ebinja,omuku barhumir'envula gurheng'empingu n'amango g'okushalula,omukubayugusa emirhima yenyu biryo n'obusime. ¹⁸ Nakw'ebyo binwa, bashiman'echibazo chokubuza olubaga mpu barhabarhulirag'entulo. ¹⁹ Bahulukira kurheng'e Antiyokiya n'e Ikoniya, abantu bol'olubaga bakubirha Paulo amabale, bamukululir'embuga w'e chishagala eri bali baganiz'okw'afire. ²⁰ Alikw'entumwa babere bamurhangana boshi ayumanga aja omu chizungu, esezi waho baj'e Derbe bombi na Barnaba. ²¹ Babere bamayalagaz'omola chishagala n'okujir'oluganjo lulebe lw'entumwa, bagaluk'e Elistra, e'Ikoniya n'e Antiyokiya, ²² bakomeza emirimo y'entumwa, n'okubayushulir'emisi omu kushibirira omu bwemezi, n'omu kuderha mpu oku malibuko manene,k'okwarhuma rhwaja omu bwami bwa Nyamuzinda. ²³ Bahira abagula b'eshengero omu ngasi shengero, na buzinda b'okuhuna n'okuchishalisa, babayereka Nyamuzinda, eyi bayemeraga. ²⁴ Bayambukira e Pisidiya, baja e Panfiliya, ²⁵ bayalagaz'omwazi gwinja e Perijiya, bayandagalira n'e Ataliya. ²⁶ Gurheng'aho baja omu bwarho kuyerekera e Antiyokiya emunda barhumagwa oku lukogo lwa Nyamuzinda enyanya w'emirimo bali bamayusi jira. ²⁷ Buzinda b'okuhika kwabo, bahamagaza eshengero, banabashambalira byoshi Nyamuzinda abakolere, na gurhe achingulire amahanga olunvi l'obwemere. ²⁸ Barhangilama n'Entumwa siku zinene bwenene.