¹ Mwezo siku mwami Herode alambula okuboko kwage okujira amabi oku bandi bantu b'eshengero. ² Ayirha Yakobo mwene wabo Yohane okumupanga. ³ Nabulala abona nk'okujira ntyo kwasimisize Abayahudi agendekeza agukura Petero naye, zaliri siku z'emigati. ⁴ Amango amalaga mugwarha amuhira omumpamikwa, omu maboko ga barungu bane,bane, bamulange, eyi ashondere kw'enyuma ya Pasaka amuhane oku bantu. ⁵ Nantyo Petero alangwa omu mpamikwa aliko eshengero bamuhemera emwa Nyamuzinda busira kurhama. ⁶ Amango Herode ashondaga kumuhana, mw'obo budufu Petero alilyamire ahagarhi kabarungu babiri, n'abandi embere y'olunvi balangire empamikwa. ⁷ Lero Malayika wa Nahano uyumanga hofu naye, n'obulangashane bwakolez'omu busika ashurha Petero omulubavu, amuchula, amubwira: yumanga duba. Emigozi yalimushwekere yarhoga. ⁸ Enyuma Malayika amubwira; yambalem'ishangi n'ebirato byawe ajira ntyo. Amubwira: Yambal'emishangi yawe onkulikire. ⁹ Naye amukulikira, ey'arhamenyer'akaba kubinali ebila byajirika na Malayika, aliko amenya mpu bilorho. ¹⁰ Amango arhalukaga omulanzi n'owakabiri, agera okulunvi lw'echuma lujire omu chizungu, lwachichingula lonine, baj'embunga, bagera omu njira nguma honaho Malayika omuleka. ¹¹ Petero amango obwenge bumugaluka aderha: Namaja namanya oku Nahano alirhumire Malayika wage okunchungula okunkula omu maboko ga Herode n'omubyoshi olubaga lwa Bayahudi balilangalire. ¹² Abere aganiza ntyo, ahika oku nju ya Mariya, nina wa Yohana ahamagalwa Marko, n'abantu banene balibuganene omu bali bahuna. ¹³ Abere akomanga oku lunvi, omujanyere, ohamagalwa Roda, ayinja kuyunviriza. ¹⁴ Abere ayunva omulenge gwa Petero arhachingulaga olunvi Enyanya ly'okusima, aliko ayinja duba ababwira oku Petero y'eri mbuga okulunvi. ¹⁵ Nabo bamubwira: wasirehere. Aliko yewe akomeza kubabwira ntyo. ¹⁶ Baderha: mpu malayika wage oyo. Aliko Petro akomeza kukongorha Babere bachingula olunvi ba mubona, basomerwa bwenene. ¹⁷ Naye abasimira n'efune okubasire, buzind'arhondera oku babwira gurhe Nahano omukulaga omu mpamikwa, aderha: Mugende mubwire Yakobo na bene babo eyi myazi. Arhengaho aja handi. ¹⁸ Obuche bwabere bwayinja, Enfola miherho zarhogoka bwenene okumenya gurhe byabere na Petero . ¹⁹ N'amango Herode ajagamulonza buzira kumubona, arhegeka okw'abalanzi bayirhwe, Petero ayandagala kurhenga e Yudeya aja eKayisariya, aberayo. ²⁰ Lero Herode agaya bwenene abantu b'eTiro n'eSidoni: nabo bayinja emwage na murhima muguma: n'enyuma ly'okujira obwira na Balasto, olanga obusika mwami alalamo, balonz'omurhula, bulala echihugo chabo chibona ebiryo omuchihugo cha mwami. ²¹ N'oku lusiku luguma lulondwerwe Herode ayambala enyambalo y'obwami; ayikala oku ntebe y'obwami; adurha emyazi embere zabo. ²² Abantu bahoga baderha: mpu mulenge gwa Nyamuzinda gurhali gwa muntu. ²³ Honaho malayika wa Nahano amurhibula, bulala arhahaga Nyamuzinda obukuze, alibwa n'orhusimba, arhenga m'omuka. ²⁴ Alik'omwazi wa Nahano gwa gendekera, gwayushuka. ²⁵ Baranaba na Sauli babere bamala obukozi bwabo: Bagaluka kurhenga Eyerusalema; bagenda haguma na Yohana ohamagalwa Marko.