¹ Tafaran'iré raha iré de nandre zay karaha ny feo mafin'ny vahoaka maro isa tagny an-dagnitra zaho nagnano hoe: ''Aleloia. Ny famonjegna, ny vôninahitra, ké ny hery de an'Andriamanitsika. ² Iré fitsarany de marigna sy mahitsy, fô nitsara ny mpivaro-tegna maventy zay nagnaratsy ny tany tamin'ny fijangajangany izy. Namaly faty ny ràn'iré mpanompony, zay nalatsany izy.'' ³ Nivôlagna fagnindroiny zaré ré hoe: ''Aleloia! Ny setroka de miakatra avy aminanjy mandrakizay doria.'' ⁴ Iré lohôlogno efatra amby roapolo sy iré raha-managn'aigna efatra de niankôhoka ké nanômpo an'Andriamanitra zay nipetraka také amin'ny sezy fiandrianagna. Ahozy zaré ré: ''Amena. Aleloia!'' ⁵ De nisy feo nivoaka avy takô amin'ny sezy fiandrianagna, nagnano hoe: ''Derao Andriamanitsika, anaré jiaby mpanompony, anaré zay matahotra Ananjy, na ny tsy manan-danja na ny mahery.'' ⁶ De naharegny zay karaha ny feon'ny ôlogno maro isa, karaha ny firohondrohon'ny rano maro, sy karaha ny fianjeran'ny kotroka mafy zaho, nagnano hoe: ''Aleloia! Fô manjaka ny Tompo, Andriamanitra zay manapaka amin'ny jiaby. ⁷ Ôka atsika hifaly sy ho ravoravo ké hagnamia voninahitra Ananjy satrià tônga ny fampakaram-badin'ny Zanak'ondry, ké ny ampiakariny efa niomagna. ⁸ Namiagna alalagna hagnatô akanjo rongony mamiratra sy madio izy'' (fô ny lamba rongony de iré asa marin'iré ôlo-masigna). ⁹ Lay anjely nivôlagna taminahy hoe: ''Soraty zao: Sambatra iré zay nasaigna tamin'ny fety fampakaram-badin'ny Zanak'ondry. Nivôlagna taminahy koà izy hoe: ''Iré de koragna marin'Andriamanitra.'' ¹⁰ Niankôhoka také amin'ny tôngony mbô hanômpo ananjy zaho, fô ahozy izy taminahy: ''Aza magnano zao! Zaho de mpiara-manômpo aminô sy iré rahalahinô zay mitagna ny fijoroagna vavôlombelogno momba an'i Jesosy. Manompoa an'Andriamanitra, fô ny fijoroagna vavôlombelogna momba an'i Jesosy de ny fagnahin'ny faminaniagna.'' ¹¹ De nahita ny lagnitra nisôkatra zaho ké nizaha ké nisy soavaly fôtsy. Lay mpitaigigna izégny de nantsoigna hoe mahatôky sy marigna. Amin'ny fahamarignana no hitsarany sy hiadiany. ¹² Iré masony de karaha ny lelan'afo, ké aké amin'ny lôhany misy satro-bôninahitra maro. Managna agnaragna voasôratra aké aminanjy zay tsisy mahafantatra afa-tsy izy foagna izy. ¹³ Magnatô akanjo lava zay natsoboka takô amin'ny rà izy, ké ny agnarany de nantsoigna hoe ny Tenin'Andriamanitra. ¹⁴ Iré tafiky ny lagnitra de nagnaraka ananjy tamin'ny soavaly fôtsy, magnatô lamba rongony, fotsy sy madio. ¹⁵ Avaké amin'ny vavany no mivoaka ny sabatra maragnitra zay amin'izégny no hamelezany iré firenegna, ké hanapaka zaré ré amin'ny tehigna vy izy. Magnitsaka akô amin'ny famiazan'ny fahavigniran'ny fahatizeran'Andriamanitra tsitoha izy. ¹⁶ Managna agnaragna vôsoratra aké amin'ny akanjo lavany aké amin'ny feny izy hoe: '' Mpanjakan'iré mpanjaka sy Tompon'iré Tompo.'' ¹⁷ Nahita anjely nitsangagna také amin'ny masôva zaho. Nagnantso tamin'ny feo mahery iré vôrona magnidigna ambôny jiaby izy hoe: ''Avià, miangona ho an'ny fety lehiben'Andriamanitra. ¹⁸ Avia ihinagna ny nofon'iré mpanjaka, ny nofon'iré mpitari-tafika, ny nofon'iré lalahy mahery, ny nofon'iré soavaly sy iré mpitaingina izégny, ké ny nofon'ny lalahy jiaby, ny afaka ndraiky andevo, ny tsy manan-danja ndraiky mahery.'' ¹⁹ Nahita ny bibi-dia sy iré mpanjakan'ny tany niaraka tamin'ny tafiky zaré ré zaho. Niangogna zaré ré mbô hiady amin'ny araiky zay nitaingigna ny soavaly sy amin'ny tafiny. ²⁰ Vôsambotra lay bibi-dia ké niaraka taminanjy ny mpaminany sandoka zay nagnano iré famantaragna také agnatrehany. Tamin'iré famantaragna iré no namitahany iré zay nandray ny mariky ny bibi-dia sy iré zay nanompo ny sariny. Zarè roy de natsipy velogna takô agnaty farihin'afo mirehitra solifara. ²¹ Ny ambinjaré ré de novonoigna tamin'ny sabatra zay nivoaka ny vavan'ny araiky zay nitaingigna ny soavaly. Ny vorogna jiaby nihinagna ny nôfo mangatsiakanjaré ré.