¹ Nôho izégny ôko mbô ho mpangala tahaka an'Andriamanitra, karaha ny zanaka malala. ² Ké mandihana amin'ny fitiavagna, karaha ny nitiavan'i Kristy atsika foagna koà sy nagnomezagny ny tegnany ho atsika, fanatitra manim-pofona sy sorogna ho an'Andriamanitra. ³ Fô tsy tôkony hisy na de koragna fijangajangagna na karazagna fahalotoagna na tsy fahonognan-tegna aza aké aminaré, fô tsy mendrika ny ôlo-masin'Andriamanitra iré. ⁴ Oka tsy hisy mamoafady, koragna adaladala, ary vazivazy tafahoàtra _ fô tsy mendrika ny jiaby amin'iré. Fô ndraiky tôkony hisy fankasitrahagna. ⁵ Fô afaka mahazo antoka ny aminjô anarè, fô tsy hisy mpijangajanga, maloto, na ny mpierigna _ izegny hoe, mpanompo sampy _ managna lova akô amin'ny fanjakan'i Kristy sy Andriamanitra. ⁶ Oka tsy hisy hamitaka anaré amin'ny teny foana, satrià noho iré raha iré de tônga amin'ny zanaky ny tsy fankatoavagna ny hatezeran'Andriamanitra. ⁷ Noho izegny, aza mikambagna aminanjy iré. ⁸ Fô maizigna anaré fahiny, fô zao anaré de fahazavagna akô amin'ny Tompo. Mandihana karaha ny zanaky ny mazava, ⁹ (fô ny vokatry ny fahazavagna de akô amin'ny fahatsaragna jiaby, fahitsiagna, sy fahamarignana). ¹⁰ Ké tadiava zay mahafinaritra ny Tompo. ¹¹ Aza mikambagna amin'iré asa tsy mamokatry ny haizigna, fô ampiharihario kosa iré. ¹² Fô mahamegnatra na de ny manognona iré raha atônjaré ré agny amin'ny miafigna aza. ¹³ Fô kôfa hazavain'ny fahazavagna ny raha araika, de lasa mibaribary. ¹⁴ Fô ny raha jiaby zay mibaribary de fahazavagna. Noho izégny de voalaza hoe: ''Mifohaza, anà mandry, ké mitsangàna amin'ny toeran'ny naty, de hamiratra aminà Kristy.'' ¹⁵ Mitandrema amin'ny fômba fianagna _ tsy karaha ny tsy hendry fô karaha ny hendry. ¹⁶ Ararôty ny fotoagna satrià zao andro zao de ratsy. ¹⁷ Noho izégny, aza midaladala, fô takary hoe ino no sitrapôn'ny Tompo. ¹⁸ Ké aza magnano mamon'ny divay, fô mitondra agny amin'ny fahasimban-toetra izegny. Fô ndraiky, ôka ho fenon'ny Fagnahy Masigna, ¹⁹ mifampizakà aminaré samy anaré amin'ny salamo sy fihiragna ary hiram-panahy, mihirà ké mikaloa amin'ny Tompo amin'ny fonaré jiaby. ²⁰ Misaora mandrakariva amin'ny raha jiaby, amin'ny agnaran'i Jesosy Kristy Tompontsika ho an'Andriamanitra ilay Ray, ²¹ mifanolora tégna amim-pagnajagna ho an'i Kristy. ²² Ry viavy, magneke ny vadinaré, karaha ny amin'ny Tompo. ²³ Fô ny lalahy no lôhan'ny viavy karaha an'i Kristy kôa lôhan'ny fiangonagna, ké Kristy tegnany no mpamonjy. ²⁴ Fô karaha ny hagniken'ny fiangonagna an'i Kristy, de karaha izegny kôa no tôkony hagneken'ny viavy ny vadiny amin'ny raha jiaby. ²⁵ Ry lalahy, tiava ny vadinaré, karaha ny tiavan'i Kristy ny fiangonagna sy nagnomezany ananjy ny agnany. ²⁶ Nanolotra ny tegnany ho an'ny fiangonagna Kristy mbô afahany magnamasigna ananjy, tamin'ny fahadiovagna ananjy tamin'ny rano fanasagna amin'ny teny, ²⁷ mbô afahany mampiseho ananjy ho be voninahitra aké aminanjy, tsy misy pentigna na kentrogna na raha karanjegny, fô masina sady tsisy diso. ²⁸ Karanjegny foagna kôa ny lalahy de tôkony ho tià ny vadin-jaré ré avy karaha ny tegnan-jaré ré. Izy zay tià ny vadiny de tià ny tegnany foagna kôa. ²⁹ Tsy mbôla nisy nankahala ny tegnany, fô mamahagna sy mikarakara izégny tsara, karaha an'i Kristy mamahagna ny fiangonagna sy mikararaka ananjy foagna kôa, ³⁰ satrià atsika de ratsam-batany. ³¹ Noho izegny antony izegny ny lalahy de handao ny babany ndraiky mamany ké hikambagna amin'ny vadiny, ké izy aroy de ho tônga nofo raika foagna.'' ³² Lehibe izegny fahamarignana mivony izegny _ fô zaho de mikoragna momban'i Kristy sy ny fiangonagna. ³³ Kanefa, ny tsiraikaraika aminaré foagna kôa de tôkony ho tià ny vadiny avy karaha ny tegnany, ké ny viavy de tôkony hagnaja ny vadiny.