¹ Noho izégny, amin'ny maha gadra ho an'ny Tompo anahy, de mamporisika anaré mbô handeha am-pamendrehagna amin'ny antso zay nagnantsôvagna anaré. ² Mamporisika anaré zaho mbô hanagna fanitren-tegna lehibe sy fahatsoragna ary faharetagna, mifandefitra amin'ny fitiavagna. ³ Magnanôva zay faran'ny herinaré mbô hitahirizagna ny firaisan'ny fanahy amin'ny fatôran'ny fihavanagna. ⁴ Araika foagna ny vatagna ké araika foagna ny Fagnahy, karaha ny niantsoagna anaré takô amin'ny fanatinagnan'ny fiantsoagna anaré araika foagna koà. ⁵ Ké araika foagna ny Tompo, raika ny finoagna, ary ny batisa, ⁶ ké arika foagna Andriamanitra sy ny Rain'ny jiaby, zay ambônin'ny raha jiaby ké amin'ny alalan'ny raha jiaby sy akô amin'ny raha jiaby. ⁷ Atsika tsiraikaraika avy de namigna fahasoavagna karaha ny habiazan'ny fagnonezan'i Kristy. ⁸ Karaha ny tenin'ny Sôratra Masigna izégny hoe: ''Kôfa nakatra tagny amin'ny avo Izy, de nitôndra iré babo ho amin'ny fahababoagna, ké nanôlotra fagnomezagna ho an'ny fôkon'ôlogno Izy.'' ⁹ Ino ny hevitry ny hoe: ''Nakatra Izy,'' kô tsy hoe nidigna tagny amin'ny faritra ambanin'ny tany foagna koà Izy? ¹⁰ Izy lay nidigna foagna lay ôlogno nakatra anambo tagny an-dagnitra, mbô afahany mameno ny raha jiaby. ¹¹ Kristy de nanolotra ny sanany ho apostôly, ny sanany ho mpaminany, ny sanany ho evanjelista, ary ny sanany ho pastera sy mpampianatra. ¹² Namiagna iré asa iré Izy mbô hagnampiagna iré vahoàkany masina ho amin'ny asa fanompoagna, amin'ny fagnorenagna ny vatan'i Kristy. ¹³ Manohy magnorigna ny vatany Izy mandra-pahatrarantsika jiaby ny firaisam-pinoagna sy ny fahalalagna ny Zanak'Andriamanitra, ké mbô hahatônga antsika ho matotro ké mbô hahatratra ny haben'ny fahafinoan'i Kristy. ¹⁴ Magnorigna antsika Kristy mbô tsy ho karaha ny zaza zay atopatopan'ny onja intsony atsika, ké tsy ho indôsiny rivotry ny fampianaragna sy ny hafitsiàn'iré ôlogno amin'ny tetika feno fitaka. ¹⁵ Fô atsika kosa, amin'ny filazagna ny fahamarignana amin'ny fitiavagna, de tôkony hitômbo amin'ny fomba jiaby akô amin'Izy zay lôha, izégny hoe, Kristy. ¹⁶ Kristy de manangagna ny tegna jiaby, ké nakambana sy atambatra tamin'ny isan'tonony izégny, ary kôfa miasa miaraka iré, de mahatônga ny vatagna hitômbo mbô hampiorigna ny tegnany amin'ny fitiavagna. ¹⁷ Noho izégny, de mivôlagna sy magnindry mafy izegny akô amin'ny Tompo zaho, mbô tsy hiaigna karaha ny Jentilisa intsony anaré, amin'ny fahafoagnan'ny fisaignanjaré ré. ¹⁸ Maizigna ny fahalalanjaré ré, tafasaraka amin'ny fiaignan'Andriamanitra nohon'ny tsy fahalalagna akô aminjaré ré, nohon'ny fahamafisam-pônjaré ré. ¹⁹ Tsy mahalala megnatra zaré ré ké nanolotra ny tegnanjaré ré ho amin'ny filan'ny nofo, kè manoy magnano zao karazam-pahalotoagna jiaby zao. ²⁰ Fô tsy izegny no fômba niananaré ny mômban'i Kristy. ²¹ Inoàka fô naregny ny mômba Ananjy anaré, ary nampianarigny takô aminanjy, satrià ny fahamarignana de akô amin'i Jesosy. ²² Nampianarigny anaré mbô hagnary ny fômba fiaignanaré talôha, mbô hagnary ny toetra talôha. Lay toetra talôha zay simba nohon'ny fitaky ny filany. ²³ Nampianarigny anaré mbô hihavô akô amin'ny fagnahin'ny sainarè, ²⁴ ké itafy lay ôlom-bôovô zay noharigna karaha ny endrik'Andriamanitra _ akô amin'ny tégna fahamarignana sy fahamasignana. ²⁵ Noho izegny, ialà ny lainga, ké ôko ny tsiaraikiaraiky aminaré hifampilaza ny marigna amin'ny namany, sarià samy isan'ny rantsan'ny jiaby atsika. ²⁶ Mivignira fô aza manoto. Aza avela ho tratrin'ny masoandro mody ny havigniranarè. ²⁷ Aza magnamià hirika ho an'ny devoly. ²⁸ Zay nangalatra de tsy tôkony hangalatra intsony. Tsy maintsy miasa izy, magnano asa tsara amin'ny tagnany, mbô hanagnany raha ho zaraigna ho an'iré akô agnatin'ny tsy fahampiagna. ²⁹ Aza avéla hisy teny maloto hivoàka avy amin'ny vavanaré. Mampiasà teny zay ilaigna amin'ny fagnorenagna ny hafa, karaha zay ilain-jaré ré, mbô tégna hagnampy iré zay mitandregny anadré ny teninaré. ³⁰ Ké aza mampalahelo ny fanahy masin'Andriamantra, fô avy aminanjy no nagnanôvagna tombo-kase anaré ho amin'ny andron'ny fagnavôtagna. ³¹ Ialaha ny lôlom-pô jiaby, haromotagna, ny havigniragna, ny fifaliàgna, ké ny fifampitenenan-dratsy, miaraka amin'iré karazan'asa ratsy jiaby. ³² Managna fahalemem-panahy amin'ny tsiaraikiaraiky avy, fahatsôram-pô, mifaméla heloko, karany nagnamélan'Andriamanitra anandré takô amin'i Kristy.