¹ Avaizo mivolagna mazava tsara ny Fanahy fô amin'ny fotoagna agny afara agny de hiala amin'ny finoagna ny ôlongno sanany ké mitandrema tsara ny amin'iré fanahy mpamitaka sy iré fampianaran'iré demonia ² amin'ny fihatsarambelatsihin'ny mpandainga. Fô voàmarika amin'ny vy mamay ny feon'ny fieritreretanjaré ré. ³ Ho rarànjaré ré ny manambady ndraiky mandray iré hanigna zay noforonin'Andriamanitra ho zaraigna miaraka amin'ny fisaoragna aké amin'iré zay mino sy zay mahafantatra ny marigna. ⁴ Fô ny raha jiaby zay noforognin'Andriamanitra de tsara. Tsisy holavigna ny raha noraisintsika tamim-pisaoragna. ⁵ Fô nohamasinigna tamin'ny koragnan'Andriamanitra ndraiky vavaka izégny. ⁶ Kôfa apetrakaré aké agnoloan'iré rahalahy iré raha iré, de ho mpanompo tsaran'i Jesosy Kristy anaré. Fô notazaigna tamin'iré koragnan'ny finoagna ny tamin'ny fampianaragna tsara zay narahinaré anaré. ⁷ Fô lavo ny angano tantarain'ny viavy antitra. Fô ndraiky, tariho hagnamia vôninahitra an'Andriamanitra ny tegnanaré. ⁸ Fô ny vatagna hofanigna de hely foagna no azo ampiasaigna ananjy, nefa fampiasa amin'ny raha jiaby ny toetra araka an'Andriamanitra. Mihazogna ny fampanantinagna amin'itô fiainagna avaizo itô ndraiky fiainan-ko avy. ⁹ Itô hafatra itô de mendri-pitokisagna sy mendrika ny fahafenoan'ny fagnekegna. ¹⁰ Fô noho izégny de hitôlogna sy hiasa mafy atsika. Fô mahatoky akô amin'Andriamanitra velogno atsika, zay Mpamonjy ny ôlogno jiaby indrindra iré zay mino. ¹¹ Koragno sy ampianaro iré raha iré. ¹² Ôka tsy hisy ôlogno hagnano tsinontsinogna ny fahatanoranà. Fô ndraiky, ôka ho ôhatra ho an'iré zay mino, amin'ny fivôlagna, fitondran-tegna, fitiavagna, finoagna, ké fahadiovagna. ¹³ Mandra-pihaviko, tohizo ny famakiagna, ny fagnanaragna, ndraiky fampianaragna. ¹⁴ Aza atô tsinontsinogna ny fagnomezam-pahasoavagna zay akô aminà, zay namiagna anà tamin'ny alalan'ny faminaniagna, niaraka tamin'ny fametrahan-tagnan'iré lohologna. ¹⁵ Tandrovy iregny raha iregny. Meteza ho akô aminjaré ré, mbô hiharihary amin'ny ôlogno jiaby ny fandrosoanà. ¹⁶ Tandremo tsara ny tegnanà ndraiky fampianaranà. Tohizo iregny raha iregny. Fô kôfa magnano karaha izégny, de ho vonjenà ny tegnanà sy iré zay mihaino anà.