¹ Matokià izô koràgna izô: Kôfa misy ôlogno araiky magniry ny ho mpiandraikitry, de magniry asa tsara izy. ² Noho izégny de ny mpiandraikitra de tsy maintsy tsy manan-tsigny. Tsy maintsy manambady viavy tôkagna izy. Izy de tôkony hahay handajalanja, hendry, tia filaminagna, tia mandray ôlogno. Tsy maintsy mahay mampianatra izy. ³ Tsy tôkony za-dratsy amin'ny divay izy, tsy mpila ady, fô ndraiky, malemy fagnahy, feno fiadanam-pô. Izy de tsy tôkony ho tia vôla. ⁴ Tôkony hitantagna tsara ny tôkantragnony izy, ké iré zanany de tôkony hagneky ananjy am-pagnajagna tanteraka. ⁵ Fô kôfa tsy mahay mitantagna ny tôkantragno izy, karakôry no hikarakarany ny fiangonan'Andriamanitra? ⁶ Tsy tôkony ho ôlogno vao niôva fô izy, mbô tsy hieboeboany kè ho lavo amin'ny fagnamelohagna karaha ny devoly. ⁷ Izy foagna koà de tsy maintsy tsara laza amin'iré ôlogno egny ivelagny, mbô tsy ho lavo agnaty fahafaham-baraka ndraiky fandriky ny devoly. ⁸ Iré Diakona, karaha izégny foagna koà, de tôkony ho mendreka. Zaré ré de tsy tôkony hisotro divay be loàtra na tsy mahalala onona ara-kanigna. ⁹ Tôkony hitazogna ny fahamarignan'ny finoagna nambara miaraka amin'ny feon'ny fieritreretagna madio. ¹⁰ Zaré ré foagna koà de tôkony ho sadraigna mialôha, avy aké de tôkony hanompo satrià tsy manan-tsigny zaré rè. ¹¹ Iré viavy foagna koà tôkony ho mendrika karaha izégny. Tsy tôkony ho mpagnedrikendrika zaré ré. Tôkony hahay handanjalanja ké mahatoky amin'ny raha jiaby. ¹² Iré Diakona de tôkony hanambady viavy tôkagna. Tsy maintsy mitantagna tsara iré zanany ndraiky tôkantragnony zaré ré. ¹³ Fô iré zay nanompo tsara de handray ny laza tsara sy fahatokisagna maventy amin'ny finoagna ho an'ny tegnanjaré ré zay akô amin'i Jesosy Kristy. ¹⁴ Manôratra irè raha iré aminà zaho, ké manantegna ny ho avy tsy ho ela agny aminà zaho. ¹⁵ Fô kôfa tara zaho, de manôratra mbô hahafantaranaré ny fitondran-tegna akô amin'ny tôkantragnon'Andriamanitra, zay fiangonagnan'Andriamanitra velogna, lay vato fehizoro sy fioregnan'ny fahamarinagna. ¹⁶ Tsy azo lavina fô ny fahamarignana nambara zay araka an'Andriamanitra de maventy: ''Izy de niseho tamin'ny nôfo, nohamarignin'ny Fanahy, hitan'ny anjely, nambara také agnivon'irè firenena, ninoan'izô tontôlo izô, ké nasandratra tamim-bôninahitra.''